Levitikosy 15:32 - Baiboly Katolika

³² Izany no lalàna momba ny lehilahy mitsîka na voaloton’ny fandehanan’ny rano malotony,

Baiboly Protestanta Malagasy 2011

³² Izany no lalàna ny amin’ny marary mitsika sy ny amin’izay ialan’ny tsirinainy ka voaloto amin’izany,

DIEM PROTESTANTA

³² Ireo avy no fepetra ny amin’ny lehilahy voan’ny aretina mitsika na mandefa lahinaina tsy nahy ka voaloton’izany,

Dikateny Iombonana Eto Madagasikara

³² Ireo avy no fepetra ny amin’ny lehilahy voan’ny aretina mitsika na mandefa lahinaina tsy nahy ka voaloton’izany,

Baiboly Protestanta Malagasy

³² Izany no lalàna ny amin’ny marary mitsika, sy ny amin’izay ialan’ny azy, ka mahaloto azy izany,

Malagasy Bible

³² Izany no lalàna ny amin'ny marary mitsika, sy ny amin'izay ialan'ny azy, ka mahaloto azy izany,

Levitikosy 15:32 Rohy Ifampitohizana

Ezekiela 43:12

Izao no lalàna amin’ny trano: Masina dia masina avokoa, ny tokotany rehetra momba azy manodidina, eo an-tampon’ny tendrombohitra. Izany no lalàna amin’ny trano.

Levitikosy 11:46

Izany no lalàna momba ny biby mandia tongotra efatra, ny vorona, ny zava-miaina rehetra mihetsiketsika ao anaty rano, ary izay rehetra mandady amin’ny tany,

Levitikosy 13:59

Izany no lalàna momba ny fery habokana amin’ny fitafiana volon’ondry na rongony, ny kofehy natao tenany na fahany, ary ny zavatra natao tamin’ny hoditra, na inona na inona izany, mba hilazana azy hoe madio na maloto.

Levitikosy 14:2

Izao no lalàna momba ny boka, amin’ny andro hidiovany:

Levitikosy 14:32

Izany no lalàna momba ny fidiovan’izay nanana fery habokana ka tsy ampiampy fananana.

Levitikosy 14:54

Izany no lalàna momba ny fery habokana, sy ny kimavo,

Levitikosy 15:16

Raha misy lehilahy mandeha rano maloto, dia hampandro amin’ny rano ny tenany manontolo, ary haloto izy mandra-paharivan’ny andro.

Levitikosy 15:31

Ampianaro hidio amin’ny fahalotoany ny zanak’i Israely, sao ho faty noho ny fahalotoany izy, amin’ny fandotoany ny Fonenako izay eo afovoany.

Levitikosy 15:33

sy momba ny vehivavy mararin’ny fadim-bolana, mbamin’ny olona rehetra mitsîka, na lahy na vavy, sy ny lehilahy mandry amim-behivavy maloto.

Nomery 19:14

Izao no lalàna: Raha misy olona maty ao amin’ny trano lay anankiray, dia haloto hafitoana avokoa ny olona rehetra miditra ao an-day, sy ny zavatra rehetra ao anatin’ny lay.

Nomery 5:29

«Izany no lalàna momba ny fiahiahiana, raha misy vehivavy eo am-pelatanan’ny lahy, nivily nanao fahalotoana;

Nomery 6:13

«Izao no lalàna mahazo ny nazareàna: Rehefa tapitra ny andro maha nazareàna azy, dia asaina mankeo am-baravaran’ny trano lay fihaonana izy;