Levitikosy 10:3 - Baiboly Katolika

³ Dia hoy i Môizy tamin’i Aarôna: «Efa voalazan’i Iaveh izany tamin’izy nanao hoe: Hohamasinina Aho ao amin’izay manakaiky Ahy, ary homem-boninahitra eo anatrehan’ny vahoaka rehetra.» Sina i Aarôna.

Baiboly Protestanta Malagasy 2011

³ Hoy i Mosesy tamin’i Arona: Izany ilay nolazain’NY TOMPO hoe: Amin’izay akaiky Ahy no hisehoako ho masina ary eo anatrehan’ny olona rehetra no hampisehoako ny voninahitro. Dia sina i Arona.

DIEM PROTESTANTA

³ Dia hoy i Mosesy tamin’i Aharôna: –Efa voalazan’ny TOMPO izany, fony Izy nanao hoe: «Izay hanakaiky Ahy dia tiako hanaja ny fahamasinako, ary hanome voninahitra Ahy eo anatrehan’ny vahoaka rehetra.» Dia nanao hiram-pisaonana i Aharôna.

Dikateny Iombonana Eto Madagasikara

³ Dia hoy i Mosesy tamin’i Aharôna: –Efa voalazan’ny TOMPO izany, fony Izy nanao hoe: «Izay hanakaiky Ahy dia tiako hanaja ny fahamasinako, ary hanome voninahitra Ahy eo anatrehan’ny vahoaka rehetra.» Dia nanao hiram-pisaonana i Aharôna.

Baiboly Protestanta Malagasy

³ Dia hoy Mosesy tamin’i Arona: Izany dia ilay nolazain’i Jehovah hoe: Amin’izay akaiky Ahy no hisehoako ho masina, ary eo anatrehan’ny olona rehetra no hampisehoako ny voninahitro. Dia sina Arona.

Malagasy Bible

³ Dia hoy Mosesy tamin'i Arona: Izany dia ilay nolazain'i Jehovah hoe: Amin'izay akaiky Ahy no hisehoako ho masina, ary eo anatrehan'ny olona rehetra no hampisehoako ny voninahitro. Dia sina Arona.

La Bible en Malgache

³ Hoy i Mosesy tamin’i Arona: Izany ilay nolazain’NY TOMPO hoe: Amin’izay akaiky Ahy no hisehoako ho masina ary eo anatrehan’ny olona rehetra no hampisehoako ny voninahitro. Dia sina i Arona.

Levitikosy 10:3 Rohy Ifampitohizana

Genesisy 18:25

Sanatria Anao izay hanao izany, ka hamono ny marina miaraka amin’ny meloka. Sahala izany ny hahazo ny marina sy ny meloka! Sanatria Anao izany. Mpitsara ny tany rehetra ve ka tsy hitsara marina?»

Joba 2:10

Fa hoy izy taminy: «Miteny toy ny vehivavy adala ianao! Mandray ny soa avy amin’Andriamanitra isika, ka nahoana no tsy handray ny ratsy avy aminy koa?» Tamin’izany rehetra izany i Jôba tsy mba nanota tamin’ny molony.

Salamo 119:120

Mangovitra noho ny tahotra ny nofoko eo anatrehanao, ary matahotra ny fitsarànao aho.

Salamo 148:14

Nanandratra ny fahefan’ny vahoakany Izy, foto-piderana amin’izay rehetra miraiki-po aminy, dia amin’ny zanak’i Israely firenena akaiky Azy. Aleloia!

Salamo 39:10

Mangina tsy miloa-bava aho; fa Ianao no manao izao.

Salamo 39:9

Afaho amin’ny fahadisoako rehetra aho; aza atao ho fandàtsan’ny adala aho.

Salamo 46:10

Ny ady natsahany hatramin’ny faran’ny tany; ny tsipìka notapahiny; ny lefona nofolahiny; ny kalesy fiadiana nodorany tamin’ny afo.

Salamo 89:7

Fa iza any an-danitra no hitaha amin’i Iaveh? Iza amin’ireo zanak’Andriamanitra no manahaka an’i Iaveh?

Salamo 93:5

Tsy miova ny teny vavolombelonao, ny fahamasinana no mendrika ny tranonao; mandritra ny faharetan’ny andro rehetra, ry Iaveh ô!

Eksodosy 14:17

ary Izaho hanamafy ny fon’ny Ejiptianina hanarahany azy ireo avy eo aoriana, ary hataoko miharihary ny voninahitro eo amin’i Faraôna sy ny tafiny rehetra, mbamin’ny kalesiny ama-mpitaingin-tsoavaliny.

Eksodosy 14:4

Ary hohamafisiko ny fon’i Faraôna ka hanenjika azy izy. Nefa hataoko miseho miharihary ny voninahitro ao amin’i Faraôna sy ny tafiny rehetra, ka ho fantatry ny Ejiptianina fa Iaveh Aho. Dia nataon’i zanak’i Israely izany.

Eksodosy 19:22

Na ny mpisorona manatona an’i Iaveh aza, aoka hanamasin-tena fandrao vonoin’i Iaveh».

Eksodosy 19:24

Ary hoy i Iaveh taminy: «Mandehana midina aloha, izay vao hiakatra indray miaraka amin’i Aarôna: fa ny mpisorona sy ny vahoaka, aoka tsy hihoatra ny faritra hankatỳ amin’i Iaveh fandrao vonoiny».

Eksodosy 30:30

Hohosoranao koa i Aarôna sy ny zanany, ary hohamasininao izy, mba ho mpisorona hanao fanompoana Ahy.

Isaia 39:8

Ka hoy i Ezekiasa tamin’i Izaia: «Tsara ny tenin’i Iaveh nambaranao»; ary nanampy teny izy nanao hoe: «Fa hisy fiadanana sy fandriana feizay, amin’ny androko.»

Isaia 49:3

Ary hoy Izy tamiko: «Mpanompoko ianao, ry Israely, izay hataoko reharehako.»

Isaia 52:11

«Mialà, mialà, mivoaha teo ianareo; aza mikasika izay maloto. Mivoaha avy ao aminy, mandiova tena ianareo, izay mitondra ny fanak’i Iaveh.

Ezekiela 20:41

Ianareo ankasitrahiko toy ny hanitra misy fofona mahafinaritra, rehefa nentiko nivoaka avy any amin’ny firenena sy novoriko avy any amin’ny tany nanelezana anareo; ary ianareo no hanamasinako ny Tenako eo imason’ny firenena.

Ezekiela 28:22

ataovy hoe: Izao no lazain’ny Tompo Iaveh: Indro ho avy aminao Aho, ry Sidona; hanome voninahitra ny Tenako eo aminao Aho. Ho fantatry ny olona, fa Iaveh Aho, rehefa manatanteraka fitsarana momba azy Aho, sy manamasina ny Tenako eo aminy.

Ezekiela 38:16

Ary hiakatra hamely an’i Israely vahoakako ianao, toy ny rahona hanarona ny tany. Any am-paran’ny andro any no hitondrako anao hamely ny taniko mba hahafantaran’ny firenena Ahy rehefa manamasina ny Tenako ao aminao Aho, ry Goga, eo imason’ireo.

Ezekiela 40:46

ary ny efitrano mitodika mianavaratra kosa ho an’ny mpisorona miadidy ny fanompoana momba ny ôtely. Ireo taranak’i Sadôka amin’ny taranak’i Levì no manatona an’i Iaveh, hanao ny fanompoana azy.»

Ezekiela 42:13

Dia hoy izy tamiko: «Ireo efitrano eo avaratra, sy efitrano eo atsimo manatrika ny fitoerana foana ireo, no efitranon’ny fitoerana masina, ihinanan’ny mpisorona manatona an’i Iaveh ny zava-masina indrindra; ao no ametrahany ny zavatra masina indrindra, ny fanatitra, ny sorona noho ny ota sy noho ny fahadisoana, satria masina io fitoerana io.

Levitikosy 21:15

Tsy hanao izay hanala baraka ny taranany eo amin’ny fireneny izy, fa Izaho no Iaveh manamasina azy.»

Levitikosy 21:17

Mitenena amin’i Aarôna ka lazao hoe: Tsy hisy hanatona hanolotra ny mofon’ny Andriamanitrao, izay olona rehetra manan-kilemam-batana, amin’ny taranakao hatramin’ny fara mandimby.

Levitikosy 21:21

Tsy hisy hanatona hanolotra ny sorona atao amin’ny afo ho an’i Iaveh ny olon-drehetra amin’ny taranak’i Aarôna mpisorona, izay manan-kilemam-batana; fa manan-kilemam-batana izy, ka aza manatona hanolotra ny mofon’ny Andriamaniny.

Levitikosy 21:6

Ho masina ho an’ny Andriamaniny izy, ary tsy hanevateva ny Anaran’ny Andriamaniny, satria izy ireo dia manolotra amin’i Iaveh ny sorona dorana amin’ny afo, ny mofon’ny Andriamaniny, ho masina izy.

Levitikosy 21:8

Hataonao masina izy, fa manolotra ny mofon’ny Andriamanitrao, ka ho masina ho anao, satria masina Aho Iaveh, izay manamasina anareo.

Levitikosy 22:9

Hitandrina ny didiko izy ireo, sao hahazo ota ny amin’izany, na ho fatin’ny fanamavoan’ny zava-masina. Izaho no Iaveh manamasina azy.»

Levitikosy 8:35

Hijanona hafitoana andro aman’alina, eo anoloan’ny varavaran’ny trano lay fihaonana ianareo, ka hitandrina ny didin’i Iaveh mba tsy ho faty ianareo, fa izany no didy azoko.»

Nomery 16:5

ka niteny tamin’i Kôre sy ny tariny rehetra nanao hoe: «Rahampitso dia hasehon’i Iaveh izay Azy sy izay masina, ka hampanakekeziny Azy: dia izay nofidiny no hampanakekeziny Azy.

Nomery 20:12

Fa hoy i Iaveh tamin’i Môizy sy i Aarôna: «Noho ianareo tsy nino Ahy, mba hanamasina Ahy, eo imason’ny zanak’i Israely, dia tsy hampiditra ity fiangonana ity any amin’ny tany izay omeko azy ianareo.»

Matio 10:37

Izay tia ny rainy sy ny reniny mihoatra noho Izaho, dia tsy mendrika Ahy; ary izay tia ny zanany lahy na ny zanany vavy mihoatra noho Izaho, dia tsy mendrika Ahy.

Jaona 12:28

Raiko ô, omeo voninahitra ny Anaranao.»

Jaona 14:13

ka izay rehetra hangatahinareo amin’ny Ray amin’ny Anarako dia hotanterahiko avokoa, mba hahazoan’ny Ray voninahitra eo amin’ny Zanaka.

Deoteronomia 32:51

satria nanota tamiko teo afovoan’ny zanak’i Israely ianareo, tao amin’ny ranon’i Meribà any Kadesy, amin’ny efitra Sina, ka tsy nankamasina Ahy, teo afovoan’ny zanak’i Israely.

2Tesaloniana 1:10

amin’ny andro hahatongavany, mba hanomezam-boninahitra Azy eo amin’ny olo-masiny, sy higagàna Azy eo amin’izay rehetra nino; ary ianareo dia nino ny fanambarànay ny Evanjely tao aminareo.

1Petera 4:17

Fa indro tonga ny andro hiantombohan’ny fitsarana amin’ny fianakavian’Andriamanitra, ka raha miantomboka amintsika izany, hanao ahoana kosa no hiafaran’izay tsy mino ny Evanjelin’Andriamanitra?

1Samoela 2:30

Noho izany, izao no tenin’i Iaveh Andriamanitr’i Israely: Fa efa voalazako fa ny taranakao sy ny tarana-drainao no handeha eo anatrehako mandrakizay; nefa ankehitriny, aza ho toy izany intsony, hoy i Iaveh. Fa izay manaja Ahy no hohajaiko, ary izay maniratsira Ahy no hotsiratsiraiko koa.

1Samoela 3:18

Dia nambaran’i Samoela taminy avokoa ny zavatra rehetra, fa tsy misy nafeniny na dia kely aza. Ka hoy i Helì: «Iaveh Izy ka aoka hataony izay fantany ho mety.»

1Samoela 6:20

Ary hoy ny olona tao Bety-Samesy: «Iza no ho velona eo anoloan’i Iaveh, dia izany Andriamanitra masina izany? Ary ho any amin’iza no hiakarany, avy eto amintsika?»