Kolosiana 4:6 - Baiboly Katolika

⁶ Aoka ny fiteninareo ho mahatehotia mandrakariva, sy ho mamy sira, dia ho fantatrareo izay tokony havalinareo ny olona rehetra tsirairay avy.

Baiboly Protestanta Malagasy 2011

⁶ Aoka ny fiteninareo ho amin’ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

DIEM PROTESTANTA

⁶ Aoka ho mahatehotia sy mahasoa mandrakariva ny teny ataonareo, dia ho fantatrareo izay tokony havalinareo ny olona tsirairay avy.

Dikateny Iombonana Eto Madagasikara

⁶ Aoka ho mahatehotia sy mahasoa mandrakariva ny teny ataonareo, dia ho fantatrareo izay tokony havalinareo ny olona tsirairay avy.

Baiboly Protestanta Malagasy

⁶ Aoka ny fiteninareo ho amin’ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

Malagasy Bible

⁶ Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

La Bible en Malgache

⁶ Aoka ny fiteninareo ho amin’ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

Kolosiana 4:6 Rohy Ifampitohizana

1Tantara 16:24

Ambarao amin’ny firenena ny voninahiny ary amin’ny vahoaka rehetra ny fahagagany.

Salamo 105:2

Mihirà ho Azy, mankalazà Azy! Torio ny fahagagana rehetra ataony.

Salamo 119:13

Ny molotro no amisavisako ny fitsipika rehetra naloaky ny Vavanao.

Salamo 119:46

Hilaza ny fampianaranao eo anatrehan’ny mpanjaka aho, ka tsy ho menatra.

Salamo 45:2

Hira mahafinaritra no miboiboika avy ao am-poko; hoy aho: Ho an’ny mpanjaka anankiray no alahatro! Manahaka ny penina faingam-panoratra ny lelako.

Salamo 66:16

Avia, mihainoa fa holazaiko aminareo, ianareo rehetra matahotra an’Andriamanitra, izay nataony ho an’ny fanahiko

Ohabolana 10:21

Ny molotry ny marina, mamahana olona betsaka, fa ny ratsy fanahy kosa, matin’ny tsy fananany fahalalana.

Ohabolana 15:4

Ny teny mora, dia hazon’aina; fa ny vava ratsy, mamaky ny fo.

Ohabolana 15:7

Ny molotry ny hendry mampiely ny fahaizana; fa tsy mba ny fon’ny adala.

Mpitoriteny 10:12

Mahafinaritra erỳ ny teny aloaky ny vavan’ny hendry; mihinana ny tenany kosa ny molotry ny adala.

Ezekiela 43:24

Ianao moa, hanatitra ireo, eo anatrehan’i Iaveh; ny mpisorona kosa handraraka sira aminy, sy hanolotra azy ho sorona dorana amin’i Iaveh.

Levitikosy 2:13

Asiana sira avokoa ny fanatitra aterinao; aza avela tsy hisy siran’ny fanekem-pihavanan’ny Andriamanitrao ny fanatitrao: hanolotra sira ao amin’ny fanatitrao rehetra ianao.»

Matio 5:13

Ianareo no fanasin’ny tany; fa raha ny fanasina no tonga matsatso, hatao ahoana no fanasina azy indray? Tsy ho azo atao inona intsony izy, fa dia hariana any alatrano hohitsahin’ny olona.

Lioka 4:22

Ary nankalaza Azy izy rehetra, sady talanjona noho ny tenim-pahasoavana naloaky ny vavany, ka hoy izy ireo: «Tsy ny zanak’i Josefa va ity?»

Efesiana 4:29

Aoka tsy haloaky ny vavanareo ny teny ratsy, fa ny teny soa mampandroso amin’ny tsara, araka izay ilaina, mba hahazoan’izay mihaino fahasoavana.

Deoteronomia 11:19

Ampianaro ny zanakareo izany, resaho aminy izany, na mitoetra ao an-tranonao ianao, na mandeha amin’ny dia alehanao, na mandry ianao na miarina.

Kolosiana 3:16

Hitoetra be dia be ao anatinareo anie ny tenin’i Kristy, ka hifampianatra sy hifananatra amin’ny fahendrena rehetra ianareo; ary hoentin’ny fahasoavana hihira ho an’Andriamanitra ao am-ponareo, amin’ny Salamo aman-kira fiderana, mbamin’ny tononkira masina.

1Petera 3:15

I Kristy Tompo no ankamasino ao am-ponareo. Aoka ho vonona mandrakariva ianareo hamaly amin-kamoram-po sy fanajana an’izay rehetra manontany anareo ny amin’ny anton’ny fanantenana izay ao anatinareo.