Josoa 24:31 - Baiboly Katolika

³¹ I Israely nanompo an’i Iaveh, tamin’ny andro rehetra niainan’i Jôsoe, sy tamin’ny andro rehetra niainan’ireo loholona, velona taorian’i Jôsoe, izay nahalala ny asa rehetra nataon’i Iaveh nanambinany an’i Israely.

Baiboly Protestanta Malagasy 2011

³¹ Ary nanompo NY TOMPO ny Israely tamin’ny andro rehetra niainan’i Josoa sy tamin’ny andro rehetra niainan’ny loholona izay velona taorianan’i Josoa ka nahalala ny asa rehetra izay nataon’NY TOMPO ho an’ny Israely.

DIEM PROTESTANTA

³¹ Nandritra ny andro rehetra niainan’i Josoa, dia nanompo ny TOMPO ireo Israelita; ary taorian’ny nahafatesan’i Josoa, dia nitohy izany nandritra ny andro rehetra niainan’ireo loholona izay nahita maso ny asa rehetra nataon’ny TOMPO ho an’i Israely.

Dikateny Iombonana Eto Madagasikara

³¹ Nandritra ny andro rehetra niainan’i Josoa, dia nanompo ny TOMPO ireo Israelita; ary taorian’ny nahafatesan’i Josoa, dia nitohy izany nandritra ny andro rehetra niainan’ireo loholona izay nahita maso ny asa rehetra nataon’ny TOMPO ho an’i Israely.

Baiboly Protestanta Malagasy

³¹ Ary nanompo an’i Jehovah ny Isiraely tamin’ny andro rehetra niainan’i Josoa sy tamin’ny andro rehetra niainan’ny loholona izay velona taorian’i Josoa ka nahalala ny asa rehetra izay nataon’i Jehovah ho an’ny Isiraely.

Malagasy Bible

³¹ Ary nanompo an'i Jehovah ny Isiraely tamin'ny andro rehetra niainan'i Josoa sy tamin'ny andro rehetra niainan'ny loholona izay velona taorian'i Josoa ka nahalala ny asa rehetra izay nataon'i Jehovah ho an'ny Isiraely

La Bible en Malgache

³¹ Ary nanompo NY TOMPO ny Israely tamin’ny andro rehetra niainan’i Josoa sy tamin’ny andro rehetra niainan’ny loholona izay velona taorianan’i Josoa ka nahalala ny asa rehetra izay nataon’NY TOMPO ho an’ny Israely.

Josoa 24:31 Rohy Ifampitohizana

Genesisy 14:10

Be lavaka ditin-tany tao an-dohasahan’i Sidima, ary nandositra ny mpanjakan’i Sôdôma sy ny mpanjakan’i Gômôra ka latsaka tamin’ireny, ary ny sisa nandositra tany an-tendrombohitra.

2Tantara 24:2

Nanao izay mahitsy eo imason’i Iaveh i Jôasy tamin’ny andro rehetra niainan’i Jôiadà mpisorona.

2Tantara 34:33

Nofoanan’i Josiasa avokoa ny fahavetavetana teo amin’ny tany rehetra ananan’ny zanak’i Israely, ary nodidiany hanompo an’i Iaveh Andriamaniny, ny olona rehetra teo amin’i Israely. Ka raha mbola velona koa izy dia tsy mba niala tamin’ny fanarahana an’i Iaveh Andriamanitry ny razany izy ireo.

Asan’ny Apostoly 20:29

Fantatro fa rehefa lasa aho, dia hisy amboadia masiaka hiditra eo aminareo, izay tsy hitsitsy ny ondry.

Deoteronomia 11:2

Tsy ny zanakareo izay tsy mahalala sy tsy nahita ny fananaran’i Iaveh Andriamanitrareo, fa ianareo ankehitriny no aoka hiaiky ny fahalehibeazany, ny tanany mahery, ny sandriny nahinjitra;

Deoteronomia 11:7

Fa ianareo efa nahita maso ny asa lehibe nataon’i Iaveh».

Deoteronomia 31:13

Ary handre izany ny zanany, izay tsy mahalala, ka hianatra ny hatahotra an’i Iaveh Andriamanitrareo, amin’ny andro rehetra hiainanareo eo amin’ny tany izay efa hankanesanareo hanananareo azy, rehefa tafita an’i Jordany ianareo.»

Deoteronomia 31:29

Satria fantatro fa rehefa maty aho, dia hihasimba marina tokoa ianareo, dia hivily hiala amin’ny lalana nasaiko nalehanareo ianareo, ka ho tratry ny loza, any amin’ny andro aoriana any, noho ianareo nanao izay ratsy eo imason’i Iaveh sy nampahatezitra azy tamin’ny asan-tananareo.»

Filipiana 2:12

Noho izany, ry malalako, efa nanaiky mandrakariva koa ianareo, ka miasà amin-tahotra sy hovitra hanapitra ny famonjenareo tena, tsy tahaka ny fony aho tany aminareo fotsiny, fa mihoatra noho izany aza amin’izao aho tsy any aminareo izao,

Mpitsara 2:10

Ary voaangona any amin’ny razany koa izany taranaka izany; ka taranaka hafa, tsy nahalala an’i Iaveh na ny asa nataony ho an’i Israely, no nitsangana nandimby azy.

Mpitsara 2:6

Rehefa nampodin’i Jôsoe ny vahoaka, dia samy nankany amin’ny lovany avy ny zanak’i Israely mba haka ny tany.

Mpitsara 2:7

Nanompo an’i Iaveh ny vahoaka, tamin’ny andro rehetra niainan’i Jôsoe, sy tamin’ny andro rehetra niainan’ireo loholona velona taoriany, izay nahita ny asa lehibe rehetra nataon’i Iaveh ho an’i Israely.