Josoa 2:3 - Baiboly Katolika

³ Dia naniraka ny mpanjakan’i Jerikô hilaza amin-dRahaba hoe: «Avoahy ireo lehilahy izay tonga tao aminao tafiditra ny tranonao, fa hisafo ny tany no nahatongavan’ireo atỳ.»

Baiboly Protestanta Malagasy 2011

³ Dia nandefa iraka tao amin’i Rahaba ny mpanjakan’i Jeriko hiteny hoe: Avoahy ireo lehilahy tonga ato an-tranonao ireo fa hisafo ny tany manontolo no niaviany.

DIEM PROTESTANTA

³ Koa naniraka tany amin’i Rahaba izy hilaza hoe: –Ireo lehilahy miantrano ao aminao ireo dia tonga mba hitsikilo ny tany manontolo. Koa atolory anay ireo!

Dikateny Iombonana Eto Madagasikara

³ Koa naniraka tany amin’i Rahaba izy hilaza hoe: –Ireo lehilahy miantrano ao aminao ireo dia tonga mba hitsikilo ny tany manontolo. Koa atolory anay ireo!

Baiboly Protestanta Malagasy

³ Dia naniraka tao amin’i Rahaba ny mpanjakan’i Jeriko ka nanao hoe: Avoahy ireo lehilahy tonga ato an-tranonao ireo; fa hisafo ny tany no nihaviany.

Malagasy Bible

³ Dia naniraka tao amin'i Rahaba ny mpanjakan'i Jeriko ka nanao hoe: Avoahy ireo lehilahy tonga ato an-tranonao ireo; fa hisafo ny tany no nihaviany.

La Bible en Malgache

³ Dia nandefa iraka tao amin’i Rahaba ny mpanjakan’i Jeriko hiteny hoe: Avoahy ireo lehilahy tonga ato an-tranonao ireo fa hisafo ny tany manontolo no niaviany.

Josoa 2:3 Rohy Ifampitohizana

Genesisy 38:24

Sahabo ho telo volana taorian’izany, dia nisy nilaza tamin’i Jodà hoe: «Nijangajanga i Tamara vinantovavinao; ary indro fa efa nanana anaka izy tamin’ny fijangajangana nataony.» Ka hoy i Jodà: «Avoahy izy ka aoka hodorana.»

Genesisy 42:31

Fa hoy izahay taminy hoe: «Olo-marina izahay, fa tsy mba mpisafo akory.

2Samoela 10:3

dia hoy ny filohan’ny taranak’i Amôna tamin’i Hanòna tompony: «Moa heverinao ho fanajana an-drainao no nanirahan’i Davida mpanala alahelo atỳ aminao? Moa tsy ny hizaha sy hisafo ny tanàna va, mba handravany azy no nanirahan’i Davida ny mpanompony ho atỳ aminao?»

2Samoela 17:20

Niditra tao amin-dravehivavy tao an-trano ny mpanompon’i Absalôma ka hoy izy hoe: «Aiza i Akimaasa sy i Jônatasy?» Fa hoy ravehivavy namaly azy: «Tafita ny renirano kely izy izay.» Dia nitady azy izy ireo, ka nony tsy nahita dia niverina nankany Jerosalema.

1Tantara 19:3

dia hoy ny mpifehy ny taranak’i Amôna tamin’i Hanòna: «Mba ataonao ho fanajana an-drainao va no nanirahan’i Davida hanony alahelo anao? Tsy ny hizaha sy handrava ary hisafo ny tany va no nahatongavan’ireo mpanompony ireo atỳ aminao?»

Joba 21:30

Amin’ny andron’ny fahoriana, voatsimbina ny ratsy fanahy; amin’ny andron’ny fahatezerana, afaka alanàlana izy!

Levitikosy 24:14

Asaovy mivoaka ny toby ilay mpanevateva, ka aoka hametra-tanana eo ambonin’ny lohany izay rehetra nandre azy, dia aoka ny fiangonana rehetra hitora-bato azy.

Jaona 19:4

Dia nivoaka indray i Pilaty ka nanao tamin’ny Jody hoe: «Indro Izy entiko manketo aminareo, mba ho fantatrareo fa tsy hitako mihitsy izay helony na dia iray aza.»

Asan’ny Apostoly 12:4

Nony efa nosamborina izy, dia nataony tao an-tranomaizina ka nasainy nambenan’andia-miaramila efatra, misy miaramila efatra avy; fa rehefa afaka ny Paka vao kasainy hatolotra ny vahoaka izy.

Asan’ny Apostoly 12:6

Tamin’ny alin’ny hamoahan’i Herôda azy, raha natory teo anelanelan’ny miaramila roa lahy i Piera, sady nifatotra tamin’ny rojo vy roa, ary nisy mpiambina niambina teo am-baravaran’ny tranomaizina,

Josoa 10:23

Nataony izany, nentiny nankany aminy ny mpanjaka dimy izay navoakany avy ao an-johy, ny mpanjakan’i Jerosalema, ny mpanjakan’i Hebrôna, ny mpanjakan’i Jerimota, ny mpanjakan’i Lakisa, ary ny mpanjakan’i Eglôna.

Josoa 2:2

Nisy kosa nampandre izany tamin’ny mpanjakan’i Jerikô, nanao hoe: «Injao misy olona avy amin’ny zanak’i Israely, tonga alina atỳ hisafo ny tany.»

Josoa 2:4

Fa nalain-dravehivavy kosa izy roa lahy ka nafeniny, dia hoy izy: «Tonga teto amiko tokoa ireny lehilahy ireny, nefa tsy fantatro na avy aiza na avy aiza izy;

Mpitsara 4:20

Hoy ralehilahy taminy: «Mitoera eo am-baravaran’ny lay ianao, ka raha misy olona tonga manontany anao manao hoe: Misy lehilahy va ato? dia valio hoe: Tsia».