Josoa 18:10 - Baiboly Katolika

¹⁰ Dia nanao filokana ho azy ireo, teo anatrehan’i Iaveh, i Jôsoe tao Silao, ka tao no nizaran’i Jôsoe ny tany tamin’ny zanak’i Israely araka ny anjarany.

Baiboly Protestanta Malagasy 2011

¹⁰ Nanao antsapaka ho azy tao Silo teo anatrehan’NY TOMPO i Josoa; ary tao no nizarany ny tany ho an’ny Zanak’Israely araka ny anjarany.

DIEM PROTESTANTA

¹⁰ Ary nanao ny antsapaka teo anatrehan’ny TOMPO tao Silao i Josoa ka nizara ny tany ho an’ny Israelita araka ny anjara tandrifin’ny fokony avy.

Dikateny Iombonana Eto Madagasikara

¹⁰ Ary nanao ny antsapaka teo anatrehan’ny TOMPO tao Silao i Josoa ka nizara ny tany ho an’ny Israelita araka ny anjara tandrifin’ny fokony avy.

Baiboly Protestanta Malagasy

¹⁰ Ary Josoa dia nanao filokana ho azy tao Silo teo anatrehan’i Jehovah; ary tao no nizaran’i Josoa ny tany ho an’ny Zanak’Isiraely araka ny fizarany.

Malagasy Bible

¹⁰ Ary Josoa dia nanao filokana ho azy tao Silo teo anatrehan'i Jehovah; ary tao no nizaran'i Josoa ny tany ho an'ny Zanak'Isiraely araka ny fizarany.

La Bible en Malgache

¹⁰ Nanao antsapaka ho azy tao Silo teo anatrehan’NY TOMPO i Josoa; ary tao no nizarany ny tany ho an’ny Zanak’Israely araka ny anjarany.

Josoa 18:10 Rohy Ifampitohizana

1Tantara 24:5

Samy natao tamin’ny filokàna ny fizarazarana azy ireo avy, satria na ny tamin’ny taranak’i Eleazara na ny tamin’ny taranak’i Itamara, dia samy nisy filohany momba ny fitoerana masina, sy filohany amin’ny momba an’Andriamanitra.

Nehemia 11:1

Niorim-ponenana tao Jerosalema ny lehiben’ny vahoaka, ary nanaovana filokana ny vahoaka sisa mba ho tonga honina ao Jerosalema tanàna masina ny iray isam-polo, fa ny sivy toko sisa no ho amin’ny tanàna hafa.

Salamo 47:4

Vahoaka no ampanekeny antsika; firenena no ataony ambanin’ny tongotsika.

Salamo 61:5

Satriko ny monina mandrakizay ao an-dainao, mialoka ao ambanin’ny elatrao. - Selà

Ohabolana 18:18

Ny filokana mampitsahatra ny fifandirana, sy mampisaraka ny samy mahery.

Jeremia 7:12

Mandehana mankany amin’ilay nitoerako any Silô, izay namponenako ny Anarako fahiny, ka zahao ny nanaovako azy, noho ny haratsian’i Israely vahoakako.

Ezekiela 47:22

Amin’ny filokàna no tsy maintsy hizaranareo ny tany hanananareo azy, izay ho anareo sy izay ho an’ny vahiny mitoetra eo aminareo, sy efa loa-jaza teo aminareo. Hataonareo toy ny tera-tany amin’ny zanak’i Israely, izy ireo, ka filokàna no hahazoany ny anjarany miaraka aminareo, eo amin’ny fokon’i Israely.

Ezekiela 48:29

Izany no tany hozarainareo amin’ny filokàna hanananareo azy araka ny fokon’i Israely; ary izany avy no ho anjarany, - teny marin’ny Tompo Iaveh.

Mika 2:5

Koa tsy hahita olona hanenjana ny famolaina hahazoanao anjara lova eo amin’ny fiangonan’i Iaveh.

Nomery 34:16

Ary niteny tamin’i Môizy i Iaveh nanao hoe:

Matio 27:35

Ary rehefa voafantsika tamin’ny Hazofijaliana Izy, dia nanaovany loka no fizara ny fitafiany, mba ho tanteraka ny teny nolazain’ny mpaminany hoe: «Nozarainy ny fitafiako, ary nilokany ny akanjoko»;

Jaona 17:2

fa efa nomenao fahefana amin’ny nofo rehetra Izy, mba hanomezany ny fiainana mandrakizay an’izay rehetra nomenao Azy.

Asan’ny Apostoly 13:19

ary nony efa nandrava firenena fito tany amin’ny tany Kanaàna Izy dia nanome ny faritan’ireny ho fananany,

Asan’ny Apostoly 26:18

mba hampahiratra ny mason’izy ireo, hialany amin’ny maizina ho amin’ny mazava, sy avy amin’ny fahefan’i Satana ho amin’Andriamanitra, ka hahazoany famelan-keloka sy lova miaraka amin’ny olo-masina noho ny finoana Ahy.

Kolosiana 1:12

ary misaotra ny Ray Izay nahamendrika antsika hanana anjara amin’ny lovan’ny olo-masina any amin’ny mazava,

Josoa 14:2

Filokana no nahazoany ny lovany, araka ny nandidian’i Iaveh ho an’ny foko sivy sy ny antsasa-poko;

Josoa 14:5

Nanatanteraka ny didy nomen’i Iaveh an’i Môizy ny zanak’i Israely, ka nizara ny tany izy.

Josoa 18:11

Ny fokon-taranak’i Benjamina araka ny fianakaviany no azon’ny loka, ary ny faritany lasany tamin’ny filokana dia ao anelanelan’ny an’ny taranak’i Jodà sy ny taranak’i Josefa.

Josoa 18:6

Ianareo àry handahatra ny toetry ny tany hataonareo fito toko, ka hoentinareo mankatỳ amiko, dia hanao filokana ho anareo eto anatrehan’i Iaveh Andriamanitsika aho.

Josoa 18:8

Dia niainga ireo lehilahy ireo, ka lasa nandeha, ary nomen’i Jôsoe didy izy ireo raha nandeha mba handaharany ny toetry ny tany ka nataony hoe: «Mandehana ianareo tetezo ny tany, ka alaharo ny toetrany dia miverena atỳ amiko, amin’izay aho hanao filokana ho anareo eto Silao eto anatrehan’i Iaveh.»

Josoa 18:9

Nandeha ireo lehilahy ireo, ary noteteziny ny tany, nalahany tamin’ny boky ny toetrany isan-tanàna, nataony fito toko, dia niverina tany amin’i Jôsoe tao an-toby tao Silao izy.

Josoa 19:51

Ireo no lova nozarain’i Eleazara mpisorona, sy i Jôsoe zanak’i Nona, ary ny loham-pianakaviana amin’ny fokon’ny zanak’i Israely, tamin’ny filokana, tany Silô, teo anatrehan’i Iaveh, teo am-baravaran’ny trano lay fihaonana. Izany no nanaperany ny fizaràna ny tany.

Josoa 23:4

Indro efa nozaraiko taminareo mba ho lova ho an’ny fokonareo, tamin’ny filokana, ireo firenena izay mbola eo ihany sy ireo rehetra efa nofongorako hatrany Jordany ka hatrany amin’ny ranomasin-dehibe any andrefana any.