Joela 2:26 - Baiboly Katolika

²⁶ Hihinana be ianareo ka ho voky, dia hidera ny Anaran’i Iaveh Andriamanitrareo, izay nanao zava-mahagaga ho anareo; ary tsy ho menatra intsony ny vahoakako, na oviana na oviana.

Baiboly Protestanta Malagasy 2011

²⁶ Hihinana ianareo ka ho voky, ary hidera ny anaran’NY TOMPO Andriamanitrareo fa mahagaga ny fitondrany anareo; ary tsy ho menatra intsony ny oloko mandrakizay.

DIEM PROTESTANTA

²⁶ Hihinan-ko voky ianareo ka hidera Ahy TOMPO Andriamanitrareo, Izay nanao zava-mahagaga taminareo. Ary ny vahoakako, na oviana na oviana, dia tsy ho menatra intsony.

Dikateny Iombonana Eto Madagasikara

²⁶ Hihinan-ko voky ianareo ka hidera Ahy TOMPO Andriamanitrareo, Izay nanao zava-mahagaga taminareo. Ary ny vahoakako, na oviana na oviana, dia tsy ho menatra intsony.

Baiboly Protestanta Malagasy

²⁶ Ary hihinana hianareo ka ho voky Dia hidera ny anaran’i Jehovah Andriamanitrareo, Fa mahagaga ny fitòndrany anareo; Ary tsy ho menatra mandrakizay ny oloko.

Malagasy Bible

²⁶ Ary hihinana ianareo ka ho voky dia hidera ny anaran'i Jehovah Andriamanitrareo, fa mahagaga ny fitondrany anareo; Ary tsy ho menatra mandrakizay oloko.

La Bible en Malgache

²⁶ Hihinana ianareo ka ho voky, ary hidera ny anaran’NY TOMPO Andriamanitrareo fa mahagaga ny fitondrany anareo; ary tsy ho menatra intsony ny oloko mandrakizay.

Joela 2:26 Rohy Ifampitohizana

Genesisy 33:11

Koa raiso ny fanatitro izay nentina teny aminao; fa efa nanisy soa ahy Andriamanitra, ka tsy orin’inon’inona aho.» Dia notereny mafy teo i Esao, ka nandray.

Nehemia 9:25

Afany ny tanàna mimanda, azony ny tany lonaka, ary nahazo trano feno zava-tsoa isan-karazany izy, lavaka famorian-drano efa voahady, voaloboka sy ôliva mbamin’ny hazo fihinam-boa ankabetsahana. Ary nihinana izy ka voky, dia nihamatavy ary nanaram-po tamin’ny zavatra mahafaly, noho ny hatsaram-ponao lehibe.

Salamo 103:5

Izy no manototra soa ny fanirianao, ary manavao ny fahatanoranao hanana ny herin’ny voromahery.

Salamo 116:7

Ry fanahiko ô, miverena amin’ny fitsaharanao, fa i Iaveh manototra soa anao.

Salamo 13:6

Raha izaho, dia ny hatsaram-ponao no itokiako; ny famonjenao no hientanan’ny foko, hihira ho an’i Iaveh aho, noho ny soa nataony tamiko.

Salamo 22:26

Noho Ianao dia hanàko eo amin’ny fiangonan-dehibe ny hirako; hefaiko eo anatrehan’izay matahotra Anao ny voadiko.

Salamo 37:19

Tsy mba menatra izy amin’ny andron’ny fahoriany; ary ho voky amin’ny taona mosarena.

Salamo 67:5

Aoka hirobiroby ny firenena sy hisomebin-kafaliana, fa mitsara ny vahoaka amim-pahitsiana Ianao sy mitondra ny firenena ambonin’ny tany.

Salamo 72:18

Hisaorana anie i Iaveh Andriamanitra, Andriamanitr’i Israely, izay hany manao fahagagana!

Ohabolana 13:25

Ny marina mihinana sady afa-po tsara; fa ny kibon’ny ratsy fanahy kosa zoin’ny tsy ampy lava.

Tononkiran’i Solomona 5:1

Efa tafiditra ny tanimboliko aho, ry anabaviko voafofo, efa nioty ny mirako aman-java-manitra aho; efa nihinana ny toho-tantely aman-tanteliko aho...! efa nisotro ny divay aman-drononoko aho...! Mihinàna, ry sakaiza, misotroa, mimamoa, ianareo olon-tiako!

Isaia 25:1

Iaveh ô, Andriamanitro Ianao; hankalaza Anao aho, hidera ny Anaranao aho, fa efa nanao zava-mahagaga Ianao; mahatoky sy maharitra ny fikasanao vita ela.

Isaia 29:22

Noho izany, izao no lazain’i Iaveh amin’ny taranak’i Jakôba, dia Izy izay nanavotra an’i Abrahama: «Tsy hisy hahamenatra an’i Jakôba intsony tsy hivaloarika intsony ny handriny.

Isaia 45:17

Fa i Israely kosa novonjen’i Iaveh amin’ny famonjena mandrakizay; tsy ho menatra na hangaihay intsony ianareo, amin’ny taona ho avy.

Isaia 49:23

Mpanjaka lahy no ho mpitaiza anao ary ny andriambaviny no ho mpitaiza anao; hiankohoka amin’ny tany eo anatrehanao izy ireo, ary hilelaka ny vovoka amin’ny tongotrao; dia ho fantatrao fa Iaveh Aho, ary tsy ho menatra izay manantena Ahy.

Isaia 54:4

Aza matahotra, fa tsy ho menatra ianao; aza mangaihay, fa tsy hisy hahamenatra anao; fa hanadino ny henatry ny fahatanoranao ianao; ary tsy hahatsiaro intsony ny tondromaso, fony mpitondratena.

Isaia 55:2

Nahoana ianareo no mandany vola amin’izay tsy hanina; sy izay nisasaranareo, amin’izay tsy mahavoky? Koa mihainoa Ahy, ary mihinàna izay tsara; ary aoka ny fanahinareo hiravoravo amin’izay hanina fy.

Levitikosy 25:19

Ny tany hahavokatra, ianareo hihinana amim-panaranam-po, ka dia handry feizay ianareo.

Levitikosy 26:26

rehefa hotapahiko ny mofo tohan’ainareo, ka lafaoro fanendasana iray no hanendasan’ny vehivavy folo ny mofonareo, ary an-danjany no hizarany ny mofonareo, dia hihinana ianareo fa tsy ho voky.

Levitikosy 26:5

Ny fivelezam-bary haharitra hatramin’ny fitoazam-boaloboka; ny fitoazam-boaloboka hahatratra ny famafazana; dia hihinana ianareo ka ho voky tsara, ary handry feizay eo amin’ny taninareo.

Mika 6:14

Hihinana ianao, nefa tsy ho voky, ary ho ao anatinao ny hanoanana; hahatakao lavitra ihany nefa tsy hisy hovonjenao na inona na inona, ary na izay voavonjinao aza, hatolotrao ny sabatra.

Zefania 3:11

Amin’izany andro izany tsy ho henatra ho anao intsony, ny asanao rehetra izay nanotanao tamiko; satria amin’izany hoesoriko hiala eo aminao ireo izay nifaly tamim-pireharehana; ary ianao tsy hiavonavona intsony eo an-tendrombohitro masina.

Zakaria 9:15

Harovan’i Iavehn’ny tafika izy ireo; ka handevona, hanitsakitsaka ny vaton’antsamotady, hisotro, hihavatràvatra toy ny azon-divay, ary ho feno toy ny kapoaka fisoronana, toy ny tandroky ny ôtely.

Zakaria 9:17

Endrey izany fandrosoana, endrey izany hatsaran-tarehin’izy ireo! Ny vary, hampitombo ny zatovo, ary ny divay vaovao, hampitombo ny virjiny.

Romana 10:11

araka ny tenin’ny Soratra Masina hoe: «Izay mino Azy tsy mba ho menatra.»

Romana 5:5

ary ny fanantenana tsy mba manodòka, satria efa voarotsaka ao am-pontsika tamin’ny Fanahy Masina nomena antsika ny fitiavan’Andriamanitra.

Romana 9:33

araka ny voasoratra hoe: Indro, apetrako ao Siôna ny vato manafintohina sy ny vatolampy mahasolafaka; fa izay mino Azy ihany no tsy mba ho menatra.

Deoteronomia 11:15

hasiako ahitra koa ny sahanao ho an’ny biby fiompy, ary hihinana ka ho voky ianao.

Deoteronomia 12:12

Dia hifaly eo anatrehan’i Iaveh Andriamanitrareo ianareo sy ny zanakareo lahy mbamin’ny zanakareo vavy, ary ny ankizy lahy aman’ankizy vavinareo, mbamin’ny Levita izay anatin’ny vavahadinareo, satria tsy mba niara-nandray anjara na lova taminareo izy.

Deoteronomia 12:18

fa eo anatrehan’i Iaveh Andriamanitrao, amin’ny fitoerana voafidin’i Iaveh Andriamanitrao no hihinananao azy, dia ianao sy ny zanakao lahy mbamin’ny zanakao vavy, ary ny ankizy lahy aman’ankizy vavinao, mbamin’ny Levita ao anatin’ny vavahadinao, dia hifaly eo anatrehan’i Iaveh Andriamanitrao ianao amin’ny fizakana ny harena rehetra harin-tananao.

Deoteronomia 12:7

Ao no hanaovanareo sakafo eo anatrehan’i Iaveh Andriamanitrareo, sy hifalianareo, ianareo sy ny fianakavianareo, noho ny harena rehetra harin-tananareo sy izay nitahian’i Iaveh Andriamanitrareo anareo.

Deoteronomia 8:10

Hihinana ianao dia ho voky, ary hisaotra an’i Iaveh Andriamanitrao noho ny tany soa nomeny anao.

1Timoty 6:17

Anaro ny mpanan-karena amin’izao fiainana izao, mba tsy hiavonavona, na hanantena harena tsy mateza, fa hanantena an’Andriamanitra, mpanome antsika malalaka ny zavatra ilaintsika;

1Jaona 2:28

Ary ankehitriny, anaka, mitoera ao aminy, mba hanan-toky isika rehefa miseho izy, fa tsy horoahina hiala aminy amin-kenatra amin’ny andro hahatongavany.