Joba 8:8 - Baiboly Katolika

⁸ Anontanio ange ny olona tany aloha; diniho ange izay efa notsapain’ny razana;

Baiboly Protestanta Malagasy 2011

⁸ Fa miangavy anao aho, anontanio ange ny Ntaolo, ka fantaro ny traikefa hitan’ny razany,

DIEM PROTESTANTA

⁸ Fa mba anontanio ange ntaolo e! Ka ianaro izay traikefan’ireo razany.

Dikateny Iombonana Eto Madagasikara

⁸ Fa mba anontanio ange ntaolo e! Ka ianaro izay traikefan’ireo razany.

Baiboly Protestanta Malagasy

⁸ Fa masìna hianao, anontanio ange ny ntaolo, Ka fantaro ny hevitra hitan’ny razany

Malagasy Bible

⁸ Fa masìna ianao, anontanio ange ny ntaolo, ka fantaro ny hevitra hitan'ny razany

La Bible en Malgache

⁸ Fa miangavy anao aho, anontanio ange ny Ntaolo, ka fantaro ny traikefa hitan’ny razany,

Joba 8:8 Rohy Ifampitohizana

2Tantara 10:6

I Rôbôama kosa nila hevitra tamin’ireo zokiolona nanotrona an’i Salômôna rainy, fony fahavelony, ka nanao hoe: «Inona no hevitra omenareo havaly ity vahoaka ity?»

Joba 12:12

Ny fotsy volo no manam-pahendrena, ary ny andro lava no mahavokatra fahamalinana.

Joba 13:1

«Indro fa nahita izany rehetra izany ny masoko, ary ny sofiko nandre sy nahalala izany.

Joba 15:10

Eo aminay mba misy koa ny efa fotsy volo, ny anti-panahy lava andro niainana noho irainao!

Joba 15:18

dia izay ampianarin’ny olon-kendry, Efa reny tamin’ny razany ka tsy afeniny,

Joba 20:4

Fantatrao tsara va, fa hatrizay ela izay, hatrizay nametrahana ny olombelona teto an-tany,

Salamo 44:1

Ho an’ny mpampianatra hira. Nataon’ny taranak’i Kôre. Fihirana.

Isaia 38:19

Fa ny velona dia ny velona ihany no mankalaza Anao tahaka izao ataoko anio izao; ny ray hampahalala ny zanany ny fahamarinanao.

Joela 1:2

Mihainoa an’izao ianareo anti-panahy; mitongilàna sofina ianareo rehetra monina amin’ny tany! Mba efa nisy toy izao va tamin’ny andronareo, na tamin’ny andron’ny razanareo?

Romana 15:4

Ary izay rehetra voasoratra taloha dia natao ho fianarantsika, mba hananantsika fanantenana amin’ny fandeferana sy ny fanalana alahelo avy amin’ny Soratra Masina.

1Korintiana 10:11

Nozoin’izany rehetra izany izy ireny mba ho anatry ny sasany; ary nosoratana izany mba ho fananarana antsika tratr’izao andro farany izao.

Deoteronomia 32:7

Tsarovy ny andro taloha, saino ny taona tamin’ny taranaka taloha, anontanio an-drainao, fa hatorony anao, amin’ny anti-panahy, fa halazany anao:

Deoteronomia 4:32

Anontanio ny andro fahagola tany alohanao, hatramin’ny andro naharian’Andriamanitra ny olombelona teto ambonin’ny tany sy hatramin’ny faravodilanitra na aiza na aiza, raha mba nisy zava-dehibe tahaka izany na oviana na oviana, na nisy re toy izany akory na oviana na oviana!