Joba 34:21 - Baiboly Katolika

²¹ Fa mitsinjo izay alehan’ny olona ny mason’Andriamanitra, ary hitany miharihary avokoa ny diany rehetra.

Baiboly Protestanta Malagasy 2011

²¹ Fa ny mason’Andriamanitra dia mijery ny alehan’ny olona ary mahita ny diany rehetra Izy.

DIEM PROTESTANTA

²¹ Fa arany maso ny toetran’ny olona, ary hitany avokoa ny lalan-kalehany.

Dikateny Iombonana Eto Madagasikara

²¹ Fa arany maso ny toetran’ny olona, ary hitany avokoa ny lalan-kalehany.

Baiboly Protestanta Malagasy

²¹ Fa ny mason’Andriamanitra dia mijery ny alehan’ny olona, Ary mahita ny diany rehetra Izy.

Malagasy Bible

²¹ Fa ny mason'Andriamanitra dia mijery ny alehan'ny olona, ary mahita ny diany rehetra Izy.

La Bible en Malgache

²¹ Fa ny mason’Andriamanitra dia mijery ny alehan’ny olona ary mahita ny diany rehetra Izy.

Joba 34:21 Rohy Ifampitohizana

Genesisy 16:13

Nataon’i Agara hoe: Atta-El-Rôy no Anaran’i Iaveh izay niteny taminy, fa hoy izy: «Moa dia hitako teto tokoa va ilay Andriamanitra Izay nahita ahy?»

2Tantara 16:9

Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Joba 10:4

Manana maso nofo va Ianao, sa mijery toy ny fijerin’ny olombelona?

Joba 11:11

Fa fantany ny olon-dratsy: hitany ny haratsiana, raha mbola tsy miahy ny ho hita izy ity.

Joba 13:16

Nefa Izy no famonjena ahy, fa ny tsy mivavaka tsy mba mety miseho eo anatrehany.

Joba 14:16

Nefa indrisy, fa Ianao ankehitriny manisa ny diako, mibanjina ny fahotako Ianao.

Joba 24:23

ataony mahatoky tsy manana ahiahy ihany ireo, fa ataony andry maso eny amin’izay alehany.

Joba 31:4

Moa tsy mahalala ny lalako va Andriamanitra? Tsy manisa ny diako rehetra va Izy?

Salamo 139:23

Zahao toetra aho, Andriamanitra ô, ka fantaro ny foko; tsapao aho, ka fantaro ny hevitro!

Salamo 33:15

dia Izy mpamorona ny fon’izy rehetra, Izy mpamantatra ny asan’izy rehetra.

Salamo 34:15

Mandosira ny ratsy ary manaova ny tsara, mitadiava fihavanana ary katsaho izany.

Ohabolana 15:3

Ny mason’i Iaveh, dia amin’ny fitoerana rehetra; mijery ny ratsy fanahy sy ny tsara fanahy.

Ohabolana 5:21

Fa eo imason’i Iaveh ny lalan’ny olombelona, dinihiny avokoa ny lalany rehetra.

Jeremia 16:17

Fa eny amin’ny lalany rehetra ny masoko, ka tsy miafina eo anatrehan’ny Tavako izany; ary tsy takona amin’ny fijeriko ny helony.

Jeremia 17:10

Izaho Iaveh izay mandinika ny fo, sy mamantatra ny voa; ary ny hanaovako izany, dia mba hamaly ny olona araka ny lalany, sy araka ny vokatry ny asany.

Jeremia 23:24

Misy olona mahay miery amin’ny fierena va, ka tsy ho hitako? - teny marin’i Iaveh- Ny lanitra sy ny tany, moa tsy manerana azy va Aho? - teny marin’i Iaveh.-

Jeremia 32:19

lehibe amin’ny fisainana sy mahery amin’ny asa; ny masonao ajerinao ny lalan’ny taranak’i Adama rehetra, mba hamalianao azy, araka ny lalany avy, sy araka ny vokatry ny asany avy.

Amosa 9:8

Indro, ny mason’ny Tompo Iaveh mifàntoka amin’ny fanjakana mpanota; ka hofongorana tsy ho eo ambonin’ny tany izy. Nefa tsy dia hofongorako manontolo tsy akory ny taranak’i Jakôba, - teny marin’ny Tompo Iaveh. -