Joba 33:24 - Baiboly Katolika

²⁴ dia hamindra fo aminy Andriamanitra, ka hanao amin’ny Anjely hoe: ‹Afaho tsy hidina any an-davaka izy, fa efa nahita ny avotry ny ainy Aho.›

Baiboly Protestanta Malagasy 2011

²⁴ ary hamindra fo aminy ka niteny hoe: Vonjeo izy mba tsy hidina any an-davaka, fa efa nahita avotra aho,

DIEM PROTESTANTA

²⁴ dia hiantra azy ilay anjely ka hanao amin’Andriamanitra hoe: «Aza avela hidina any am-pasana izy, fa efa nahita avotra ho azy aho.»

Dikateny Iombonana Eto Madagasikara

²⁴ dia hiantra azy ilay anjely ka hanao amin’Andriamanitra hoe: «Aza avela hidina any am-pasana izy, fa efa nahita avotra ho azy aho.»

Baiboly Protestanta Malagasy

²⁴ Ary hamindra fo aminy ka nanao hoe: Vonjeo izy mba tsy hidina any an-davaka, Fa efa nahita avotra Aho.

Malagasy Bible

²⁴ Ary hamindra fo aminy ka nanao hoe: Vonjeo izy mba tsy hidina any an-davaka, fa efa nahita avotra Aho,

La Bible en Malgache

²⁴ ary hamindra fo aminy ka niteny hoe: Vonjeo izy mba tsy hidina any an-davaka, fa efa nahita avotra aho,

Joba 33:24 Rohy Ifampitohizana

Joba 22:21

Koa mihavàna amin’Andriamanitra, dia mionòna ianao, fa izany no hiverenan’ny fiadanana aminao.

Joba 33:18

mba hamonjeny ny fanahiny amin’ny fahafatesana, sy ny ainy tsy ho voan’ny zana-tsipìka.

Joba 33:25

Amin’izay ny nofony dia mandina noho ny an’ny tanora kely, fa miverina amin’ny andron’ny fahatanorany izy.

Joba 33:28

Notsimbininy tsy hidina any an-davaka ny fanahiko; ary mivelatra eo amin’ny hazavana ny aiko›.

Joba 36:18

Ka matahora fandrao tezitra Andriamanitra ka vesarany famaizana ianao; ary sao voafitaky ny fanatitrao sarobidy ianao.

Salamo 107:20

Nandefa ny teniny Izy dia nanasitrana azy, sy nanafaka azy hiala amin’ny fasany.

Salamo 22:4

Kanefa masina Ianao, ary mipetraka eo amin’ny hiran’i Israely.

Salamo 40:2

I Iaveh no nametrahako ny fanantenako rehetra; nitongilana tamiko Izy, nihaino ny fitarainako.

Salamo 71:3

Aoka Ianao ho vatolampy tsy azo hanihina ho ahy, izay ho azoko handosirana mandrakariva. Efa nandidy ny hamonjy ahy Ianao, fa Ianao no Vatolampiko sy Trano mimandako.

Salamo 86:13

Fa lehibe ny hatsaram-ponao amiko, notsoahanao tany amin’ny Seoly ny fanahiko.

Salamo 86:15

Fa Ianao kosa, Tompo ô, dia Andriamanitra mamindra fo sy miantra, mahari-po sy be indrafo amam-pahamarinana.

Salamo 86:5

Satria tsara fo sy miantra Ianao, Tompo, ary feno indrafo ho an’izay rehetra miantso Anao.

Eksodosy 33:19

«Hampandaloviko eo anatrehanao ny hatsaram-poko rehetra; ary hotononiko eo anatrehanao ny Anaran’i Iaveh; fa mankasitraka izay ankasitrahiko aho ary mamindra fo amin’izay amindrako fo.»

Isaia 53:5

Kanefa Izy nolefonina noho ny fahotantsika, notorotoroina noho ny helotsika; nasiana ny famaizana nahazoantsika fihavanana; ary ny ratra taminy no nahasitrana antsika.

Jeremia 31:20

Moa zanaka malala loatra ho ahy va i Efraima, zanaka mahazo tombom-pitia? fa isaky ny miteny mamely azy Aho, dia mba mahatsiaro azy ihany indray; ka mangotika ny atiko noho ny aminy? Eny hamindra fo aminy Aho. - teny marin’i Iaveh. -

Hosea 14:2

Miverena amin’i Iaveh, ry Israely, fa ny helokao no nahalavo anao.

Hosea 14:4

I Asora tsy hamonjy anay, izahay tsy hitaingin-tsoavaly; na hiteny hoe: Ry Andriamanitray ô! amin’ny asan’ny tananay. Ianao, izay ahitàn’ny kamboty fiantrana!

Zakaria 9:11

Ho anao koa, noho ny ran’ny fanekena taminao, no efa hamoahako ny mpifatotrao, avy ao an-davaka tsy misy rano.

Matio 20:28

dia tahaka ny Zanak’olona izany; fa Izy tsy tonga mba hotompoina fa mba hanompo ary hahafoy ny ainy ho fanavotana ny maro.»

1Timoty 2:6

izay nanolotra ny Tenany ho avotry ny olombelona rehetra: zavatra voaambara tamin’ny fotoany izany,