Joba 31:3 - Baiboly Katolika

³ Tsy anjaran’ny ratsy fanahy va ny loza? Ary tsy ho an’ny mpanao ny tsy marina ny fahoriana?

Baiboly Protestanta Malagasy 2011

³ Moa tsy loza va no manjo ny ratsy fanahy? Ary tsy loza va no mahazo ny mpanao ratsy?

DIEM PROTESTANTA

³ Tsy loza va no anjaran’ny ratsy fanahy, ary fahoriana ho an’ny mpanao heloka?

Dikateny Iombonana Eto Madagasikara

³ Tsy loza va no anjaran’ny ratsy fanahy, ary fahoriana ho an’ny mpanao heloka?

Baiboly Protestanta Malagasy

³ Moa tsy loza va no manjo ny ratsy fanahy? Ary tsy fahoriana va no mahazo ny mpanao ratsy?

Malagasy Bible

³ Moa tsy loza va no manjo ny ratsy fanahy? Ary tsy fahoriana va no mahazo ny mpanao ratsy?

La Bible en Malgache

³ Moa tsy loza va no manjo ny ratsy fanahy? Ary tsy loza va no mahazo ny mpanao ratsy?

Joba 31:3 Rohy Ifampitohizana

2Samoela 18:10

Hitan’ny lehilahy anankiray izany ka tonga izy nilaza izany tamin’i Jôaba nanao hoe: «Indro hitako tafahantona tamin’ny terebinta atsy i Absalôma.»

Joba 18:12

Ny mosary dia anjara saziny, ary ny faharinganana dia vonon-ko amin’izay hahalavoany.

Joba 20:29

Izany no anjara naraikitr’Andriamanitra ho an’ny ratsy fanahy, sy lova voatendrin’Andriamanitra ho azy».

Joba 21:17

Mba fahita matetika va ny hoe, maty ny fanilon’ny tsy mivavaka, iantsamboran-doza izy ireo, na nanendren’Andriamanitra anjara amin’ny hatezerany izy ireo?

Joba 21:30

Amin’ny andron’ny fahoriana, voatsimbina ny ratsy fanahy; amin’ny andron’ny fahatezerana, afaka alanàlana izy!

Joba 31:23

Fa izaho olona nataho-tody mandrakariva avy amin’Andriamanitra, ka tsy mahay maharitra eo anatrehan’ny fiandrianany.

Joba 34:22

Tsy misy haizina na aloky ny fahafatesana, azon’izay manao ny tsy marina ierena.

Salamo 55:23

Miankìna amin’i Iaveh fa hanohana anao Izy; tsy havelany hangozohozo mandrakariva ny marina.

Salamo 73:18

Eny, ampandehaninao eo amin’ny lala-malama ireny, dia alavonao, ka levona foana eo izy.

Ohabolana 1:27

raha avy hamely anareo, toy ny rivo-doza, ny zava-mahatahotra, raha hanarona anareo, toy ny tafio-drivotra ny loza, raha hianjeràm-pahoriana amin’ahiahy ianareo.

Ohabolana 10:29

Ny lalan’i Iaveh, manda fiarovana ho an’ny marina, fa ny fandringanana kosa ho an’izay manao ratsy.

Ohabolana 21:15

Hafaliana ho an’ny marina, ny manaraka ny rariny, fa vadi-po kosa, no an’izay manao ratsy.

Isaia 28:21

Fa i Iaveh hitsangana, toy ny tao an-tendrombohitra Farasima; sy hirimorimon’ny hatezerana, toy ny tao an-dohasahan’i Gabaôna, hahavita ny asany, asa tokana aman-tany, hanatanteraka ny lahasany, lahasa hafa noho ny fanaony!

Nomery 16:30

Fa raha manao zavatra tsy fandre kosa i Iaveh, raha ny tany no manoka-bava sy mitelina an’ireo mbamin’izay azy rehetra, ka midina velona any amin’ny fonenan’ny maty ireo, dia fantatrareo fa naniratsira an’i Iaveh ireo olona ireo.»

Matio 7:13

Midira amin’ny vavahady ety, fa lehibe ny vavahady ary malalaka ny lalana mankany amin’ny fahaverezana, ka maro no mahazo any;

Romana 9:22

Koa maninona, raha te hampiseho ny fahatezerany Andriamanitra, sy te hampahafantatra ny heriny, ka mbola naharitra tamim-pandeferana lehibe an’ireo fanaky ny fahatezerana nanoman-tena ho an’ny fahaverezana?

1Tesaloniana 5:3

Amin’ilay hanaovan’ny olona hoe: Fiadanana sy fandriam-pahalemana re izany! Iny indrindra no hilatsahan’ny fandringanana tampoka amin’izy ireo, tahaka ny fihetsehan-jaza amin’ny bevohoka, ka tsy ho afa-mandositra izy.

2Tesaloniana 1:9

Fahaverezana mandrakizay, lavitra ny Tavan’ny Tompo, sy ny voninahitry ny heriny, no havaliny an’ireny,

2Petera 2:1

Ary toy ny nisian’ny mpaminany sandoka teo amin’ny vahoaka fahiny, no hisian’ny mpampianatra tsy marina eo aminareo koa, izay hampiditra an-tsokosoko fampianaran-diso mahavery sady handà ny Tompo izay nanavotra azy, ka hitari-doza tampoka ho an’ny tenany.

Joda 1:7

Toy izany i Sôdôma sy i Gômôra, mbamin’ny tanàna manodidina izay nijangajanga toa azy koa sy nanao ratsy tamin’ny nofo hafa, ka indro miampatra eo ho fananarana, miaritra ny afo mandoro azy mandrakizay.

Mpitsara 9:53

Kanjo nozeran’ny vehivavy anankiray, vakim-bato fikosoham-bary ny lohan’i Abimeleka, ka vaky terỳ ny karandohany.