Joba 28:24 - Baiboly Katolika

²⁴ Fa Izy mahita ny hatrany amin’ny fara vazantany, mahatsinjo ny ambany lanitra rehetra.

Baiboly Protestanta Malagasy 2011

²⁴ fa Izy no mitsinjo hatrany amin’ny faran’ny tany ary mahatazana manerana izao ambanin’ny lanitra rehetra izao

DIEM PROTESTANTA

²⁴ Fa mahatsinjo hatrany am-paran’ny tany Izy ary mahita izao rehetra ambanin’ny lanitra izao.

Dikateny Iombonana Eto Madagasikara

²⁴ Fa mahatsinjo hatrany am-paran’ny tany Izy ary mahita izao rehetra ambanin’ny lanitra izao.

Baiboly Protestanta Malagasy

²⁴ Fa Izy no mitsinjo hatramin’ny faran’ny tany, Ary mahatazana manerana izao ambanin’ny lanitra rehetra izao,

Malagasy Bible

²⁴ Fa Izy no mitsinjo hatramin'ny faran'ny tany ary mahatazana manerana izao ambanin'ny lanitra rehetra izao,

La Bible en Malgache

²⁴ fa Izy no mitsinjo hatrany amin’ny faran’ny tany ary mahatazana manerana izao ambanin’ny lanitra rehetra izao

Joba 28:24 Rohy Ifampitohizana

2Tantara 16:9

Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Joba 10:4

Manana maso nofo va Ianao, sa mijery toy ny fijerin’ny olombelona?

Joba 11:11

Fa fantany ny olon-dratsy: hitany ny haratsiana, raha mbola tsy miahy ny ho hita izy ity.

Joba 31:4

Moa tsy mahalala ny lalako va Andriamanitra? Tsy manisa ny diako rehetra va Izy?

Joba 37:3

Alefany tsy misy mpisakana izany ho etỳ ambany lanitra tsy hita lany, ary mamirapiratra hatrany amin’ny fara vazantany ny tselany.

Joba 38:13

mba handraisany ny tany amin’ny sisiny, sy hanintsanany ny ratsy fanahy hiala eo,

Joba 38:18

Efa takatrao va ny halalahan’ny tany? Lazao raha mahalala izany rehetra izany ianao?

Joba 41:11

Mivoaka lelafo ny vavany misy kilalaon’afo mitselatra avy ao.

Salamo 11:4

I Iaveh izay ao amin’ny tempoly masina, I Iaveh izay manana ny fiandrianany any an-danitra, dia mana-maso mahiratra; ary ny hodi-masony mizaha ny zanak’olombelona hatrao anatiny.

Salamo 113:6

ary mitsinjo atỳ ambany, eny an-danitra sy etỳ an-tany.

Salamo 66:7

Manjaka mandrakizay amin’ny fahefany Izy, mitsinjo ny firenena ny masony; aoka tsy hanandra-tena ny mpikomy. - Selà

Ohabolana 15:3

Ny mason’i Iaveh, dia amin’ny fitoerana rehetra; mijery ny ratsy fanahy sy ny tsara fanahy.

Zakaria 4:10

Fa iza no hanamavo ny andron’ny zava-madinika? Hifaly izy ireo mahita ny pilao eny an-tanan’i Zôrôbabela. Ireo lalampy fito ireo, dia ny mason’i Iaveh mitety ny tany rehetra.

Apokalipsy 5:6

Ary hitako, fa indro, teo afovoan’ny seza fiandrianana sy ny Zava-manana aina efatra, sy teo afovoan’ireo Anti-dahy, dia nisy Zanak’ondry nitsangana, tahaka ny voavono, nanan-tandroka fito sy maso fito, dia ny Fanahy fiton’Andriamanitra nirahina any amin’ny tany rehetra.