Joba 11:7 - Baiboly Katolika

⁷ Mihambo hanakatra ny halalinan’Andriamanitra va ianao, sy hahatratra ny fahalavorarian’ny Tsitoha?

Baiboly Protestanta Malagasy 2011

⁷ Takatry ny sainao va ny fomban’Andriamanitra? Ary hitanao va hatrany amin’ny fahatanterahan’ny Tsitoha?

DIEM PROTESTANTA

⁷ Moa azonao takarina ve ny zava-dalina momba an’Andriamanitra na koa azonao fantarina ve ny fahatanterahan’ilay Tsitoha?

Dikateny Iombonana Eto Madagasikara

⁷ Moa azonao takarina ve ny zava-dalina momba an’Andriamanitra na koa azonao fantarina ve ny fahatanterahan’ilay Tsitoha?

Baiboly Protestanta Malagasy

⁷ Takatry ny sainao va ny fomban’ Andriamanitra? Ary tanteraka va ny fahitanao ny Tsitoha

Malagasy Bible

⁷ Takatry ny sainao va ny fomban'Andriamanitra? Ary tanteraka va ny fahitanao ny Tsitoha

La Bible en Malgache

⁷ Takatry ny sainao va ny fomban’Andriamanitra? Ary hitanao va hatrany amin’ny fahatanterahan’ny Tsitoha?

Joba 11:7 Rohy Ifampitohizana

Joba 22:12

Tsy any an-tampon’ny lanitra va Andriamanitra? Jereo ange ny handrin’ny kintana: akory ity haavony!

Joba 26:14

Izany no sisintsisin’ny lalany, fimenomenona malefaka mba rentsika, fa raha ny fikotrokotroky ny heriny, iza no mahahaino izany?»

Joba 27:11

Hotoroako ny fitondran’Andriamanitra ianareo, ary tsy hanafenako ny hevitry ny Tsitoha.

Joba 33:12

Ny valy ataoko aminao, dia tsy marina ny anao amin’izany; fa lehibe noho ny olombelona Andriamanitra.

Joba 33:13

Ka nahoana no mifanditra aminy, noho Izy tsy mamoaka izay ataony na amin’iza na amin’iza?

Joba 35:5

Tazano irỳ lanitra ka jereo; zahao ny rahona; avo noho ianao izy.

Joba 36:26

Lehibe Andriamanitra; mihoatra ny fahalalana rehetra, tsy takatry ny saina ny isan’ny taonany.

Joba 37:23

Ny Tsitoha tsy azontsika takarina, fa lehibe amin’ny hery, amin’ny rariny, amin’ny fahamarinana; tsy mamoaka izay nataony na amin’iza na amin’iza Izy.

Joba 37:5

Mikotrokotroka mahagaga amin’ny feony Andriamanitra; Manao zava-dehibe tsy takatry ny saintsika Izy.

Joba 42:3

Iza moa izato manamaizina ny fandaharan’Andriamanitra tsy amim-pahalalana? Eny, miteny tsy amim-pahalalana tokoa aho, ny amin’ny zava-mahagaga tsy takatro aman-tsy fantatro!

Joba 5:9

Manao zava-dehibe tsy takatry ny saina Izy, zava-mahagaga tsy tambo hisaina.

Salamo 139:6

Fahalalana mahagaga loatra, raha izaho, izany, ka ambony lavitra noho izay mety ho takatro.

Salamo 145:3

Lehibe i Iaveh ka mendrika ny fiderana rehetra, ary tsy takatry ny saina ny fahalehibeazany!

Salamo 77:19

Nanakoako tao amin’ny tadio ny varatrao, nanazava izao tontolo izao ny tsela-baratra; nihoron-koditra sy nihorohoro ny tany.

Ohabolana 30:4

Iza no miakatra any an-danitra, ary iza no midina avy any? Iza no nanangona ny rivotra teo an-tanany? Iza no nahafono ny rano tamin’ny lambany? Iza no mampiorina mafy ny faran’ny tany rehetra? Iza no anarany, ary iza no anaran-janany? Mahalala izany va ianao?

Mpitoriteny 3:11

Ka ny zavatra rehetra samy nataon’Andriamanitra ho tsara amin’ny fotoany avy: ny mandrakizay nataony ao am-pon’izy ireo koa, nefa tsy azon’ny olombelona fantarina ny asa ataon’Andriamanitra hatramin’ny fiandohany ka hatramin’ny fiafaràny.

Mpitoriteny 7:24

Izay tonga dia lavitra sady lalina dia lalina; ka zovy no mahatratra izany?

Isaia 40:28

Tsy fantatrao va? tsy renao va? Andriamanitra mandrakizay i Iaveh, izay namorona ny eran’ny tany; izay tsy mba mety sasatra na vizana ary tsy takatry ny saina ny fahendreny

Matio 11:27

Efa nomen’ny Raiko Ahy ny zavatra rehetra, ary tsy misy mahalala ny Zanaka afa-tsy ny Ray; ary tsy misy mahalala ny Ray afa-tsy ny Zanaka sy izay tian’ny Zanaka hanehoana Azy.

Romana 11:33

Endrey, lalina tsy manam-paharitana ny fahendrena amam-pahaizan’Andriamanitra, tsy azo fantarina ny fitsaràny, ary tsy takatry ny saina ny lalany!

1Korintiana 2:10

Tamintsika no nanambaràn’Andriamanitra izany tamin’ny Fanahiny; satria mahafantatra ny zavatra rehetra ny Fanahy, na dia izay lalina indrindra ao amin’Andriamanitra aza.

1Korintiana 2:16

Satria zovy àry no nahafantatra izay hevitry ny Tompo, ka ho afa-mampianatra azy? Fa isika manana ny hevitr’i Kristy.

Efesiana 3:8

Eny, izaho izay kely indrindra amin’ny olona masina rehetra, no nomena izany fahasoavana izany, dia ny hitory amin’ny Jentily ny haren’i Kristy tsy hita pesipesenina,