Joba 10:9 - Baiboly Katolika

⁹ Tsarovy fa novolavolainao toy ny tany manga aho; ary haverinao ho amin’ny vovoka indray aho ity!

Baiboly Protestanta Malagasy 2011

⁹ Miangavy Anao aho, tsarovy fa notefenao toy ny tanimanga aho, koa hamerina ahy amin’ny vovoka indray va Ianao!

DIEM PROTESTANTA

⁹ Tadidio fa notefenao toy ny fanaka tanimanga aho ary haverinao ho amin’ny vovoka indray.

Dikateny Iombonana Eto Madagasikara

⁹ Tadidio fa notefenao toy ny fanaka tanimanga aho ary haverinao ho amin’ny vovoka indray.

Baiboly Protestanta Malagasy

⁹ Masìna Hianao, tsarovy fa notefenao toy ny tanimanga aho, Ka hamerina ahy amin’ny vovoka indray Hianao!

Malagasy Bible

⁹ Masina Hianao, tsarovy fa notefenao toy ny tanimanga aho, ka hamerina ahy amin'ny vovoka indray Hianao!

La Bible en Malgache

⁹ Miangavy Anao aho, tsarovy fa notefenao toy ny tanimanga aho, koa hamerina ahy amin’ny vovoka indray va Ianao!

Joba 10:9 Rohy Ifampitohizana

Genesisy 2:7

Vovo-tany no nanaovan’i Iaveh Andriamanitra ny olombelona, dia nofofoniny fofon’aina mahavelona ny vavorony, ka tonga zava-manana aina ny olona.

Genesisy 3:19

Ny fahatsembohan’ny tavanao no hahazoanao hanina mandra-piverinao amin’ny tany; satria tany no nangalana anao, fa vovoka ianao, ary hody vovoka indray.»

Joba 10:10

Moa tsy naidinao toy ny ronono aho, ary nampandrianao toy ny ranomandry?

Joba 17:14

Hoy aho tamin’ny fasana: ‹Raiko ianao›; ary tamin’ny kankana: ‹Reniko sy anabaviko ianareo›.

Joba 33:6

Eo anatrehan’Andriamanitra dia mitovy aminao aho, fa natao tamin’ny fotaka tahaka anao koa aho.

Joba 34:15

dia ho afaka aina miaraka amin’izay ny nofo rehetra, ary hody amin’ny vovoka indray ny olombelona.

Joba 4:19

ka mainka izay olona monina an-trano fotaka ary vovoka ny fototra iorenany, ka hatao manjary vovoka toy ny voan’ny kalalao!

Joba 7:21

Nahoana no dia tsy avelanao ny heloko? Nahoana no dia tsy hadinoinao ny hadisoako? Fa vetivety foana dia handry amin’ny vovoka aho, ary hitady ahy Ianao; fa tsy hisy intsony aho».

Joba 7:7

Andriamanitra ô, tsarovy fa fofona kely foana ny aiko! ka tsy hahita fiadanana intsony ny masoko.

Salamo 103:14

Satria fantany izay iforonantsika, tsaroany fa vovoka ihany isika.

Salamo 104:29

Manafina ny Tavanao Ianao, dia raiki-tahotra izy; alànao indray ny fofon’ainy, dia maty izy, ka miverina indray any amin’ny vovoka.

Salamo 106:4

Ry Iaveh ô, tsarovy aho amin’ny hatsaram-ponao amin’ny vahoakanao, vangio amin’ny famonjenao aho,

Salamo 22:15

Koa tahaka ny rano mandeha ihany aho; ary mivaha ny taolako rehetra; tahaka ny savoka ny foko, miempo ato an-kiboko.

Salamo 25:18

Jereo ny fahoriana amam-pijaliako; ary avelao ny fahotako rehetra.

Salamo 78:39

Notsarovany fa izy ireo dia nofo ihany, fofon’aina mandalo dia tsy miverina intsony.

Salamo 89:47

Mandra-pahoviana, ry Iaveh, no hierenao lalandava? sy hirehitra hoatry ny afo ny hatezeranao?

Salamo 90:3

Mampanjary ny olombelona ho vovoka Ianao, ka manao hoe: «Miverena, ry zanak’olombelona!»

Mpitoriteny 12:7

dieny mbola tsy miverina amin’ny tany ny vovoka, araka ny toetrany taloha indray, ary ny fanahy kosa hiverina amin’Andriamanitra izay nanome azy.

Isaia 45:9

Loza ho an’izay miady hevitra amin’ilay namorona azy, nefa tavim-bilany isan’ny tavim-bilany tany ihany izy. Ny tanimanga va hilaza amin’izay namolavola azy hoe: «Inona ity ataonao?» Ny asanao va hanao hoe: «Tsy manan-tanana izy?»

Isaia 64:7

Fa ankehitriny, Iaveh ô, Rainay Ianao; tanimanga izahay, ary Ianao no ilay nanefy anay; asan-tananao avokoa izahay rehetra.

Isaia 64:8

Aza tafahoatra amin’ny hatezeranao Ianao, ry Iaveh, ary aza dia tsarovanao mandrakizay ny helokay. Jereo ange fa vahoakanao avokoa izahay rehetra!

Jeremia 18:6

«Moa aho tsy mahazo manao aminareo, toraky ny nataon’io mpanefy tanimanga io, ry taranak’i Israely? - teny marin’i Iaveh. - Eny, toy ny tanimanga eo an-tanan’ny mpanefy, ianareo eo an-tanako, ry taranak’i Israely.

Romana 9:21

Moa tsy tompon’ny tanimanga va ny mpanefy vilany, ka mahazo manao zavatra samihafa amin’ny vongana iray monja: ny iray moa hohajaina, ny iray kosa hatao tsinontsinona?

2Korintiana 4:7

Siny tany anefa no itondranay izany rakitra izany, mba hiharihary fa avy amin’Andriamanitra ny halehiben’ny herin’ny Evanjely, fa tsy avy aminay.