Joba 1:10 - Baiboly Katolika

¹⁰ Tsy efa vitanao fefy manodidina va ny tenany, ny ankohonany mbamin’ny ananany rehetra? Fa nambininao ny asan’ny tanany, ka manenika ny tany ny biby fiompiny.

Baiboly Protestanta Malagasy 2011

¹⁰ Tsy Ianao va no nanao fefy manodidina azy sy manodidina ny tranony ary manodidina izay ananany rehetra? Notahinao ny asan’ny tanany ka manenika ny tany ny omby aman’ondriny.

DIEM PROTESTANTA

¹⁰ Moa tsy Ianao ve no miaro azy sy ny fianakaviany mbamin’ny fananany toy ny fefy manodidina? Notahinao izay asa nataony, ary efa nomenao omby aman’ondry mameno ny taniny izy.

Dikateny Iombonana Eto Madagasikara

¹⁰ Moa tsy Ianao ve no miaro azy sy ny fianakaviany mbamin’ny fananany toy ny fefy manodidina? Notahinao izay asa nataony, ary efa nomenao omby aman’ondry mameno ny taniny izy.

Baiboly Protestanta Malagasy

¹⁰ Tsy Hianao va no nanao fefy manodidina azy sy manodidina ny tranony ary manodidina izay ananany rehetra? Notahinao ny asan’ny tànany, ka manenika ny tany ny omby aman-ondriny.

Malagasy Bible

¹⁰ Tsy Hianao va no nanao fefy manodidina azy sy manodidina ny tranony ary manodidina izay ananany rehetra? Notahinao ny asan'ny tànany ka manenika ny tany ny omby aman'ondriny.

La Bible en Malgache

¹⁰ Tsy Ianao va no nanao fefy manodidina azy sy manodidina ny tranony ary manodidina izay ananany rehetra? Notahinao ny asan’ny tanany ka manenika ny tany ny omby aman’ondriny.

Joba 1:10 Rohy Ifampitohizana

Genesisy 15:1

Taorian’izany, tonga tamin’i Abrama tamin’ny fahitana ny tenin’i Iaveh nanao hoe: «Aza matahotra, ry Abrama, fa Izaho no ampinganao ary ho lehibe indrindra ny valisoanao.»

Genesisy 26:12

Ary i Isaaka namafy tamin’izany ka nahavokatra avo zato heny izy tamin’io taona io.

Genesisy 30:30

Fa kely ny fanananao talohan’ny nahatongavako: ary efa nitombo be dia be izy izao, ka nambinin’i Iaveh ianao, tamin’ny nalehako. Ary ankehitriny, rahoviana kosa no mba hihariako ho an’ny ankohonako?»

Genesisy 30:43

Dia tonga mpanankarena fatratra ralehilahy, fa nananany betsaka ny biby fiompy, ny mpanompo lahy sy vavy, ary ny rameva aman’ampondra.

Genesisy 39:5

Raha vantany vao notendreny ho filohan’ny tranony amam-pananany rehetra izy, dia notahin’i Iaveh ny tranon’ity Ejiptianina noho ny amin’i Josefa, ary tonga tamin’ny fananany rehetra, na an-tsaha na an-tanàna, ny fitahian’i Iaveh.

Genesisy 49:25

Avy any amin’ny Andriamanitry ny rainao - hitahy anao anie Izy! Sy avy any amin’ilay mahefa ny zavatra rehetra - hanisy soa anao anie Izy! no hahazoanao ny tso-drano avy amin’ny lanitra ambony, ny tso-drano avy amin’ny hantsana lalina ambany ny tso-drano avy amin’ny nono aman-kibon-dreny,

Joba 1:3

Ny fananany kosa dia ondry 7000, rameva 3000, omby 500 tsiroaroa, ampondravavy 500, ary mpanompo maro be, ka dia izy no lehilahy lehibe indrindra tamin’ny zanaky ny Tatsinanana.

Joba 29:2

«Ah, iza re no hamerina amiko ny volana taloha, dia ny andro nitsimbinan’Andriamanitra ny fiarovana ahy,

Joba 29:6

tamin’izay nanasako tongotra tamin’ny ronono; sy namoahan’ny vatolampy diloilo mandriaka ho ahy.

Joba 31:25

raha ny habetsahan’ny hareko no nifaliako, mbamin’ny fananana nangonin’ny tanako;

Joba 42:12

Nambinin’i Iaveh mihoatra noho ny tamin’ny taloha ny andro niainan’i Jôba tatỳ aoriana, ka nanana ondry 14.000, rameva 6.000, omby 1.000 tsiroaroa, ary ampondra vavy 1.000.

Salamo 107:38

Fa izy nanambina azy ireo, ka nitombo betsaka izy, ary tsy navelany hihavitsy ny biby fiompiny.

Salamo 34:7

Niantso ity olo-mahantra, dia nohenoin’i Iaveh, sy novonjeny tamin’ny fahoriany rehetra.

Salamo 5:12

Dia hifaly kosa izay rehetra miantehitra Aminao; hafaliana tsy mety tapaka ny azy; dia hiaro azy Ianao; hibitabitaka amin-kafaliana izay tia ny Anaranao.

Salamo 71:21

Hasandratrao indray ny voninahitro, ary hampionona ahy indray Ianao.

Salamo 80:12

nisandrahaka hatrany amin’ny Ranomasina ny rantsany, ary hatrany amin’ny Ony ny sakeliny.

Salamo 90:17

Ho aminay anie ny fanambinan’i Iaveh, Andriamanitray! Hamafiso aminay ny asan’ny tananay; eny, hamafiso ny asan’ny tananay!

Ohabolana 10:22

Ny fanambinan’ny Tompo no mampanan-karena; ary ny fisasaran’ny olona tsy manampy izany akory.

Isaia 5:2

Ka nasainy ny tany, noesoriny ny vato taminy; ary namboly karazam-boaloboka teo izy. Nanorona tilikambo teo afovoany izy, ary nandavaka famiazam-boaloboka koa. Nampoiziny hamoa voaloboka tsara izy, kanjo divay marikivy no vokany.

Isaia 5:5

Koa ankehitriny haposako aminareo, izay hataoko amin’ny tanimboaloboko: hongotako ny fefiny, dia horaotina izy; hadorako ny tambohony, dia ho voahosihosy izy.

Zakaria 2:5

Nanopy ny masoko aho, ka nahita: ka indro nisy lehilahy nitondra kofehy famolaina teny an-tanany.

Zakaria 2:8

ka hoy izy taminy hoe: «Mandehana faingana, milazà amin’io zatovo io, ataovy hoe: ‹Honenana toy ny tanàna tsy mimanda i Jerosalema, fa ho betsaka loatra ny olona sy ny biby ao aminy.

Deoteronomia 33:11

Tahio ny heriny, ry Iaveh ô! ankasitraho ny asan’ny tanany; folahy ny andilan’izay mandrafy azy sy izay mankahala azy: aoka tsy hiarina intsony ireny.»

Deoteronomia 33:27

Ny Andriamanitry ny taona fahagola dia fialofana, ny sandriny mandrakizay no anohanany anao; mandroaka ny fahavalo eo anoloanao Izy, sady milaza hoe: Aringano.

Deoteronomia 7:13

Ho tiany sy hosoaviny ary hampitomboiny ianao, hosoaviny ny naterakao sy ny vokatry ny taninao koa, dia ny varinao, ny ranom-boalobokao vaovao, ny diloilonao, ny terak’ombinao, ny zanak’ondrinao, any amin’ny tany nianianany tamin’ny razanao homena anao.

1Petera 1:5

dia ianareo izay arovan’ny herin’Andriamanitra amin’ny finoana ho amin’ny famonjena, izay efa vonon-kaseho amin’ny andro farany.

1Samoela 25:16

Izy ireo no mandanay andro aman’alina, nandritra ny andro rehetra niarahanay taminy, teo am-piandrasana ondry.