Jeremia 9:1 - Baiboly Katolika

¹ Iza no mba hampahita ahy, fialofan’ny mpandeha any an’efitra, handaozako ny fireneko, hihatahako amin’izy ireo, satria izy ireo mpijangajanga avokoa, fiangonan’olona mpivadika.

Baiboly Protestanta Malagasy 2011

¹ Enga anie aho ka hahita fitoerana any an-tany efitra tahaka ny olona mpandeha lavitra! Dia hahafoy ny fireneko aho ka hiala aminy satria mpijangajanga avokoa izy rehetra, eny, mpivadika miray tetika izy ireo.

DIEM PROTESTANTA

¹ Raha izao aho no manan-toerana any an-taniefitra tahaka ny fialofan’ireo mpivezivezy, dia hilaozako ny fireneko ka handeha lavitra azy aho. Satria samy mpijangajanga avokoa sy mpamadika mpiray tetika izy rehetra.

Dikateny Iombonana Eto Madagasikara

¹ Raha izao aho no manan-toerana any an-taniefitra tahaka ny fialofan’ireo mpivezivezy, dia hilaozako ny fireneko ka handeha lavitra azy aho. Satria samy mpijangajanga avokoa sy mpamadika mpiray tetika izy rehetra.

Baiboly Protestanta Malagasy

¹ ENGA anie ka hahita fitoerana any an-efitra aho tahaka ny fitoeran’ny mpandeha! Dia hahafoy ny fireneko aho ka hiala aminy, Satria mpijangajanga avokoa izy rehetra, Eny, mpivadika miray tetika izy.

Malagasy Bible

¹ Enga anie ka hahita fitoerana any an-efitra aho tahaka ny fitoeran'ny mpandeha! Dia hahafoy ny fireneko aho ka hiala aminy, satria mpijangajanga avokoa izy rehetra, eny, mpivadika miray tetika izy.

La Bible en Malgache

¹ Enga anie aho ka hahita fitoerana any an-tany efitra tahaka ny olona mpandeha lavitra! Dia hahafoy ny fireneko aho ka hiala aminy satria mpijangajanga avokoa izy rehetra, eny, mpivadika miray tetika izy ireo.

Jeremia 9:1 Rohy Ifampitohizana

Salamo 119:136

Mandrotsa-dranomaso mandriaka ny masoko, noho ny tsy fitandreman’ny olona ny lalànao.

Salamo 42:3

Mangetaheta an’Andriamanitra ny fanahiko, dia Andriamanitra velona: rahoviana aho no handeha ka hiseho tsy an-kijanona eo anatrehan’ny Tavan’Andriamanitra?

Salamo 55:7

Ary hoy aho: Endrey! raha manana elatry ny voromahailala mantsy aho, dia hanidina sy hipetraka amim-piadanana;

Isaia 16:9

Koa mitomany toy ny itomanian’i Jasera aho, momba ny voalobok’i Sabamà; mandrotsaka ranomaso aminareo aho ry Hesebona, ry Eleale, fa ny vokatrareo amam-pararanonareo, no nahatongavan’ny fanakoran’ny mpamia.

Isaia 22:4

Koa niteny aho nanao hoe: «Mihodìna tsy hijery ahy, aoka hitomany mafy aho! Aza maimay hampionona ahy, noho ny fandringanana ny zanaka vavin’ny vahoakako.»

Jeremia 13:17

Raha tsy mihaino izany ianareo, dia hitomany mangingina ny fanahiko noho ny fiavonavonanareo; hamarin-dranomaso mangidy ny masoko, hanao ranomaso havozona aho, satria ho lasan-ko babo ny ondrin’i Jakôba.

Jeremia 14:17

Ary lazao azy ireo izao teny izao: Ny masoko handrotsa-dranomaso andro aman’alina tsy tapaka, fa ny virjiny zanaka vavin’ny vahoakako, dia efa hiharan-doza lehibe, sy fery mampanaintaina fatratra.

Jeremia 3:10

Ary na izany rehetra izany koa aza i Jodà mpivadika, rahavaviny, tsy niverina tamiko, tamin’ny fony rehetra, fa tamim-pitaka fotsiny, - teny marin’i Iaveh.-

Jeremia 4:19

Ny kiboko re! ny kiboko re! mihatra amin’ny vololon’aiko ny fanaintainana! Mikorontana ny foko; tsy afa-mangina aho, fa renao, ry fanahiko, ny feon’anjomara, ny akoran’ady.

Jeremia 5:7

Ahoana ange no hamindrako fo aminao? Ny zanakao, nahafoy Ahy, sady mianiana amin’izay tsy Andriamanitra. Izaho namoky azy, izy kosa nitolo-tena tamin’ny hafa; mandeha manao andiany, ho any an-tranon’ny vehivavy janga.

Jeremia 6:26

Ry zanaka vavin’ny vahoakako, misikìna lamba malailay; mihosena amin’ny lavenona; manaova fisaonana, toy ny fisaonana zanaka lahy tokana; midradradradrà mafy fa tonga tampoka amintsika ny mpandringana.

Jeremia 8:18

Indrisy, ry fampiononana ahy amin’ny fahoriako ô! Reraka ny foko ato anatiko!

Jeremia 9:18

Fa misy feo fidradradradràna re avy ao Siôna manao hoe: ‹Indrisy ity isika dia rava, safo-kenatra, tsy maintsy mandao ny tany, satria efa nazera ny tranontsika!›

Fitomaniana 2:11

Levona azon’ny ranomaso ny masoko, mangotika ny atiko; mitsonika amin’ny tany ny atiko, noho ny ratran’ny zanaka vavin’ny vahoakako, raha ilay toran’ny harerahana iny ny ankizy aman-jaza minono, any amin’ny kianjan’ny tanàna.

Ezekiela 22:12

Ao aminao, misy mandray kolikoly handatsa-dra; manao zana-bola be loatra ianao, sady maka zana-bola, sy miharaka ny haren’ny namanao; ary Izaho hadinonao, - teny marin’ny Tompo Iaveh. -

Hosea 7:4

Izy rehetra mpaka vadin’olona avokoa, hoatra ny fatana nampirehetin’ny mpanao mofo afo, izay mitsahatra tsy misorona afo, hatramin’ny nametafetany ny koba ka mandra-pivontony.