Jeremia 51:28 - Baiboly Katolika

²⁸ Manokàna firenena hamely azy, dia ireo mpanjakan’i Media, ny kapiteniny ama-mpanapaka, sy ny tany rehetra izay tapahiny.

Baiboly Protestanta Malagasy 2011

²⁸ Manendre firenena sy ireo mpanjakan’ny Mediana hamely azy; ao koa ny governora sy ny lefiny rehetra ary ny tany rehetra anjakany.

DIEM PROTESTANTA

²⁸ Entano ny firenena maro hamely azy, indrindra fa ny mpanjakan’i Medianina, ny governora rehetra sy ny lefiny ary ny faritany manontolo izay iadidiany.

Dikateny Iombonana Eto Madagasikara

²⁸ Entano ny firenena maro hamely azy, indrindra fa ny mpanjakan’i Medianina, ny governora rehetra sy ny lefiny ary ny faritany manontolo izay iadidiany.

Baiboly Protestanta Malagasy

²⁸ Manendre firenena sy ireo mpanjakan’ny Mediana hamely azy, Ny governora sy ny lefiny rehetra Ary ny tany rehetra anjakany.

Malagasy Bible

²⁸ Manendre firenena sy ireo mpanjakan'ny Mediana hamely azy, ny governora sy ny lefiny rehetra ary ny tany rehetra anjakany.

La Bible en Malgache

²⁸ Manendre firenena sy ireo mpanjakan’ny Mediana hamely azy; ao koa ny governora sy ny lefiny rehetra ary ny tany rehetra anjakany.

Jeremia 51:28 Rohy Ifampitohizana

Genesisy 10:2

Zanak’i Jafeta: i Gômera, i MaGoga, i Maday, i Javàna, i Tobala, i Mosòka, ary i Tirasa.

1Tantara 1:5

Zanak’i Jafeta: i Gômera, i Magôga, i Madaia, i Javàna, i Tobala, i Mosaoka, ary i Tirasa.

Isaia 13:17

Indro hatsangako hamely azy ireo ny Meda, izay tsy mandala volafotsy, tsy maniry volamena.

Isaia 21:2

Misy fahitana mahatsiravina naseho tamiko: ny mpandroba, mandroba; ny mpandrava, mandrava. «Iakaro, ry Elama! Hodidino, ry Meda! Hatsahatro ny fisentoana rehetra.»

Jeremia 25:14

Fa hampanompoin’ny firenena maro ama-mpanjaka lehibe kosa indray izy ireo, ka dia hovaliako araka ny nataony sy ny asan’ny tanany avy.

Jeremia 25:25

ny mpanjaka rehetra any Zambrì, ny mpanjaka rehetra any Elama, mbamin’ny mpanjaka rehetra any Media;

Jeremia 50:41

Indro misy firenena avy any avaratra; firenena lehibe, omba-mpanjaka maro, no mitsangana avy any amin’ny faran’ny tany.

Jeremia 51:11

Ranito ny zana-tsipìka; misaròna ny ampinganareo! Efa nanetsika ny fanahin’ny mpanjakan’i Media i Iaveh; fa ny fiheviny an’i Babela dia ny handrava azy. Fa izany no valim-bonoana hataon’i Iaveh dia ny hamaliany noho ny amin’ny Tempoliny.

Jeremia 51:27

Manangàna saina, amin’ny tany; mitsofa anjomara, amin’ny firenena; manokàna firenena hamely azy; miantsoa hamely azy ny fanjakan’i Ararata sy Meni ary Askeneza. Manendre ny filohan’ny tafika hamely azy; mandefasa ny soavaly toy ny valala mitsangam-bolo.

Jeremia 51:29

Mihorohoro ny tany, mihefikefika izy, fa mandroso ho tanteraka ny hevitr’i Iaveh hamely an’i Babela, mba hanova ny tanin’i Babela ho tany mampatahotra, tsy misy mponina.