Jeremia 41:8 - Baiboly Katolika

⁸ Nisy folo lahy tamin’izy ireo anefa, nilaza tamin’i Ismaely hoe: «Aza mba vonoina izahay, fa manam-pitaovana miafina any an-tsaha, dia varimbazaha, orja, diloilo, sy tantely.» Ka dia nijanona izy, fa tsy namono an’ireo teo afovoan’iretsy rahalahiny.

Baiboly Protestanta Malagasy 2011

⁸ Fa nisy folo lahy tamin’ireo niteny tamin’Ismaela hoe: Aza vonoina izahay; fa manan-tahiry any an-tsaha izahay, dia varimbazaha isan-karazany sy diloilo ary tantely. Dia nijanona tsy namono azy tahaka ny efa nataony tamin’ny namany izy.

DIEM PROTESTANTA

⁸ Nisy folo lahy tamin’ireo anefa niteny tamin’i Jismahela hoe: –Aza vonoina izahay fa manana tahirin-tsakafo miafina any an-tsaha, dia varim-bazaha sy ôrza ary diloilo sy tantely. Koa tsy nampamonoin’i Jismahela niaraka tamin’ireo namany izy folo lahy.

Dikateny Iombonana Eto Madagasikara

⁸ Nisy folo lahy tamin’ireo anefa niteny tamin’i Jismahela hoe: –Aza vonoina izahay fa manana tahirin-tsakafo miafina any an-tsaha, dia varim-bazaha sy ôrza ary diloilo sy tantely. Koa tsy nampamonoin’i Jismahela niaraka tamin’ireo namany izy folo lahy.

Baiboly Protestanta Malagasy

⁸ Fa nisy folo lahy tamin’ireo nanao tamin’Isimaela hoe: Aza vonoina izahay; fa manan-tahiry any an-tsaha izahay, dia vary tritika sy vary hordea sy diloilo ary tantely. Ka dia nijanona izy, fa tsy namono ireo tahaka ny efa nataony tamin’ny namany.

Malagasy Bible

⁸ Fa nisy folo lahy tamin'ireo nanao tamin'Isimaela hoe: Aza vonoina izahay; fa manan-tahiry any an-tsaha izahay, dia vary tritika sy vary hordea sy diloilo ary tantely. Ka dia nijanona izy, fa tsy namono ireo tahaka ny efa nataony tamin'ny namany.

La Bible en Malgache

⁸ Fa nisy folo lahy tamin’ireo niteny tamin’Ismaela hoe: Aza vonoina izahay; fa manan-tahiry any an-tsaha izahay, dia varimbazaha isan-karazany sy diloilo ary tantely. Dia nijanona tsy namono azy tahaka ny efa nataony tamin’ny namany izy.

Jeremia 41:8 Rohy Ifampitohizana

Joba 2:4

Fa hoy ny navalin’i Satana an’i Iaveh: «Hoditra fefin’ny hoditra! Izay ananan’ny olona dia atolony ho fefin’ny ainy avokoa.

Ohabolana 13:8

Ny harena dia avotra aina ho an’ny olona; ny malahelo kosa tsy mandre akory izay fandrahonana.

Isaia 45:3

Homeko anao ny rakitra miafina, sy ny harena voalevona, mba hahafantaranao fa Izaho no Iaveh, Andriamanitr’i Israely, izay niantso anao tamin’ny anaranao.

Jeremia 41:9

Ny lava-drano nanarìan’i Ismaely ny fatin’ireo olona novonoiny noho ny amin’i Godoliasa, dia ilay nataon’i Asa, mpanjaka, noho ny amin’i Baasa, mpanjakan’i Israely, io no nofenoin’i Ismaely zanak’i Nataniasa, faty.

Matio 16:26

Inona no soa ho azon’ny olona raha mahazo izao tontolo izao izy, nefa very ny fanahiny? Ary inona no homen’ny olona ho takalon’ny fanahiny?

Matio 6:25

Noho izany, izao no ataoko aminareo: Aza manahy foana ny amin’ny ainareo, dia izay hohaninareo na hosotroinareo, na ny amin’ny tenanareo, dia izay hotafinareo. Moa tsy ny aina no ambony noho ny hanina, ary ny tena noho ny fitafiana?