Jeremia 38:4 - Baiboly Katolika

⁴ Dia hoy ny lehibe tamin’ny mpanjaka: «Aoka hovonoina io lehilahy io! Fa mampiraviravy tanana ny lehilahy mpiady sisa eto an-tanàna mbamin’ny vahoaka rehetra izy, amin’ny fanaovana teny toy izany aminy. Fa tsy mba mitady izay hahasoa ity vahoaka ity io lehilahy io, fa izay hampidi-doza aminy ihany.»

Baiboly Protestanta Malagasy 2011

⁴ Dia hoy ny mpanapaka tamin’ny mpanjaka: Trara antitra ianao, aoka hovonoina ity lehilahy ity, fa mampiraviravy tanana ny miaramila izay sisa amin’ity tanàna ity mbamin’ny olona rehetra izy, noho ny nitenenany taminy araka izany teny teo izany; fa ity lehilahy ity dia tsy mba mitady izay hiadanan’ity firenena ity fa izay hahatonga loza aminy kosa.

DIEM PROTESTANTA

⁴ Rehefa nandre izany ireo manamboninahitra ireo, dia niteny tamin’i Tsedekià mpanjaka hoe: –Takînay ny hamonoana ho faty an’i Jeremià, satria manakivy tanteraka ny miaramila sy ny mponina sisa ao an-tanàna izy. Tsy mba mitady izay hahatsara ny vahoaka io lehilahy io fa ny hanampy trotraka ihany.

Dikateny Iombonana Eto Madagasikara

⁴ Rehefa nandre izany ireo manamboninahitra ireo, dia niteny tamin’i Tsedekià mpanjaka hoe: –Takînay ny hamonoana ho faty an’i Jeremià, satria manakivy tanteraka ny miaramila sy ny mponina sisa ao an-tanàna izy. Tsy mba mitady izay hahatsara ny vahoaka io lehilahy io fa ny hanampy trotraka ihany.

Baiboly Protestanta Malagasy

⁴ Dia hoy ny mpanapaka tamin’ny mpanjaka: Trarantitra hianao, aoka hovonoina ity lehilahy ity; fa mampiraviravy tanàna ny miaramila izay sisa amin’ity tanàna ity mbamin’ny olona rehetra izy noho ny nitenenany taminy araka izany teny izany; fa ity lehilahy ity tsy mba mitady izay hiadanan’ity firenena ity, fa izay hahatonga loza aminy kosa.

Malagasy Bible

⁴ Dia hoy ny mpanapaka tamin'ny mpanjaka: Trarantitra ianao, aoka hovonoina ity lehilahy ity; fa mampiraviravy tanana ny miaramila izay sisa amin'ity tanàna ity mbamin'ny olona rehetra izy noho ny nitenenany taminy araka izany teny izany; fa ity lehilahy ity tsy mba mitady izay hiadanan'ity firenena ity, fa izay hahatonga loza aminy kosa.

La Bible en Malgache

⁴ Dia hoy ny mpanapaka tamin’ny mpanjaka: Trara antitra ianao, aoka hovonoina ity lehilahy ity, fa mampiraviravy tanana ny miaramila izay sisa amin’ity tanàna ity mbamin’ny olona rehetra izy, noho ny nitenenany taminy araka izany teny teo izany; fa ity lehilahy ity dia tsy mba mitady izay hiadanan’ity firenena ity fa izay hahatonga loza aminy kosa.

Jeremia 38:4 Rohy Ifampitohizana

1Mpanjaka 21:20

Ary hoy i Akaba tamin’i Elia: «Azonao va aho, ry ilay fahavaloko?» Ka hoy ny navaliny: «Azoko ianao, satria nivaro-tena hanao izay ratsy eo imason’i Iaveh ianao.

2Tantara 24:21

Ka niray tetika hamely an’io izy ireo, ka nitora-bato azy, dia teo amin’ny kianjan’ny tranon’i Iaveh, noho ny didin’ny mpanjaka.

Ezra 4:12

Aoka ho fantatry ny mpanjaka, fa ny Jody avy any aminao, nankatỳ aminay, dia tonga tatỳ Jerosalema, ka namboatra ilay tanàna fikomiana sady ratsy, ka efa manao ny mandany sy mamboatra ny fototra izy izao.

Nehemia 6:9

Ny hampitahotra anay no kendren’izy rehetra, satria hoy izy: «Hihaosa ny tanany dia hilaozany ny asa, ka tsy ho tontosa. Koa ankehitriny herezo ny tanako, ry Andriamanitro.»

Eksodosy 5:4

Fa hoy ny mpanjakan’i Ejipta tamin’izy ireo: «Nahoana ianareo, ry Môizy sy Aarôna, no mandrebireby ny vahoaka tsy hanao ny asany? Mandehana mankany amin’ny fanompoanareo.»

Jeremia 11:21

Ka dia izao no lazain’i Iaveh, ny amin’ireo olona ao Anatôta, izay mitady ny ainao, sy manao hoe: Aza maminany amin’ny Anaran’i Iaveh, raha tsy te ho fatin’ny tananay ianao!

Jeremia 18:23

Ary fantatrao avokoa, ry Iaveh ô, ny fiokoan’izy ireo hamonoany ahy. Aza mamela ny helony; aza vonoina eo imasonao ny fahotany; fa aoka hitambotsitra eo anatrehanao izy, ary hasianao amin’ny andro fahatezeranao.

Jeremia 26:11

Dia hoy ny mpisorona ama-mpaminany tamin’ireo loholona sy ny vahoaka rehetra: «Mendrika hovonoina ity lehilahy ity, fa naminany loza hanjò ity tanàna ity, araka ny efa ren’ny sofinareo.»

Jeremia 29:7

Mikatsaha soa ho an’ny tanàna nitondrako anareo ho babo, ary mangataha amin’i Iaveh ho azy, fa soa ho anareo ny soa ho azy.

Jeremia 38:16

Dia nianiana mangingina tamin’i Jeremia i Sedesiasa mpanjaka, nanao hoe: «Velona i Iaveh izay nanome antsika ity fiainana ity. Tsy hamono anao aho, na hanolotra anao amin’ireo olona mitady ny ainao ireo.»

Jeremia 38:25

Raha ren’ny mpanapaka fa niresaka taminao aho, ka tonga aminao izy manao hoe: ‹Ambarao anay izay nolazainao tamin’ny mpanjaka sy nolazain’ny mpanjaka taminao; aza misy afenina aminay, dia tsy hamono anao izahay›; dia izao no amalio azy:

Jeremia 43:3

Fa i Baròka zanak’i Nerià, no nanome fo anao hamely anay, mba hanolotra anay ho eo an-tanan’ny Kaldeanina, hahafaty anay sy hahalasan-ko babo anay any Babilôna.»

Ezekiela 22:27

Ny lehibeny, eo afovoany, toy ny amboadia mamiravira haza, dia mandatsa-dra, mahavery fanahy hahazoana tombony.

Amosa 7:10

Ary i Amasiasa, mpisorona ao Betela, naniraka hilaza amin’i Jerôbôama, mpanjakan’i Israely hoe: «Mitetika ny hikomy aminao eo amin’ny taranak’i Israely i Amôsy; tsy zakan’ny tany intsony ny teniny rehetra.

Lioka 23:2

Ary ry zareo niampanga Azy toy izao: «Azonay nampiodina ny firenenay Ilay io, sy nandrara tsy handoa hetra ho an’i Sezara, ary nilaza ny Tenany ho Kristy mpanjaka.»

Asan’ny Apostoly 16:20

Ary nony efa nanolotra azy tamin’ny mpitsara izy ireo, dia nanao hoe: «Mampitabataba ny tanànantsika loatra ireto lehilahy ireto;

Asan’ny Apostoly 17:6

Nony tsy nahita azy roa lahy izy ireo, dia i Jasôna sy ny havana iray finoana sasany no notarihiny ho any amin’ny lehiben’ny tanàna, nampangainy hoe: «Tonga atỳ koa irony olona mpanakorontam-bahoaka irony,

Asan’ny Apostoly 24:5

Io lehilahy io dia hitanay fa mpanimba vahoaka, mpampitabataba ny Jody rehetra amin’izao tontolo izao, filohan’ny antokon’ny Nazareanina,

Asan’ny Apostoly 28:22

fa izao ihany no fantatray: toherina hatraiza hatraiza izany antokom-pivavahana izany; koa maniry handre izay hevitrao izahay.»