Jeremia 32:5 - Baiboly Katolika

⁵ Dia hoentina any Babilôna i Sedesiasa, ary hitoetra any, mandra-pamangiko azy, - teny marin’i Iaveh.- Raha miady amin’ny Kaldeanina ianareo, tsy hahomby tsy akory.»

Baiboly Protestanta Malagasy 2011

⁵ ary any Babilona no hitondrana an’i Zedekia, koa ho any izy ambara-pamangiko azy, hoy NY TOMPO. Na dia miady amin’ny Kaldeana aza ianareo dia tsy haharesy azy.

DIEM PROTESTANTA

⁵ Dia hoentina any Babilôna i Tsedekià, ka hijanona any saingy hokarakaraiko, hoy ny teny hentitra avy amiko TOMPO. Fa na dia hanohy hiady amin’ny Babilônianina aza ianareo, dia tsy haharesy azy.»

Dikateny Iombonana Eto Madagasikara

⁵ Dia hoentina any Babilôna i Tsedekià, ka hijanona any saingy hokarakaraiko, hoy ny teny hentitra avy amiko TOMPO. Fa na dia hanohy hiady amin’ny Babilônianina aza ianareo, dia tsy haharesy azy.»

Baiboly Protestanta Malagasy

⁵ ary ho any Babylona no hitondrana an’i Zedekia, ka ho any izy ambara-pamangiko azy, hoy Jehovah; na dia miady amin’ny Kaldeana aza hianareo, dia tsy hambinina.

Malagasy Bible

⁵ ary ho any Babylona no hitondrana an'i Zedekia, ka ho any izy ambara-pamangiko azy, hoy Jehovah; na dia miady amin'ny Kaldeana aza ianareo, dia tsy hambinina.

La Bible en Malgache

⁵ ary any Babilona no hitondrana an’i Zedekia, koa ho any izy ambara-pamangiko azy, hoy NY TOMPO. Na dia miady amin’ny Kaldeana aza ianareo dia tsy haharesy azy.

Jeremia 32:5 Rohy Ifampitohizana

2Tantara 13:12

Indro fa miaraka aminay, mitarika anay, Andriamanitra sy ny mpisorony, mbamin’ny trômpetra avo feo izay hotsofina hamelezana anareo. Koa aza miady amin’i Iaveh Andriamanitry ny razanareo, ry zanak’i Israely, fa tsy hahomby anie ianareo!»

2Tantara 24:20

Notsindrian’ny fanahin’Andriamanitra i Zakaria, zanak’i Jôiadà mpisorona, ka nankeo anatrehan’ny vahoaka nilaza taminy hoe: «Izao no lazain’Andriamanitra: Ahoana no andikanareo ny didin’i Iaveh, tsy hahazoanareo fanambinana? Noho ianareo nahafoy an’i Iaveh, dia mba hafoiny koa.»

Ohabolana 21:30

Tsy misy fahendrena na fahamalinana, na fisainana eo anatrehan’i Iaveh.

Jeremia 2:37

Avy any ianao dia hiverina, miloloha tanana; satria nolavin’i Iaveh ry zareo itokianao, ka tsy hahomby ianao miankina amin’ireo.»

Jeremia 27:22

Hoentina any Babilôna koa ireo, sady hitoetra any, mandra-piavin’ny andro hamangiako azy, - teny marin’i Iaveh, - ka dia hampiakatra azy sy hampody azy amin’ity fitoerana ity indray Aho.

Jeremia 32:24

Indro ny tovon-tany hanafahana ny tanàna, efa mahatakatra azy, ary ny tanàna efa hatolotra eo an-tanan’ny Kaldeanina izay mamely azy, amin’ny sabatra, ny mosary sy ny pesta; dia tanteraka izay nolazainao, ka mahita izany Ianao.

Jeremia 32:6

Ary hoy i Jeremia: Ny tenin’i Iaveh tonga tamiko nanao hoe:

Jeremia 33:5

ary koa ny amin’ireo amin’ny fatin’olona, izay hovonoiko noho ny fahatezerako amam-pahavinirako, ary noho ny amin’ny haratsian’izy ireo ka hanafenako ny tavako amin’ity tanàna ity:

Jeremia 37:10

fa tsy handeha akory izy ireo. Ary na dia horesenareo aza ny tafiky ny Kaldeanina rehetra izay miady aminareo, ka tsy hisy afa-tsy ny maratra no sisa aminy, dia samy mbola hitsangana ao an-dainy avy ihany ireo, ka handoro ity tanàna ity amin’ny afo.

Jeremia 39:4

Nony nahita azy ireo i Sedesiasa, mpanjakan’i Jodà, mbamin’ny lehilahy mpiady rehetra, dia nandositra sy nivoaka ny tanàna tamin’ny alina, nihazo ny lalan’ny zaridainan’ny mpanjaka, teo amin’ny vavahady anelanelan’ny manda roa izy, dia niditra ny lalana mankany amin’ny tany lemaka.

Jeremia 39:5

Nenjehin’ny tafiky ny Kaldeanina anefa izy ireo, ary tratrany teo amin’ny tany lemak’i Jerikô i Sedesiasa. Dia noraisin’izy ireo izy ka nentiny niakatra ho any amin’i Nabokodonozora, mpanjakan’i Babilôna, tao Reblà, amin’ny tanin’i Emata, ka namoaka teny fitsarana momba azy izy.

Jeremia 39:7

Raha efa izany dia nopotsiriny ny mason’i Sedesiasa, ary nafatony tamin’ny rojo varahina roa izy hoentina any Babilôna.

Fitomaniana 1:14

Ny jiogan’ny fahotako dia voafehy, tao an-tanany; voatambatra ho fehezany ireny, ka mitambesatra amin’ny vozoko, nataony mihozohozo ny heriko. Natolotry ny Tompo eo an-tanan’izay tsy leoko aho.

Ezekiela 12:12

Ny andriana eo aminy, hanao an-tsoroka ny entany, rehefa ilay maizimaizina iny, dia hiainga; hogorobahan’ny olona ny manda, hamoahana azy; hosaronany ny tavany, ka tsy hahita maso ny tany izy.

Ezekiela 12:13

Hamela-pandrika harato aminy Aho, ka ho voan’ny fandrika izy; hoentiko any Babilôna izy, any amin’ny tanin’ny Kaldeanina; nefa tsy hahita izany izy, ary ho faty any.

Ezekiela 17:15

Niodina tamin’io anefa izy, fa nandefa iraka tany Ejipta mba hanome soavaly sy olona maro azy. Ka hahomby va izy? Ho afa-mandositra va izay nanao izany? Nivadi-panekena izy, ka ho afa-mandositra ve!

Nomery 14:41

Hoy i Môizy: «Nahoana ianareo no mandika ny didin’i Iaveh? Tsy hahomby ianareo amin’izany.