Jeremia 32:20 - Baiboly Katolika

²⁰ Ianao no nanao famantarana amam-pahagagana tany amin’ny tany Ejipta ka mandraka androany, eo amin’i Israely sy eo amin’ny olona, ka nampahalaza ny Anaranao, araka izao hitanay anio izao.

Baiboly Protestanta Malagasy 2011

²⁰ Ianao no nanisy famantarana sy fahagagana tany amin’ny tany Ejipta ka mandraka androany koa, na ao amin’ny Israely, na ao amin’ny olona hafa koa, dia nanao anarana ho Anao tahaka ny amin’izao anio izao.

DIEM PROTESTANTA

²⁰ Naneho ny lazanao Ianao raha nanao famantarana sy zava-mahagaga fony mbola tany Ejipta ny razanay, ary mandraka ankehitriny eo amin’ny Israelita sy eo amin’ny olombelona hafa koa tahaka ny amin’izao anio izao.

Dikateny Iombonana Eto Madagasikara

²⁰ Naneho ny lazanao Ianao raha nanao famantarana sy zava-mahagaga fony mbola tany Ejipta ny razanay, ary mandraka ankehitriny eo amin’ny Israelita sy eo amin’ny olombelona hafa koa tahaka ny amin’izao anio izao.

Baiboly Protestanta Malagasy

²⁰ dia Ilay nanisy famantarana sy fahagagana tany amin’ny tany Egypta ka mandraka andro-any koa, na ao amin’ny Isiraely, na ao amin’ny olona hafa koa, ka dia nanao anarana ho Anao tahaka ny amin’izao anio izao.

Malagasy Bible

²⁰ dia Ilay nanisy famantarana sy fahagagana tany amin'ny tany Egypta ka mandraka androany koa, na ao amin'ny Isiraely, na ao amin'ny olona hafa koa, ka dia nanao anarana ho Anao tahaka ny amin'izao anio izao.

La Bible en Malgache

²⁰ Ianao no nanisy famantarana sy fahagagana tany amin’ny tany Ejipta ka mandraka androany koa, na ao amin’ny Israely, na ao amin’ny olona hafa koa, dia nanao anarana ho Anao tahaka ny amin’izao anio izao.

Jeremia 32:20 Rohy Ifampitohizana

2Samoela 7:23

Aiza izay firenena eto ambonin’ny tany tahaka ny vahoakanao, tahaka an’i Israely, fa Andriamanitra no tonga hanavotra azy, mba ho vahoakany, hahalaza ny Anarany, hanao zava-dehibe ho Anao, ary hanao famantarana ho an’ny taninao, tamin’ny nandroahanao ireo firenena mbamin’ny andriamaniny teo anoloan’ny vahoakanao izay navotanao tamin’i Ejipta.

1Tantara 17:21

Aiza eto ambonin’ny tany izay firenena hafa, manahaka an’i Israely vahoakanao, izay nahatongavan’Andriamanitra hanavotany azy, mba ho vahoakany, hahazoanao Anarana amin’ny fahagagana aman’asa lehibe, dia ny nandroahanao firenena teo anoloan’ny vahoakanao, izay navotanao tamin’i Ejipta.

Nehemia 9:10

Nanao famantarana amam-pahagagana namely an’i Faraôna Ianao sy namely ny mpanompony mbamin’ny vahoakan’ny taniny rehetra, satria hitanao fa tamim-pianjonanjonana no nitondrany ny razanay, ka dia nahazo laza ny Anaranao, araka izay hita mandraka androany.

Nehemia 9:11

Nosarahinao teo anoloan’ireny ny ranomasina ka dia namaky teo afovoan’ny ranomasina nandia tany maina izy; fa ireo mpanenjika azy kosa nazeranao tao amin’ny hantsana, sahala amin’ny vato, ao anatin’ny ranobe.

Salamo 135:9

Naneho famantarana amam-pahagagana Izy, teo afovoanao, ry Ejipta, namelezany an’i Faraôna sy ny mpanompony rehetra.

Eksodosy 10:2

mba hotantarainao amin’ny zanakao aman-jafinao ny zava-dehibe nataoko tany Ejipta, sy ny famantarana vitako teo amin’izy ireo, ka ho fantatrareo fa Iaveh Aho.»

Eksodosy 3:20

nefa haninjitra ny tanako Aho hamely an’i Ejipta, amin’ny fahagagana isan-karazany hataoko eo aminy, ka havelany handeha ianareo rehefa afaka izany.»

Eksodosy 7:3

Ary Izaho hanamafy ny fon’i Faraôna, sy hampitombo ny famantarako amam-pahagagako amin’ny tany Ejipta.

Eksodosy 9:16

Fa ny antony namelako anao haharitra toy izay, dia ny mba hahitanao ny fahefako, ary mba hanehoehoan’ny Anarako amin’ny tany rehetra.

Isaia 63:12

izay nampandeha, teo ankavanan’i Môizy, ny sandriny be voninahitra, izay nampisaraka ny rano teo anoloany, hahazoany anarana mandrakizay;

Isaia 63:14

tahaka ny biby fiompy midina ho eny an-dohasaha? Notarihin’ny fanahin’i Iaveh ho amin’ny fitsaharana izy. Toy izany no nitarihanao ny vahoakanao, mba hahazoanao anarana be voninahitra.

Jeremia 13:11

Satria toy ny firaikitry ny fehikibo amin’ny tehezan’ny olona, no nandraiketako ny taranak’i Israely rehetra sy ny taranak’i Jodà rehetra tamiko, - teny marin’i Iaveh, - mba ho vahoaka ho Ahy izy ireo mba ho anarana, ho haja, ho voninahitra, nefa tsy nihaino Ahy izy.»

Asan’ny Apostoly 7:36

Izy ihany no nanafaka azy ireo, tamin’ny fahagagana amam-pamantarana nataony tany Ejipta, sy tao amin’ny ranomasina Mena, ary tany an’efitra efapolo taona.

Deoteronomia 11:3

ny fahagagana aman’asa nataony teo afovoan’i Ejipta, tamin’i Faraôna mpanjakan’i Ejipta sy tamin’ny taniny rehetra;

Deoteronomia 4:34

Oviana no mba nisy Andriamanitra nanandrana haka firenena anankiray ho azy tao afovoan’ny firenena iray hafa, tamin’ny fitsapana, famantarana, fahagagana, ady, tanana mahery, sandry ahinjitra, ary fangorohoroana lehibe, toraky ny nataon’i Iaveh Andriamanitrareo ho anareo, teo imasonareo, tany Ejipta?

Deoteronomia 6:22

fahagagana amam-pamantarana lehibe sy mandoza no nataon’i Iaveh, namelezany an’i Ejipta sy i Faraôna mbamin’ny ankohonany rehetra, teo imasonay;

Deoteronomia 7:19

Masonao no nahita ny fampahoriana lehibe, ny fahagagana sy ny zavatra mahatalanjona, ny tanana mahery sy aman-tsandry ahinjitra izay nampivoahan’i Iaveh Andriamanitrao anao; toy izany no hataon’i Iaveh Andriamanitrao amin’ny vahoaka rehetra atahoranao.