Jeremia 3:25 - Baiboly Katolika

²⁵ Aoka isika handry eo amin’ny fahafaham-barakantsika, sy horakofan’ny henatra isika; fa samy efa nanota tamin’i Iaveh Andriamanitsika, na isika na ny razantsika, hatramin’ny fahatanorantsika ka mandrak’androany; sady tsy nihaino ny feon’i Iaveh Andriamanitsika.

Baiboly Protestanta Malagasy 2011

²⁵ Aoka handry ao amin’ny henatray izahay, ary aoka hanarona anay ny fahafaham-boninahitray, satria tamin’NY TOMPO Andriamanitray no efa nanotanay, dia izahay sy ny razanay, hatramin’ny fahazazanay ka mandraka androany, sady tsy nihaino ny feon’NY TOMPO Andriamanitray izahay.

DIEM PROTESTANTA

²⁵ Aoka hatory ombàn-kenatra izahay ka hanaiky ny fahafaham-baràka, satria efa nanao heloka teo anatrehanao TOMPO Andriamanitray. Fa na izahay na ny razanay dia tsy nihaino izay nolazain’ny TOMPO Andriamanitray hatry ny fahazazànay ka mandrak’androany.

Dikateny Iombonana Eto Madagasikara

²⁵ Aoka hatory ombàn-kenatra izahay ka hanaiky ny fahafaham-baràka, satria efa nanao heloka teo anatrehanao TOMPO Andriamanitray. Fa na izahay na ny razanay dia tsy nihaino izay nolazain’ny TOMPO Andriamanitray hatry ny fahazazànay ka mandrak’androany.

Baiboly Protestanta Malagasy

²⁵ Aoka handry ao amin’ny henatray izahay, Ary aoka hanarona anay ny fahafaham-boninahitray, Satria tamin’i Jehovah Andriamanitray no efa nanotanay– Dia izahay sy ny razanay, hatramin’ny fahazazanay ka ambaraka andro-any– Sady tsy nihaino ny feon’i Jehovah Andriamanitray izahay.

Malagasy Bible

²⁵ Aoka handry ao amin'ny henatray izahay. Ary aoka hanarona anay ny fahafaham-boninahitray, satria tamin'i Jehovah Andriamanitray no efa nanotanay dia izahay sy ny razanay, hatramin'ny fahazazanay ka ambaraka androany sady tsy nihaino ny feon'i Jehovah Andriamanitray izahay.

La Bible en Malgache

²⁵ Aoka handry ao amin’ny henatray izahay, ary aoka hanarona anay ny fahafaham-boninahitray, satria tamin’NY TOMPO Andriamanitray no efa nanotanay, dia izahay sy ny razanay, hatramin’ny fahazazanay ka mandraka androany, sady tsy nihaino ny feon’NY TOMPO Andriamanitray izahay.

Jeremia 3:25 Rohy Ifampitohizana

Salamo 106:6

Efa nanota toy ny razanay izahay, nahavita heloka izahay, nanao ratsy izahay.

Salamo 106:7

Ny razanay tany Ejipta tsy nihevitra ny fahagagana nataonao, tsy nahatsiaro ny hamaroan’ny fahasoavanao; niodina teo amoron-dranomasina, dia ny Ranomasina Mena.

Salamo 109:29

Hitafy henatra ny fahavaloko, ary hanarona azy toy ny lamba ny fahamenarany.

Ohabolana 13:18

Fahoriana aman-kenatra no an’izay mandà famaizana; fa omem-boninahitra kosa, izay mandray fananarana.

Ohabolana 5:13

Naninona re aho no dia tsy nihaino ny feon’ny mpampianatra ahy, ka tsy nampandry sofina tamin’ireo nampianatra ahy?

Isaia 48:8

Tsy mbola nandre izany ianao, tsy nahalala izany ianao; tsy mbola nandre izany velively ny fonao. Satria fantatro ianao fa mpivadika loatra, ary ny anaranao hatrany an-kibon-dreninao dia hoe mpivadika.

Isaia 50:11

Fa ianareo rehetra nampirehitra afo kosa, sy mandray zana-tsipìka mirehitra ho fiadiana, mandehana amin’ny lelafonareo, sy eo afovoan’ny zana-tsipìka narehitrareo! Izao no hanjò anareo avy amin’ny tanako; hampandrina amin’ny fahoriana ianareo!

Jeremia 11:13

Fa araka ny isan’ny tanànanao, no isan’ny andriamanitrao, ry Jodà; ary araka ny isan’ny lalam-be ao Jerosalema, no isan’ny ôtely natsanganareo ho an’ilay sampy mahafa-baraka, dia ireo ôtely anaterana emboka manitra ho an’i Baala.

Jeremia 12:13

Vary no nafafiny, fa tsilo no jinjainy; nandany ny herim-pony, fa aim-bery foana izany. Menàra amin’ny vokatra azonareo; avy amin’ny firehetan’ny hatezeran’i Iaveh izany.

Jeremia 14:20

Ry Iaveh ô, miaiky ny haratsianay izahay, sy ny heloky ny razanay; fa nanota taminao izahay.

Jeremia 14:7

Ry Iaveh ô, na dia miampanga anay aza ny helokay, aoka hanao ihany Ianao ho voninahitry ny Anaranao; fa maro ny hadisoanay; nanota taminao izahay.

Jeremia 2:17

Izany no mahazo anao, moa tsy dia noho ianao nahafoy an’i Iaveh Andriamanitrao, tamin’ny andro nitondrany anao teny an-dalana?

Jeremia 2:19

Ny haratsianao no mamely anao, ary ny fiodinanao no manafay anao. Koa fantaro sy jereo, fa ratsy sady mangidy manao ahoana, ny nahafoizanao an’i Iaveh Andriamanitrao, sy ny tsy nanananao tahotra Ahy kely akory, - teny marin’ny Tompo Iavehn’ny tafika. -

Jeremia 2:2

«Mandehana, ataovy antso avo ho ren’i Jerosalema izao teny izao:» Izao no lazain’i Iaveh: «Tsaroako ny firaiketam-ponao tamiko, fony ianao mbola tanora, ny fitiavanao, fony ianao vao fofom-bady; dia ilay nanarahanao Ahy tany an’efitra, tany amin’ny tany tsy famafazana.

Jeremia 2:26

Toy ny fangaihain’ny mpangalatra azo an-tanana no fangaihain’ny taranak’i Israely, dia izy ireo, ny mpanjakany, ny lehibeny, ny mpisorony ama-mpaminaniny,

Jeremia 20:18

Nahoana aho no nivoaka avy ao an-kibony, hahita fijaliana amam-pahoriana, sy handany ny androko amin’ny fahafaham-baraka!

Jeremia 22:21

Efa niteny taminao Aho, fony ianao mbola niadana nefa hoy ianao: Tsy hihaino aho! Fanaonao hatry ny fony mbola tanora izany: tsy nihaino ny feoko ianao!

Jeremia 3:13

Mieke anefa ny hadisoanao, satria niodina tamin’i Iaveh Andriamanitrao ianao, ka nandehandeha foana tany amin’ny tany hafa, teny ambany hazo maitsonao teny, fa tsy nihaino ny feoko ianareo, - teny marin’i Iaveh. -

Jeremia 31:19

Fa nony efa nivily aho, dia nanenina; ary nony efa nahalala aho, dia nisafo sirana sady menatra sy nangaihay, satria mitondra ny fahafaham-barakan’ny fahatanorako aho.»

Jeremia 6:26

Ry zanaka vavin’ny vahoakako, misikìna lamba malailay; mihosena amin’ny lavenona; manaova fisaonana, toy ny fisaonana zanaka lahy tokana; midradradradrà mafy fa tonga tampoka amintsika ny mpandringana.

Jeremia 7:19

Moa Izaho va no tsiratsirainy, - teny marin’i Iaveh, - fa tsy ny tenany ihany, ka tsy maintsy hangaihay tava izy amin’izany?»

Jeremia 8:14

Nahoana isika no mitomoe-poana? Mivoria ianareo, andeha isika ho ao an-tanàna mimanda, dia aoka ho faty ao; satria i Iaveh Andriamanitsika mandevona antsika, sy mampisotro antsika rano misy poizina, noho ny nanotantsika tamin’i Iaveh!...

Jeremia 9:18

Fa misy feo fidradradradràna re avy ao Siôna manao hoe: ‹Indrisy ity isika dia rava, safo-kenatra, tsy maintsy mandao ny tany, satria efa nazera ny tranontsika!›

Fitomaniana 5:16

Nianjera ny satroboninahitry ny lohany; eny, loza ho anay, fa nanota izahay!

Fitomaniana 5:7

Nanota ny razanay, tsy eo intsony anefa izy, ka izahay ity no mivesatra ny helony.

Ezekiela 2:3

Hoy Izy tamiko: Ry zanak’olona, indro ianao irahiko, ho any amin’ny zanak’i Israely, ho any amin’ireo vahoaka mpiodina izay niodina tamiko; fa efa nanota tamiko, mandrak’androany aza, ireo sy ny razany.

Ezekiela 36:32

Tsy noho ny aminareo no anaovako izany, - teny marin’ny Tompo Iaveh, - ka aoka ho azonareo izany; aoka ho menatra sy hivoaramena ianareo, noho ny nataonareo, ry taranak’i Israely.

Ezekiela 44:13

Tsy hanatona Ahy hanao ny raharahan’ny fisoronana izy ireo na hanakaiky ny zavatro masina rehetra, eo amin’ny fitoerana masina indrindra, fa hivesatra ny fahafaham-barakany aman-tsazin’ny fahavetavetana nataony.

Ezekiela 7:18

Lasàka no hitafiany; horohoro no manarona azy; henatra no ho amin’ny tava rehetra, ary mibory ny loha rehetra.

Hosea 9:10

Tahaka ny voaloboka any an’efitra no ahitako an’i Israely; tahaka ny voaloham-bokatry ny aviavy tanora no nahitako ny razanareo. Kanjo tonga tao Beelfegôra izy ireo, sy nanolo-tena ho an’ny sampy vetaveta, ka tonga vetaveta tahaka itsy zava-tiany ihany.

Zefania 1:17

Halatsako am-pahoriana ny olona, ka hiraparapa toy ny jamba, satria nanota tamin’i Iaveh izy. Hiraraka toy ny vovoka ny rany, ary toy ny zezika ny nofony.

Romana 6:21

Inona àry no vokatra azonareo tamin’izay? Vokatra mahamenatra anareo fe ankehitriny, fa fahafatesana no iafarany.

Mpitsara 2:2

ary ianareo kosa tsy hanao fanekena amin’ny mponina amin’ity tany ity fa handrava ny ôteliny. Kanjo tsy nihaino ny feoko ianareo. Ka ahoana no nanaovanareo izany?