Jeremia 24:2 - Baiboly Katolika

² Ny iray tamin’ireo harona ireo, nisy aviavy tsara dia tsara, toy ny aviavy vokatra voalohany; ny iray kosa, nisy aviavy ratsy dia ratsy, tsy azo hanina akory noho ny haratsiany loatra.

Baiboly Protestanta Malagasy 2011

² Ny sobika iray dia nisy aviavy tena tsara, dia toy ny aviavy voaloham-bokatra; ary ny sobika iray kosa dia nisy aviavy izay tena ratsy, izay tsy azo hanina noho ny haratsiny.

DIEM PROTESTANTA

² Ny sobika voalohany dia nisy aviavy tsara dia tsara toy ny aviavy masaka voalohany. Ny sobika faharoa kosa nisy aviavy ratsy loatra ka tsy azo hanina.

Dikateny Iombonana Eto Madagasikara

² Ny sobika voalohany dia nisy aviavy tsara dia tsara toy ny aviavy masaka voalohany. Ny sobika faharoa kosa nisy aviavy ratsy loatra ka tsy azo hanina.

Baiboly Protestanta Malagasy

² Ny sobiky iray dia nisy aviavy tsara dia tsara, dia toy ny aviavy mialintaona; ary ny sobiky anankiray kosa dia nisy aviavy ratsy dia ratsy, izay tsy azo hanina noho ny haratsiny.

Malagasy Bible

² Ny sobiky iray dia nisy aviavy tsara dia tsara, dia toy ny aviavy mialin-taona; ary ny sobiky anankiray kosa dia nisy aviavy ratsy dia ratsy, izay tsy azo hanina noho ny haratsiny.

La Bible en Malgache

² Ny sobika iray dia nisy aviavy tena tsara, dia toy ny aviavy voaloham-bokatra; ary ny sobika iray kosa dia nisy aviavy izay tena ratsy, izay tsy azo hanina noho ny haratsiny.

Jeremia 24:2 Rohy Ifampitohizana

Isaia 5:4

Inona moa no mbola tokony ho natao tamin’ny tanimboaloboko, ka tsy nataoko taminy? Nahoana no voaloboka no nantenaiko ho voany, kanjo tsy namoa afa-tsy divay marikivy izy?

Isaia 5:7

Fa ny taranak’i Israely, no tanimboalobok’i Iavehn’ny tafika, ary ny olona any Jodà, no voly nolalainy; hitsiny no nantenainy taminy, kanjo ra latsaka no niseho; ny fahamarinana no nantenainy, kanjo fitarainam-pahoriana no hita.

Jeremia 29:17

Izao no lazain’i Iavehn’ny tafika: Efa halefako hamely an’ireo ny sabatra, ny mosary, ary ny pesta; hataoko toy ny aviavy ratsy tsy azo hanina, noho ny haratsiany loatra, izy.

Hosea 9:10

Tahaka ny voaloboka any an’efitra no ahitako an’i Israely; tahaka ny voaloham-bokatry ny aviavy tanora no nahitako ny razanareo. Kanjo tonga tao Beelfegôra izy ireo, sy nanolo-tena ho an’ny sampy vetaveta, ka tonga vetaveta tahaka itsy zava-tiany ihany.

Mika 7:1

Indrisy! Ity izaho toy ny rehefa vita ny fitoazam-boankazo fahavaratra, toy ny rehefa vita ny fitsimponam-boaloboka efa voaoty: tsy misy salohy iray akory hohanina! Ny voaloham-boan’aviavy, izay tsiriritin’ny fanahiko, tsy misy na iray aza.

Nahoma 3:12

Ny tanànanao mimanda mafy rehetra dia aviavy misy voany masaka hozongozonina dia miraraka eo am-bavan’izay te-hihinana azy ireny.

Nomery 18:13

Ho anao ny voaloham-bokatry ny taniny haterin’izy ireo ho an’i Iaveh. Hihinana amin’izany izay rehetra madio ao an-tranonao.

Matio 5:13

Ianareo no fanasin’ny tany; fa raha ny fanasina no tonga matsatso, hatao ahoana no fanasina azy indray? Tsy ho azo atao inona intsony izy, fa dia hariana any alatrano hohitsahin’ny olona.