Jeremia 23:13 - Baiboly Katolika

¹³ Tamin’ireo mpaminanin’i Samaria Aho nahita fahadalana, fa naminany tamin’ny anaran’i Baala izy ireo, ka nampaniasia an’i Israely vahoakako.

Baiboly Protestanta Malagasy 2011

¹³ Ary tamin’ny mpaminanin’i Samaria no nahitako zavatra mahaloiloy: Naminany tamin’ny Baala izy ka nampivily ny Israely oloko.

DIEM PROTESTANTA

¹³ «Tao amin’ny mpaminanin’i Samaria no nahitako zavatra maharikoriko: naminany tamin’ny anaran’i Bahala izy ary nampivaona ny Israelita vahoakako.

Dikateny Iombonana Eto Madagasikara

¹³ «Tao amin’ny mpaminanin’i Samaria no nahitako zavatra maharikoriko: naminany tamin’ny anaran’i Bahala izy ary nampivaona ny Israelita vahoakako.

Baiboly Protestanta Malagasy

¹³ Ary tamin’ny mpaminanin’i Samaria no nahitako zavatra mahaloiloy: Naminany tamin’i Bala izy Ka nampivily ny Isiraely oloko;

Malagasy Bible

¹³ Ary tamin'ny mpaminanin'i Samaria no nahitako zavatra mahaloiloy: Naminany tamin'i Bala izy ka nampivily ny Isiraely oloko,

La Bible en Malgache

¹³ Ary tamin’ny mpaminanin’i Samaria no nahitako zavatra mahaloiloy: Naminany tamin’ny Baala* izy ka nampivily ny Israely oloko.

Jeremia 23:13 Rohy Ifampitohizana

1Mpanjaka 18:40

Ary hoy i Elia tamin’izy ireo: «Sambory ny mpaminanin’i Baala, ka aoka tsy hisy ho afa-mandositra na dia iray aza.» Dia nosamboriny ireny, ka nampidinin’i Elia teo amin’ny ranon’i Sisaona, dia novonoiny teo.

2Tantara 33:9

Ka dia i Manase no tonga nampania an’i Jodà mbamin’ny mponina ao Jerosalema, ka nandroso nanao ratsy izy ireo mihoatra noho ireo firenena naringan’i Iaveh, teo anoloan’ny zanak’i Israely.

Isaia 9:16

Noho izany ny zatovon’izy ireo tsy ankasitrahin’ny Tompo, ary ny kamboty amam-mpitondratenany, tsy ananany antra; satria izy rehetra dia samy mpankahala fivavahana sy ratsy fanahy avokoa, ary ny lela rehetra mamoaka fankahalana ny fivavahana avokoa. Na izany rehetra izany aza anefa, tsy nihodivitra ny hatezerany, ary mbola mihinjitra ihany ny tanany.

Jeremia 2:8

Ny mpisorona tsy nanao hoe: ‹Aiza i Iaveh?› ny mpitan-dalàna, tsy nahalala Ahy: ny mpitondra, nivadika tamiko; ary ny mpaminany, naminany tamin’ny anaran’i Baala, ka nanaraka ny tsy mahasoa na inona na inona izy ireny.

Jeremia 23:32

Indro hiaviako ireo izay maminany nofy lainga, - teny marin’i Iaveh, - izay milaza izany, mampaniasia ny vahoakako, amin’ny laingany sy ny antsanga tsy aman’orana ataony. Tsy naniraka azy, na nandidy na inona na inona azy akory Aho. Koa tsy mahasoa ity firenena ity akory izy, - teny marin’i Iaveh. -

Jeremia 36:2

Mangalà horonan-taratasy ianao, ka soraty ao avokoa ny teny nolazaiko taminao, mamely an’i Israely sy i Jodà ary ny firenena rehetra, hatramin’ny andro nitenenako taminao, hatramin’ny andron’i Josiasa ka mandraka androany.

Hosea 4:11

Mahavery saina ny fijangajangana, ny divay, ny ranom-boaloboka.

Hosea 4:12

Ny tapa-kazony no ilàn’ny vahoakako saina, ary ny tehiny no manoro azy ny ho avy, fa misy saim-pijangajangana nampania, ny vahoakako, ary lasa nijangajanga nanalavitra ny Andriamaniny.

Mika 1:5

Ny hisian’izany dia noho ny helok’i Jakôba sy noho ny fahotan’ny taranak’i Israely. Inona no helok’i Jakôba? Tsy i Samaria va? Ary iza no fitoerana avon’i Jodà? Tsy i Jerosalema va?