Jeremia 20:7 - Baiboly Katolika

⁷ Ry Iaveh ô, notarihinao aho, ka voatarika, Nosamborinao, ka nahery Ianao. Zavatra fihomehezana aho isan’andro; maneso ahy avokoa ny olona rehetra.

Baiboly Protestanta Malagasy 2011

⁷ TOMPO ô, notaominao aho ka voataona; nosamborinao aho ka resinao; tonga fihomehezana mandritra ny andro aho; izy rehetra dia maneso ahy.

DIEM PROTESTANTA

⁷ TOMPO ô, notaominao aho ka voataona; ary nahery tamiko Ianao ka resy aho. Fihomehezana aho isan’andro sady fanebaky ny olona rehetra.

Dikateny Iombonana Eto Madagasikara

⁷ TOMPO ô, notaominao aho ka voataona; ary nahery tamiko Ianao ka resy aho. Fihomehezana aho isan’andro sady fanebaky ny olona rehetra.

Baiboly Protestanta Malagasy

⁷ JEHOVAH ô, notaominao aho ka voataona; Nosamborinao aho ka resinao; Tonga fihomehezana mandritra ny andro aho; Izy rehetra dia maneso ahy.

Malagasy Bible

⁷ Jehovah ô, notaominao aho ka voataona; Nosamborinao aho ka resinao; Tonga fihomehezana mandritra ny andro aho; Izy rehetra dia maneso ahy.

La Bible en Malgache

⁷ TOMPO ô, notaominao aho ka voataona; nosamborinao aho ka resinao; tonga fihomehezana mandritra ny andro aho; izy rehetra dia maneso ahy.

Jeremia 20:7 Rohy Ifampitohizana

2Mpanjaka 2:23

Niakatra avy tao izy dia nankany Betela; ary raha mbola niakatra teny an-dalana izy, dia nisy ankizy lahy madinika nivoaka avy ao an-tanàna, naniratsira azy hoe: «Miakara ry ilay sola, miakara, ry ilay sola»;

Joba 12:4

Fananihànin’ny sakaizako aho, izaho izay miantso an’Andriamanitra, ka nohenoin’Andriamanitra. Fananihàniny aho, ilay marina, ilay tsy manan-tsiny!

Joba 30:9

Kanjo izaho indray izao no ataony an-kira, ataony ambentinteny,

Salamo 119:51

Manaraby ahy fatratra ireo mpiavonavona, fa tsy mba mivily amin’ny lalànao aho,

Isaia 8:11

Fa izao no nolazain’i Iaveh tamiko, raha nandray ahy ny tanany, sy nanoro ahy tsy hanaraka ny lalan’ity firenena ity, nanao hoe:

Jeremia 15:10

Loza ho ahy, ry neny, ny niterahanao ahy, mba ho olona filàna ady amam-pifandirana amin’ny tany rehetra aho. Tsy mba nisambotra na inona na inona aho, tsy nampisambotra na inona na inona tamiko izy, nefa manozona ahy avokoa izy rehetra!»

Jeremia 15:18

Nahoana no dia tsy misy farany ny fijaliako, ary manaintaina ny feriko, sady tsy mety sitrana? Moa ho tahaka ny rano mamitaka ho ahy va Ianao, ho tahaka ny rano tsy azoko itokiana?

Jeremia 17:16

Ary izaho tsy mba nandà tsy ho mpiandry manaraka anao; tsy mba naniry ny andron’ny loza, fantatrao izany; ny naloaky ny vavako, dia efa teo anatrehan’ny tavanao.

Jeremia 20:9

Hoy aho: Tsy hilaza ny aminy intsony aho, tsy hiteny amin’ny Anarany intsony aho!... dia nisy toy ny afo nirehitra ato am-poko, voahidy ao anatin’ny taolako; nanao izay hihazonana azy aho nefa tsy nahatana azy.

Jeremia 29:26

Natsangan’i Iaveh ho mpisorona, hisolo an’i Jôiadà mpisorona ianao, mba hisy mpitandrina ao an-tranon’i Iaveh momba izay olona rehetra manao azy ho nahazo tsindrimandry sy ho mpaminany mba hitananao azy amin’ny boloky na gadra.

Jeremia 38:19

Dia hoy i Sedesiasa mpanjaka tamin’i Jeremia: «Matahotra an’ireo Jodeanina efa nanatona ny Kaldeanina aho; dia hatolotry ny olona an’ireo aho ka hataon’ireo fihomehezana.»

Fitomaniana 3:14

efa fihomehezan’ny vahoakako rehetra aho, ataony an-kira mandritra ny andro.

Ezekiela 3:14

Nofaohin’ny Fanahy sy nentiny aho, ka lasa; fangidiana amam-pisafoahana no tao amin’ny fanahiko; ary ny tanan’i Iaveh nihazona ahy mafy.

Hosea 9:7

Tonga ny andro famaizana! Tonga ny andro fanodiavana; vetivety ho fantatr’i Israely izany. Adala ny mpaminany, ny olona tsindriam-panahy mirediredy foana, noho ny haben’ny helokao sy ny fanoheranao mafy.

Jona 4:2

Nanao fivavahana tamin’i Iaveh izy hoe: «Indrisy Iaveh ô! Tsy izao indrindra va no nolazaiko, fony aho mbola tany amin’ny taniko. Koa izany no nandosirako tany Tarsisa aloha, satria fantatro fa Andriamanitra mamindra fo sy miantra, malain-kitezitra, be fitiavana Ianao, ary manenina amin’ny loza voalazanao.

Mika 3:8

Fa izaho kosa feno hery, omban’ny Fanahin’i Iaveh, ary feno rariny aman-kerim-po, hanambara amin’i Jakôba ny helony; sy amin’i Israely ny fahotany.

Lioka 16:14

Ny Farisianina izay fatra-pitia vola dia mba nihaino izany rehetra izany koa, ka dia naneso Azy.

Lioka 23:11

Dia notebahin’i Herôda sy ny miaramilany Izy, ka nony efa nampiakanjoiny akanjo fotsy sy nolalaoviny, dia naveriny tany amin’i Pilaty indray.

Asan’ny Apostoly 17:18

Nisy filôzôfy sasany tamin’ny Epikorianina sy ny Stôisianina niady hevitra taminy koa. Hoy ny sasany: «Inona re no tadiavin’io mpibedibedy io e?» Ary hoy kosa ny sasany nandre azy nitory an’i Jesoa sy ny fitsanganan’ny maty: «Toa mitory andriamani-baovao izy izany.»

Asan’ny Apostoly 17:32

Nony nandre izany hoe fitsanganan’ny maty izy ireo, dia nihomehy ny sasany, fa ny sasany kosa nanao hoe: «Mbola hihaino anao indray izahay ny amin’izany.»

1Korintiana 9:6

Sa, izaho irery sy i Barnabe ihany no tsy afa-mitsahatra amin’ny asa.

Hebreo 11:36

ny sasany niaritra fanesoana sy kapoka ary gadra mbamin’ny tranomaizina;