Jeremia 12:2 - Baiboly Katolika

² Ambolenao izy, dia latsa-paka, mitombo, mamoa; akaiky ny vavany ianao, fa lavitra ny fony.

Baiboly Protestanta Malagasy 2011

² Nambolenao izy ka mamaka; mitombo izy ka mamoa; manakaiky Anao amin’ny vavany izy nefa manalavitra Anao amin’ny fony.

DIEM PROTESTANTA

² Nambolenao izy dia niorim-paka, ka nitombo sy namoa. Tononin’ny vavany Ianao, fa ataony lavitry ny fony.

Dikateny Iombonana Eto Madagasikara

² Nambolenao izy dia niorim-paka, ka nitombo sy namoa. Tononin’ny vavany Ianao, fa ataony lavitry ny fony.

Baiboly Protestanta Malagasy

² Nambolenao izy, ka dia miorim-paka; Mitombo izy, ka dia mamoa; Manakaiky Anao amin’ny vavany izy, nefa manalavitra Anao amin’ny fony.

Malagasy Bible

² Nambolenao izy, ka dia miorim-paka; Mitombo izy, ka dia mamoa; Manakaiky Anao amin'ny vavany izy, nefa manalavitra Anao amin'ny fony.

La Bible en Malgache

² Nambolenao izy ka mamaka; mitombo izy ka mamoa; manakaiky Anao amin’ny vavany izy nefa manalavitra Anao amin’ny fony.

Jeremia 12:2 Rohy Ifampitohizana

Joba 24:12

Misondrotra avy eny an-tanàna eny ny feon’ny olona mitoloko, velon-taraina ny ain’ny voaratra, nefa tsy ahoan’Andriamanitra izany heloka bevava izany!

Joba 5:3

Efa nahita ny adala namàka nisandrahaka aho, kanjo vetivety foana dia nanozona ny fonenany.

Salamo 37:35

Nahita ny tsy mpivavaka efa mby eo amin’ny fanaperam-pahefana aho, nisandrahaka tahaka ny hazo maitso maniry izy.

Isaia 29:13

Ary hoy ny Tompo: «Satria ity firenena ity manatona Ahy amin’ny vavany sy mankalaza Ahy amin’ny molony, nefa ny fony ampanalaviriny Ahy, ary ny fivavahana ataony amiko dia didy nianarany tamin’olombelona,

Jeremia 11:17

I Iavehn’ny tafika izay namboly anao, no nandidy ny loza hanjò anao. Noho ny ratsy nataon’ny taranak’i Israely sy ny taranak’i Jodà, izay nataony hihatsy ny hatezerako, tamin’ny fanaterana emboka manitra ho an’i Baala.»

Jeremia 3:10

Ary na izany rehetra izany koa aza i Jodà mpivadika, rahavaviny, tsy niverina tamiko, tamin’ny fony rehetra, fa tamim-pitaka fotsiny, - teny marin’i Iaveh.-

Jeremia 45:4

Izao no lazain’i Iaveh: Indro fa izay efa noarîko ravàko, izay efa namboleko ongotako; dia izao tany rehetra izao.

Ezekiela 33:31

Ary dia mankao aminao izy ireo toy ny fiavin’ny vahoaka be; mipetraka eo anatrehanao ny vahoakanao; mihaino ny teninao, nefa tsy manatanteraka izany, fa izay ankasitrahin’ny vavany no ataony, ny filan-karena no arahin’ny fony.

Hosea 7:14

Tsy mitaraina amiko ao am-pony izy, raha ilay midradradradra foana eo am-pandriany iny. Misahirana fatratra izy ny amin’ny vary aman-divay vaovao, nefa Izaho iambohoany.

Habakoka 1:13

Ny masonao madio loatra, tsy hahajery ny ratsy; ary Ianao tsy mety mibanjina ny fahoriana. Ka nahoana no hojerenao fotsiny ireo mpamitaka; ary hangìna Ianao, raha mihinana ny marina ho izy, ny ratsy fanahy?

Matio 15:8

Ity vahoaka ity manaja Ahy amin’ny molony, fa ny fony lavitra Ahy;

Marka 7:6

Ary hoy ny navaliny azy ireo: Marina tokoa ny naminanian’i Izaia anareo mpihatsaravelatsihy, araka ny voasoratra hoe: Ity firenena ity manaja Ahy amin’ny molony; fa manalavitra Ahy ny fony;

Titosy 1:16

Manao azy ho mahalala an’Andriamanitra izy ireo, nefa mandà Azy amin’ny asany, satria olona vetaveta sy manohitra ary tsy mahavita asa soa na inona na inona.