Jaona 21:7 - Baiboly Katolika

⁷ Ary hoy ilay mpianatra malalan’i Jesoa tamin’i Piera: «Ny Tompo io.» Nony ren’i Simôna Piera fa hoe ny Tompo io, dia noraisiny nisikinany ny akanjony ivelany fa efa nesoriny ka nirotsaka tamin’ny ranomasina izy.

Baiboly Protestanta Malagasy 2011

⁷ Ary hoy ilay mpianatra izay tian’i Jesosy tamin’i Petera: Ny Tompo irỳ. Vao ren’i Simona Petera fa ny Tompo iny dia nisikinany ny akanjo ivelany, fa tsy niakanjo izy, dia nirotsaka tao amin’ny rano izy.

DIEM PROTESTANTA

⁷ Ary hoy ilay mpianatra tian’i Jesoa tamin’i Petera: –Ny Tompo io! Vao ren’i Simôna Petera fa hoy ny Tompo io, dia niakanjoany ny akanjo ivelany fa efa nesoriny, ka lasa izy nirotsaka tao anaty rano.

Dikateny Iombonana Eto Madagasikara

⁷ Ary hoy ilay mpianatra tian’i Jesoa tamin’i Petera: –Ny Tompo io! Vao ren’i Simôna Petera fa hoy ny Tompo io, dia niakanjoany ny akanjo ivelany fa efa nesoriny, ka lasa izy nirotsaka tao anaty rano.

Baiboly Protestanta Malagasy

⁷ Ary hoy ny mpianatra izay tian’i Jesosy tamin’i Petera: Ny Tompo irỳ. Ary raha ren’i Simona Petera fa ny Tompo iny, dia nisikinany ny akanjo ivelany (fa tsy niakanjo izy), ka nirotsaka teo amin’ny ranomasina izy.

Malagasy Bible

⁷ Ary hoy ny mpianatra izay tian'i Jesosy tamin'i Petera: Ny Tompo iry . Ary raha ren'i Simona Petera fa ny Tompo iny, dia nisikinany ny akanjo ivelany (fa tsy niakanjo izy), ka nirotsaka teo amin'ny ranomasina izy.

La Bible en Malgache

⁷ Ary hoy ilay mpianatra izay tian’i Jesosy tamin’i Petera: Ny Tompo irỳ. Vao ren’i Simona Petera fa ny Tompo iny dia nisikinany ny akanjo ivelany, fa tsy niakanjo izy, dia nirotsaka tao amin’ny rano izy.

Jaona 21:7 Rohy Ifampitohizana

Salamo 118:23

Asa vitan’i Iaveh izany, ka zava-mahagaga eo imasontsika.

Tononkiran’i Solomona 8:7

Ny ranobe tsy mahay mamono ny fitiavana, ny ony koa tsy mahasafotra azy. Raha misy olona hividy fitiavana na amin’ny fananana rehetra ao an-tranony aza dia tsy hahazo afa-tsy henatra foana.

Marka 11:3

Ary raha misy manao aminareo hoe: ‹Ahoana no anaovanareo izao?› valio hoe: ‹Misy ilàn’ny Tompo azy›, dia halefany hoentina atỳ miaraka amin’izay izy.»

Lioka 12:35

«Aoka ho voaetra ny andilanareo, ary ho voarehitra ny jironareo.

Lioka 2:11

fa Mpamonjy no teraka ho anareo anio ao an-tanànan’i Davida, dia i Kristy Tompo.

Lioka 7:47

Noho izany dia lazaiko aminao fa voavela ny heloka be nataony satria be fitiavana izy; fa izay amelana kely no kely fitiavana.»

Jaona 13:23

Ary ny anankiray tamin’izy ireo, ilay tian’i Jesoa no teo anilany niankina tamin’ny tratrany,

Jaona 19:26

Nony hitan’i Jesoa ny ireniny sy ilay mpianany malalany nitsangana teo akaikiny, dia hoy Izy tamin-dreniny: «Ravehivavy, indro ny zanakao.»

Jaona 20:2

Dia lasa izy nihazakazaka nankany amin’i Simôna Piera sy ilay mpianatra malalan’i Jesoa, ka nanao tamin’ireo hoe: «Nalain’olona tao am-pasana ny Tompo, ka tsy fantatray izay nametrahany Azy.»

Jaona 20:20

Nony efa nilaza izany izy, dia nasehony azy ireo ny tanany sy ny tratrany ka faly ny mpianatra fa nahita ny Tompo.

Jaona 20:28

Dia namaly i Tomà ka nanao taminy hoe: «Tompoko sy Andriamanitro!»

Jaona 21:20

Nony nitodika i Piera, dia hitany teo aoriany ilay mpianatra malalan’i Jesoa izay niankina tamin’ny tratrany teo am-pisakafoana sy nanao hoe: «Tompoko, iza no hamadika Anao?»

Jaona 21:24

Izy no ilay mpianatra manambara izany sy nanoratra azy, ary fantatsika fa marina ny filàzany.

Jaona 21:8

Ny mpianatra sasany kosa nandeha an-tsambo kely (fa tsy lavitra ny tany izy, fa tokony ho roan-jato hakiho monja), nitarika ny harato feno hazandrano.

Asan’ny Apostoly 10:36

Nampitondra teny tamin’ny zanak’i Israely Izy, mba hanambara fiadanana amin’ny alalan’i Jesoa Kristy, izay Tompon’izao rehetra izao.

Asan’ny Apostoly 2:36

Koa amin’izany àry, aoka ho fantatry ny taranak’i Israely rehetra marimarina fa iny Jesoa nofantsihanareo tamin’ny Hazofijaliana iny, no nataon’Andriamanitra ho Tompo sy Kristy.

1Korintiana 15:47

Avy amin’ny tany ny olona voalohany, ka tany; fa avy amin’ny lanitra kosa ny Olona faharoa, ka lanitra.

2Korintiana 5:14

Fa terin’ny fitiavan’i Kristy antsika izahay, satria fantatray marina fa maty ho an’ny olona rehetra ny olona iray, ka dia maty koa izy rehetra;

Jakoba 2:1

Ry kristianina havana, aza asiana fizahan-tavan’olona ny finoana an’i Jesoa Kristy Tompontsika be voninahitra.