Jaona 12:3 - Baiboly Katolika

³ Ary i Maria kosa naka diloilo manitra sarobidy lanjana iray livatra natao tamin’ny salohin’ny narda, dia nanosotra ny tongotr’i Jesoa sy namaoka ny tongony tamin’ny volon-dohany, ka nandraraka eran’ny trano ny hanitry ny diloilo.

Baiboly Protestanta Malagasy 2011

³ Ary rehefa naka menaka manitra nisy narda sady tsara no sarobidy, lanjana iray livatra, i Maria, dia nanosotra ny tongotr’i Jesosy sy namaoka ny tongony tamin’ny volon-dohany; koa feno ny hanitry ny menaka ny trano.

DIEM PROTESTANTA

³ Tamin’izay i Maria dia naka ilomanitra sarobidy, natao tamin’ny narda, lànjana ampahatelon-kilao. Nanosotra ny tongotr’i Jesoa izy, dia namaoka ny tongony tamin’ny volon-dohany ka heraka ny fofona mamerovero avy amin’ilay ilomanitra ny trano.

Dikateny Iombonana Eto Madagasikara

³ Tamin’izay i Maria dia naka ilomanitra sarobidy, natao tamin’ny narda, lànjana ampahatelon-kilao. Nanosotra ny tongotr’i Jesoa izy, dia namaoka ny tongony tamin’ny volon-dohany ka heraka ny fofona mamerovero avy amin’ilay ilomanitra ny trano.

Baiboly Protestanta Malagasy

³ Ary Maria, rehefa naka menaka manitra nisy narda sady tsara no saro-bidy, lanjan’iray livatra, dia nanosotra ny tongotr’i Jesosy sy namaoka ny tongony tamin’ny volon-dohany; ary feno ny hanitry ny menaka ny trano.

Malagasy Bible

³ Ary Maria, rehefa naka menaka manitra nisy narda sady tsara no saro-bidy, lanjan'iray livatra, dia nanosotra ny tongotr'i Jesosy sy namaoka ny tongony tamin'ny volondohany; ary feno ny hanitry ny menaka ny trano.

La Bible en Malgache

³ Ary rehefa naka menaka manitra nisy narda sady tsara no sarobidy, lanjana iray livatra, i Maria, dia nanosotra ny tongotr’i Jesosy sy namaoka ny tongony tamin’ny volon-dohany; koa feno ny hanitry ny menaka ny trano.

Jaona 12:3 Rohy Ifampitohizana

Salamo 132:2

Izao no fianianana nataony tamin’i Iaveh, izao no voadiny tamin’ny Maherin’i Jakôba:

Ohabolana 27:16

Ka izay mitana azy, mitana rivotra, ary ny tanany mahafihina diloilo.

Tononkiran’i Solomona 1:12

Raha teo amin’ny saofàny indrindra iny ny mpanjaka no nandefa ny fofony kosa ny zava-manitro.

Tononkiran’i Solomona 1:3

soa ny hanitry ny zava-manitrao, diloilo mamerovero ny anaranao, izany no itiavan’ny zatovo vavy anao.

Tononkiran’i Solomona 4:10

Endrey izany hamamin’ny fitiavanao, ry havako voafofo, endrey izany hatsaran’ny fitiavanao mihoatra noho ny divay; ary mihoatra noho ny zava-manitra rehetra, ny fofon’ny hanitrao!

Lioka 10:42

nefa zavatra iray monja no ilaina; fa i Maria no nifidy ny anjara tsara indrindra izay tsy halana aminy.»

Lioka 7:46

Ianao tsy nanosotra diloilo ny lohako, izy kosa nanosotra diloilo manitra ny tongotro.

Jaona 11:2

I Maria dia ilay vehivavy nanosotra diloilo manitra ny Tompo sy namaoka ny tongony tamin’ny volon-dohany; ary i Lazara anadahiny no narary.

Jaona 11:28

Ary rehefa nilaza izany Izy, dia lasa niantso mangingina an’i Maria rahavaviny nanao hoe: «Ao ny Tompo, ka miantso anao Izy.»

Jaona 11:32

I Maria kosa, nony tonga teo amin’izay nitoeran’i Jesoa ka nahita Azy, dia niankohoka tamin’ny tongony sy nanao taminy hoe: «Raha tatỳ Ianao, Tompoko, dia tsy maty ny anadahiko.»

Jaona 19:39

Ary tonga koa i Nikôdema, ilay nanatona an’i Jesoa nony alina tamin’ny voalohany, nitondra mira sy aloesy nampifangaroina, tokony ho zato livatra.