Isaia 8:9 - Baiboly Katolika

⁹ Manaova akoran’ady, ry vahoaka, nefa ho resy ianareo! Manongilàna sofina ianareo rehetra, ry fara vazan’ny tany. Vonony ny fitaovanareo, nefa ho resy ianareo! Vonony ny fitaovanareo, nefa ho resy ianareo e!

Baiboly Protestanta Malagasy 2011

⁹ Mangovita ianareo, ry firenena ô, fa mbola ho ringana ianareo! Mihainoa tsara, ry tany lavitra rehetra! Misikìna ianareo hiady, nefa ho ringana ihany! Eny, misikìna ianareo hiady, nefa ho ringana tanteraka.

DIEM PROTESTANTA

⁹ Mangovita ianareo, ry firenena, ka mihorohoroa fatratra! Aoka hanongilan-tsofina ianareo, ry faritra rehetra any lavitra any: hirongo fiadiana tokoa ianareo, nefa hihorohoro fatratra; eny, hirongo fiadiana tokoa ianareo, nefa hihorohoro fatratra.

Dikateny Iombonana Eto Madagasikara

⁹ Mangovita ianareo, ry firenena, ka mihorohoroa fatratra! Aoka hanongilan-tsofina ianareo, ry faritra rehetra any lavitra any: hirongo fiadiana tokoa ianareo, nefa hihorohoro fatratra; eny, hirongo fiadiana tokoa ianareo, nefa hihorohoro fatratra.

Baiboly Protestanta Malagasy

⁹ Misafoaha ihany hianareo, ry firenena ô, nefa mbola ho ringana mihitsy hianareo; Ary mihainoa ihany, ry tany lavitra rehetra, Misikìna ihany hianareo, nefa mbola ho ringana mihitsy; Eny, misikìna ihany hianareo, nefa mbola ho ringana mihitsy.

Malagasy Bible

⁹ Misafoaha ihany ianareo, ry firenena ô, nefa mbola ho ringana mihitsy ianareo; Ary mihainoa ihany, ry tany lavitra rehetra, misikìna ihany ianareo, nefa mbola ho ringana mihitsy; Eny, misikìna ihany ianareo, nefa mbola ho ringana mihitsy.

La Bible en Malgache

⁹ Mangovita ianareo, ry firenena ô, fa mbola ho ringana ianareo! Mihainoa tsara, ry tany lavitra rehetra! Misikìna ianareo hiady, nefa ho ringana ihany! Eny, misikìna ianareo hiady, nefa ho ringana tanteraka.

Isaia 8:9 Rohy Ifampitohizana

1Mpanjaka 20:11

Fa izao kosa no navalin’ny mpanjakan’i Israely nataony hoe: «Lazao aminy hoe: Aoka izay mbola mitafy ny fiadiany, tsy hirehareha toy ny efa nametraka ny azy.»

Ohabolana 11:21

Eny tokoa tsy ho afa-tsazy ny ratsy fanahy, ary ny taranaky ny marina ho voavonjy.

Isaia 28:13

Noho izany, ho azy ireo ny tenin’i Iaveh, dia «ho didy manampy didy, didy manampy didy; fitsipika manampy fitsipika, mbetika izao mbetika izany»; mba handeha izy ireo, ka ho lavo mitsilany, ho torotoro ary ho voasambotra amin’ny fandrika.

Isaia 37:36

Dia nivoaka ny Anjelin’i Iaveh, ka namely olona 185.000 teo an-tobin’ny Asirianina, ary nony vao nifoha ny olona tamin’ny maraina dia indreo maty avokoa ireo.

Isaia 54:15

Raha misy miara-mioko, tsy ho avy amiko izany; fa iza no miara-mioko hamely anao? Ho lavo eo anoloanao izy.

Jeremia 42:11

Aza matahotra ny mpanjakan’i Babilôna, izay atahoranareo; aza matahotra azy - teny marin’i Iaveh, - fa momba anareo Aho, hamonjy sy hanafaka anareo amin’ny tanany.

Jeremia 46:3

Vonòny ny ampinga kely aman’ampinga be ka mandrosoa hiady!

Jeremia 46:4

Ataovy amin’ny kalesy ny soavaly; Miakara ambony soavaly ianareo mpitaingina azy! Ianareo misatroka fiarovan-doha, milahara! Fotsio ny lefona, iakanjoy ny fiarovan-tratra.

Jeremia 51:20

Ianao no ataoko fampohaza, ataoko fiadiana: ianao no anorotoroako firenena; ianao no andravako fanjakana;

Ezekiela 38:7

Aoka ho voaomana ianao, ataovy ny fitaovanao, dia ianao sy ny vahoaka be rehetra, tafavory manodidina anao; ary ianao no aoka ho lehibeny.

Ezekiela 38:8

Raha afaka andro maro, hovangiana ianao; nony any am-paran’ny taona any dia ho avy ianao, hamely ny firenena afaka tamin’ny sabatra, nangonina avy eny amin’ny firenena maro, ho ao an-tendrombohitr’i Israely izay efa lao nandritra ny ela, hamely ny firenena nampodina avy any amin’ny firenena, sy efa monina mandry feizay avokoa izy manontolo.

Josoa 11:5

Nivory avokoa ireo mpanjaka ireo, dia tonga niara-nitoby teo akaikin’ny ranon’i Merôma, mba hanafika an’i Israely.