Isaia 62:6 - Baiboly Katolika

⁶ Eo ambonin’ny mandanao, ry Jerosalema, no efa nametrahako mpiambina; ka tsy hangina intsony ireny, na andro na alina.

Baiboly Protestanta Malagasy 2011

⁶ Nanendry mpiambina ho eny ambonin’ny mandanao Aho, ry Jerosalema ô; koa na andro na alina dia tsy mahazo mangina ireny. Eny, ianareo izay mpampahatsiaro NY TOMPO, aza mitsahatra!

DIEM PROTESTANTA

⁶ Ry Jerosalema ô, efa nametrahako mpiambina eny ambonin’ny mandanao eny, ka tsy mahazo mangina ireo na andro na alina: «Ianareo izay mampahatsiaro ny TOMPO, aza mitsaha-manao izany ianareo!

Dikateny Iombonana Eto Madagasikara

⁶ Ry Jerosalema ô, efa nametrahako mpiambina eny ambonin’ny mandanao eny, ka tsy mahazo mangina ireo na andro na alina: «Ianareo izay mampahatsiaro ny TOMPO, aza mitsaha-manao izany ianareo!

Baiboly Protestanta Malagasy

⁶ Efa nanendry mpiambina ho eny ambonin’ny màndanao Aho, ry Jerosalema ô, Koa mandrakariva na andro na alina dia tsy mahazo mangina ireny; Eny, hianareo izay mpampahatsiaro an’i Jehovah, aza mitsahatra;

Malagasy Bible

⁶ Efa nanendry mpiambina ho eny ambonin'ny mandanao Aho, ry Jerosalema ô, koa mandrakariva na andro na alina dia tsy mahazo mangina ireny; eny, ianareo izay mpampahatsiaro an'i Jehovah, aza mitsahatra;

La Bible en Malgache

⁶ Nanendry mpiambina ho eny ambonin’ny mandanao Aho, ry Jerosalema ô; koa na andro na alina dia tsy mahazo mangina ireny. Eny, ianareo izay mpampahatsiaro NY TOMPO, aza mitsahatra!

Isaia 62:6 Rohy Ifampitohizana

Genesisy 32:12

Ianao anefa, efa nilaza hoe: ‹Hanisy soa anao aho, ary hahamaro ny taranakao tahaka ny fasika any an-dranomasina izay betsaka loatra ka tsy tambo isaina.› »

Genesisy 32:26

Dia hoy izy tamin’i Jakôba: «Avelao aho handeha, fa efa hazava ratsy ity ny andro.» Fa hoy i Jakôba: «Tsy avelako handeha ianao raha tsy efa nitso-drano ahy.»

2Tantara 8:14

Notendreny, araka ny nandaharan’i Davida rainy azy, ny antokon’ny mpisorona ho amin’ny fanompoany, sy ny Levita ho amin’ny anjara raharahany, hankalaza an’i Iaveh sy hanao fanompoana eo anoloan’ny mpisorona, araka ny fandaharana ny andro isany, ary ny mpiandry varavarana ho an’ny isam-baravarana araka ny antokony avy, fa toy izany no nandaharan’i Davida, olon’Andriamanitra, azy.

Salamo 122:7

Hanjaka ao anatin’ny mandanao anie ny fiadanana, ary ao an-dapanao ny fanambinana.

Salamo 74:18

Tsarovy fa maniratsira an’i Iaveh ny fahavalo; miteny ratsy ny Anaranao ny vahoaka adala!

Salamo 74:2

Tsarovy ny vahoakanao izay azonao tamin’ny andro fahataloha, navotanao ho foko lovanao! Tsarovy ny tendrombohitra Siôna nataonao fonenanao.

Tononkiran’i Solomona 3:3

Tojo ahy ny mpiambina izay misafo ny tanàna: - Mba hitanareo va ilay malalan’ny foko? -

Tononkiran’i Solomona 5:7

Nifanehatra tamiko ny mpiambina, dia ireo izay nisafo ny tanàna alina; ka nokapohiny nataony mangana aho; nendahan’ireo mpiambina ny manda ny lambako.

Isaia 43:26

Ampahatsiarovy Aho; aoka hifandahatra isika. Aoka ny tenanao no hilaza izay mahamarina ny anao.

Isaia 49:16

Jereo, efa vitako tombo-kavatsa eo amin’ny felatanako ianao; eo anatrehako mandrakariva ny mandanao.

Isaia 52:8

Ny feon’ny mpitilinao! Manandra-peo izy ireo, miara-mihoby an-kafaliana, satria hitany maso ny fiverenan’i Iaveh ao Siôna.

Isaia 56:10

Fa ny mpiambina an’i Israely jamba avokoa, tsy mahalala na inona na inona; amboa moana avokoa izy rehetra, ka tsy mahavovò; fa manonofy, mandrimandry, tia torimaso.

Isaia 62:1

Noho ny amin’i Siôna tsy hangina aho, ary noho ny amin’i Jerosalema, tsy hiala sasatra aho, mandra-piposaky ny fahamarinany, hoatra ny hazavan’ny maraina; sy mandra-pamirapiratry ny famonjeny, hoatra ny fanilo.

Jeremia 14:21

Noho ny Anaranao, aza dia atao tsinontsinona, aza dia hamavoina ny seza fiandrianan’ny voninahitrao. Tsarovy fa aza tsoahana ny fanekenao taminay.

Jeremia 6:17

«Nametraka mpitily teo anilanareo Aho: Ka tandremo ny feon’ny anjomara!» Kanjo namaly izy nanao hoe: «Tsy hotandremanay izany!»

Fitomaniana 5:1

Tsarovy ny nanjò anay, ry Iaveh ô, jereo sy diniho ity fahafaham-barakanay.

Fitomaniana 5:20

Ahoana no dia hanadinoanao anay mandrakizay, dia handao anay amin’ny andro lava toy izao?

Lioka 18:39

Noraran’izay teo aloha izy mba hangina, fa vao mainka niantso mafimafy kokoa nanao hoe: «Ry Zanak’i Davida ô! mamindrà fo amiko e!»

Asan’ny Apostoly 10:31

‹Ry Kôrnely, nekena ny vavakao, ary notsarovana eo anatrehan’Andriamanitra ny fiantranao.

Asan’ny Apostoly 10:4

Dia nijery azy izy, ka raiki-tahotra, sy nanao hoe: «Ahoana, Tompoko?» Ary hoy ny Anjely taminy: «Tafakatra eo anatrehan’Andriamanitra ho fahatsiarovana anao ny vavakao sy ny fiantranao.

1Korintiana 12:28

Ao amin’ny Eglizy dia izao no nandaharan’Andriamanitra ny sasany: voalohany Apôstôly, faharoa mpaminany, fahatelo mpampianatra; manaraka izany dia ireo nahazo fanomezana hanao fahagagana, hahasitrana ny marary, hanampy, hitondra, hiteny fiteny samihafa tsy fantatra, handika teny.

1Tesaloniana 5:17

mivavaha lalandava;

Hebreo 13:17

Maneke ny lehibenareo, ary ankatoavy ny teniny, fa miambina ny fanahinareo toy ny olona mbola hampamoahina izy ireo. - mba ho an-kafaliana no hanaovany an’izany, fa tsy ho amin’alahelo, fa tsy mahasoa anareo izany.

Apokalipsy 6:10

Ary niantso tamim-peo mahery izy ireo, nanao hoe: «Ry Tompo masina sy marina ô! rahoviana re Ianao vao hitsara sy hanadina ny ranay amin’ny mponina eny ambonin’ny tany?»