Isaia 59:9 - Baiboly Katolika

⁹ Noho izany, nanalavitra antsika ny fitsarana marina, ary tsy tonga hatraty amintsika ny fahamarinana. Miandry ny mazava isika, kanjo ny haizina no indro eo; miandry ny fahazavan’ny andro, kanjo mandeha amin’ny maizina ihany.

Baiboly Protestanta Malagasy 2011

⁹ Noho izany dia lavitra antsika ny rariny, ary tsy mahatratra antsika ny fahamarinana; miandry ny mazava isika nefa indro ny maizina, ary miandry ny fahazavana nefa mbola ao amin’ny haizim-pito ihany no andehanantsika.

DIEM PROTESTANTA

⁹ Noho izany, dia lavitra antsika ny rariny ary tsy tonga amintsika ny hitsiny. Nanantena hahita fahazavana isika, kanjo indro haizina mikitroka; hazavàn’ny maraina no nandrandraintsika, kanjo haizim-pito no andehanantsika.

Dikateny Iombonana Eto Madagasikara

⁹ Noho izany, dia lavitra antsika ny rariny ary tsy tonga amintsika ny hitsiny. Nanantena hahita fahazavana isika, kanjo indro haizina mikitroka; hazavàn’ny maraina no nandrandraintsika, kanjo haizim-pito no andehanantsika.

Baiboly Protestanta Malagasy

⁹ Ary noho izany dia lavitra antsika ny rariny, Ary ny fahamarinana tsy mahatratra antsika; Miandry ny mazava isika, nefa indro ny maizina, Ary fahazavana, fa mbola ao amin’ny aizim-pito ihany no andehanantsika.

Malagasy Bible

⁹ Ary noho izany dia lavitra antsika ny rariny, ary ny fahamarinana tsy mahatratra antsika; miandry ny mazava isika, nefa indro ny maizina, ary fahazavana, fa mbola ao amin'ny aizim-pito ihany no andehanantsika.

La Bible en Malgache

⁹ Noho izany dia lavitra antsika ny rariny, ary tsy mahatratra antsika ny fahamarinana; miandry ny mazava isika nefa indro ny maizina, ary miandry ny fahazavana nefa mbola ao amin’ny haizim-pito ihany no andehanantsika.

Isaia 59:9 Rohy Ifampitohizana

Joba 19:8

Ny lalako nofefeny, ka tsy afaka handeha aho; ny sakeli-dalana halehako namelarany haizina.

Joba 30:26

Nanandrandra fiadanana aho, ka fahoriana no tonga, nanantena fahazavana aho, ka haizina no mitranga.

Salamo 82:5

Tsy manam-pahaizana na hazavan-tsaina ireny, fa mandeha amin’ny maizina; mihorohoro ny fanambanin’ny tany rehetra.

Ohabolana 4:19

Fa toy ny haizina kosa ny lalan’ny ratsy fanahy, ka tsy tazany akory izay hanafintohina azy.

Isaia 5:30

Amin’izany andro izany hisy rohondrohona hihatra amin’ny vahoaka, tahaka ny firohondrohon’ny ranomasina. Hijery ny tany ny olona ka indro haizina no eo! Tebiteby mafy sy mivelatra hanarona ny lanitry ny faritany ny haizina.

Isaia 59:11

Manerona hoatra ny orsa avokoa isika; ary tsy mitsaha-mitoloko hoatra ny voromahailala; miandry ny fitsarana isika nefa tsy tonga izy, miandry ny famonjena nefa lavitra antsika izany.

Isaia 59:14

Ka dia nihataka ny rariny, ary lavitra anay eny ny fahamarinana; fa tafintohina eo an-kianja malalaka ny fahamarinana, ary tsy mahazo miditra eo ny hitsiny:

Isaia 59:8

Tsy mahalala ny lalan’ny fiadanana izy; ary tsy mba misy hitsiny eo amin’ny lalany; fa lala-miolakolaka no soritany haleha, ka izay mandia izany tsy mahita fiadanana.

Isaia 8:21

Hirenireny amin’ny tany, vontom-pahoriana sy mosarena, ary rehefa noana izy hanozona ny mpanjakany sy ny andriamaniny amin’ny fiafonafonany.

Isaia 8:22

Hanandratra ny masony any ambony, dia hanondrika azy amin’ny tany indray: Ka indro ny fahoriana, ny haizina, ny tebiteby mampanjombona; horoahina any amin’ny haizim-pito izy.

Jeremia 13:16

Manomeza voninahitra an’i Iaveh Andriamanitrareo, dieny tsy mbola tonga ny haizina, dieny tsy mbola mipoka amin’ny tendrombohitry ny alina ny tongotrareo, dieny tsy mbola novany ho aloky ny fahafatesana ny mazava andrasanareo, ary tsy mbola nampanjariny ho haizim-pito.

Jeremia 14:19

Dia narianao avokoa va i Jodà? Efa naharikoriko ny fanahinao va i Siôna? Nahoana no dia kapohinao tsy manam-pahasitranana izahay? Niandry fiadanana izahay, nefa tsy misy soa kely akory. Niandry fotoam-pahasitranana, kanjo fampitahorana no mitranga.

Jeremia 8:15

Nanantena fiadanana isika, nefa tsy mahita soa kely akory; sy andro fanaretana, kanjo fampitahorana no mitranga!

Fitomaniana 3:2

Nentiny sy nampandehaniny aho tamin’ny haizina fa tsy tamin’ny mazava.

Fitomaniana 4:14

Niraparapa toy ny jamba teny an-dalambe izy ireo, sady nihosin-dra, hany ka tsy azo nokasihina akory ny fitafiany.

Amosa 8:9

Amin’izany andro izany, izao no hitranga, - teny marin’ny Tompo Iaveh. - Ny masoandro halentiko mitatao vovonana; ary ny tany hosaronako haizina amin’ny andro tony tsara.

Mika 1:12

Ory ikala mponina ao Marôty, noho ny amin’ny fananany; fa nidina avy tany amin’i Iaveh ny loza, ho eo am-bavahadin’i Jerosalema.

Habakoka 1:13

Ny masonao madio loatra, tsy hahajery ny ratsy; ary Ianao tsy mety mibanjina ny fahoriana. Ka nahoana no hojerenao fotsiny ireo mpamitaka; ary hangìna Ianao, raha mihinana ny marina ho izy, ny ratsy fanahy?

1Tesaloniana 5:3

Amin’ilay hanaovan’ny olona hoe: Fiadanana sy fandriam-pahalemana re izany! Iny indrindra no hilatsahan’ny fandringanana tampoka amin’izy ireo, tahaka ny fihetsehan-jaza amin’ny bevohoka, ka tsy ho afa-mandositra izy.