Isaia 59:12 - Baiboly Katolika

¹² Fa ny fiodinany, efa maro eo anatrehanao; ary ny fahotanay, mitsangan-ko vavolombelona mamely anay; eny, eto anatrehanay ny fiodinanay, ary fantatray ny helokay:

Baiboly Protestanta Malagasy 2011

¹² Fa betsaka eo anatrehanao ny fikomianay ary miampanga anay ny fahotanay; eny, tsaroanay ny fahadisoanay ary fantatray ny helokay:

DIEM PROTESTANTA

¹² TOMPO ô, imbetsaka izahay no efa nikomy taminao tokoa; miampanga anay ny helokay ary manjohy anay ny otanay, ka fantatray tsara ny hadisoanay.

Dikateny Iombonana Eto Madagasikara

¹² TOMPO ô, imbetsaka izahay no efa nikomy taminao tokoa; miampanga anay ny helokay ary manjohy anay ny otanay, ka fantatray tsara ny hadisoanay.

Baiboly Protestanta Malagasy

¹² Fa efa betsaka eo anatrehanao ny fiodinanay, Ary ny fahotanay miampanga anay; Eny, tsaroanay ny fahadisoanay, Ary ny helokay dia fantatray,

Malagasy Bible

¹² Fa efa betsaka eo anatrehanao ny fiodinanay, ary ny fahotanay miampanga anay; eny, tsaroanay ny fahadisoanay, ary ny helokay dia fantatray,

La Bible en Malgache

¹² Fa betsaka eo anatrehanao ny fikomianay ary miampanga anay ny fahotanay; eny, tsaroanay ny fahadisoanay ary fantatray ny helokay:

Isaia 59:12 Rohy Ifampitohizana

Ezra 9:13

Atỳ aorian’izay rehetra nanjò anay, noho ny ratsy nataonay sy ny helokay - nefa mbola nitsitsianao anay, ry Andriamanitray ô, tsy namely anay araka ny helokay Ianao, sy namela anay hisy afaka ihany toy izao -

Ezra 9:6

«Andriamanitra ô, safo-kenatra sy mangaihay loatra aho, tsy sahy miandrandra mankany aminao Andriamanitro, fa nitombo nihoatra ny lohanay ny helokay, ary niakatra nanakatra ny lanitra ny fahotanay.

Nehemia 9:33

Marina Ianao tamin’izany rehetra nanjò anay izany, satria Ianao nanaraka ny marina, izahay kosa nanao ratsy;

Salamo 51:3

Andriamanitra ô, mamindrà fo amiko, araka ny fiantranao; vonoy ny hadisoako, araka ny haben’ny famindram-ponao.

Isaia 1:4

Adray! ry ilay firenena mpanota, vahoaka mavesa-keloka, tarana-dratsy, zana-meloka! Nandao an’i Iaveh izy ireo, naniratsira an’Ilay Masin’i Israely, nihataka nihemotra.

Isaia 3:9

Ny toetry ny tarehiny no miampanga azy ireo; mampiharihary ny fahotany, tahaka an’i Sôdôma izy, fa tsy miery amin’izany akory. Loza ho an’ireo fa ny tenany no fototry ny fahaverezany.

Isaia 58:1

Manezaha antso mafy, ka aza tanana ny feonao; ataovy manehoeho hoatra ny trômpetra ny feonao, ka ambarao amin’ny vahoakako ny fahotany, ary amin’ny taranak’i Jakôba ny fahadisoany.

Isaia 64:4

Ianao no mitsena izay manaraka ny rariny an-kafaliana, izay mizotra ny lalanao sady mahatsiaro Anao. Fa izao tezitra Ianao, ary meloka izahay; - sady efa ela no toy izany: hovonjena va izahay?

Jeremia 14:7

Ry Iaveh ô, na dia miampanga anay aza ny helokay, aoka hanao ihany Ianao ho voninahitry ny Anaranao; fa maro ny hadisoanay; nanota taminao izahay.

Jeremia 3:2

Andrandrao amin’ny havoana ny masonao, ka jereo: Taiza no tsy nandotoana anao? Nipetraka eny an-dalambe eny ianao mba ho azy ireo, mova tsy ny Arabo any an’efitra! Ary ny fijangajanganao sy ny haratsiam-panahinao, dia efa nandotoanao ny tany;

Ezekiela 5:6

Noho ny haratsiany anefa, nanohitra ny didiko mihoatra noho ny firenena izy, sy ny lalàko mihoatra noho ny tany manodidina azy, satria nanary ny didiko izy, ary tsy nandeha araka ny l?lako.

Ezekiela 7:16

Na misy ho afa-mandositra aza amin’izy ireo, dia hirenireny eny an-tendrombohitra, toa voromahailala an-dohasaha, samy hitoloko noho ny helony avokoa.

Ezekiela 7:23

Omany ny gadra; fa feno heloka ny tany; ary feno fanaovana an-keriny, ny tanàna.

Hosea 4:2

Fa ny olona dia mivadika fianianana, mandainga, mamono, mangalatra, maka vadin’olona; ary manao an-keriny, ka ny ra nalatsaka mifanolotra ny ra nalatsaka.

Hosea 5:5

Ny avonavon’i Israely no vavolombelona manameloka azy; ho lavon’ny helony i Israely sy i Efraima; hiara-davo amin’ireo koa i Jodà.

Hosea 7:10

Mitsangan-ko vavolombelona miampanga azy ny avonavon’i Efraima: tsy miverina amin’i Iaveh Andriamaniny anefa izy ireo, na mitady Azy, na dia izany rehetra izany aza.

Habakoka 1:4

noho izany maty ny lalàna, ary tsy mahita mangirana ny fahamarinana; fa solokian’ny ratsy fanahy ny marina, ka rariny mivaona no mivoaka.

Nomery 32:23

Fa raha tsy manao izany kosa ianareo, dia indro manota amin’i Iaveh ianareo, ka fantaro fa hanody anareo ny fahotanareo.