Isaia 54:16 - Baiboly Katolika

¹⁶ Indro fa Izaho no nahary ny mpanefy, izay mifofotra ny arina mivaivay, ka manatsoaka ny fiadiana hamboariny avy ao, ary Izaho no nahary ny mpandrava mba handringana.

Baiboly Protestanta Malagasy 2011

¹⁶ Indro Izaho no nahary ny mpanefy izay mifofotra ny vainafon’arina ka mahavita fiadiana araka ny asany; Izaho koa no nahary ny mpandringana mba handringana azy.

DIEM PROTESTANTA

¹⁶ Jereo fa Izaho ihany no nahary ny mpanefy izay mifofotra ny afon’arina ka mahavita fitaovam-piadiana hampiasaina amin’izay ilana azy; nefa Izaho ihany koa no nahary ny mpandrava izay hamotika izany fitaovam-piadiana izany.

Dikateny Iombonana Eto Madagasikara

¹⁶ Jereo fa Izaho ihany no nahary ny mpanefy izay mifofotra ny afon’arina ka mahavita fitaovam-piadiana hampiasaina amin’izay ilana azy; nefa Izaho ihany koa no nahary ny mpandrava izay hamotika izany fitaovam-piadiana izany.

Baiboly Protestanta Malagasy

¹⁶ Indro, Izaho no nahary ny mpanefy izay mifofotra ny afo amin’ny arina Ka mahavita fiasana hanaovany ny asany; Ary Izaho koa no nahary ny mpandringana mba handringana.

Malagasy Bible

¹⁶ Indro, Izaho no nahary ny mpanefy izay mifofotra ny afo amin'ny arina ka mahavita fiasana hanaovany ny asany; Ary Izaho koa no nahary ny mpandringana mba handringana.

La Bible en Malgache

¹⁶ Indro Izaho no nahary ny mpanefy izay mifofotra ny vainafon’arina ka mahavita fiadiana araka ny asany; Izaho koa no nahary ny mpandringana mba handringana azy.

Isaia 54:16 Rohy Ifampitohizana

Eksodosy 9:16

Fa ny antony namelako anao haharitra toy izay, dia ny mba hahitanao ny fahefako, ary mba hanehoehoan’ny Anarako amin’ny tany rehetra.

Ohabolana 16:4

Nataon’i Iaveh ho amin’ny antony kendreny avokoa ny zavatra rehetra; ary na ny ratsy fanahy aza ho amin’ny andro mahory koa.

Isaia 10:15

Mirehareha amin’ny tanana mampandihy azy va ny famaky, miavonavona amin’izay mampandeha azy va ny tsofa? Sa hoe: ny tsora-kazo indray va no manetsika izay manainga azy; sa hoe: ny tehina indray no manangana izay tsy hazo!

Isaia 37:26

Tsy mba renao va fa efa hatramin’ny ela dia nanao izany aho, ary efa noforoniko hatramin’ny andro taloha? Ankehitriny ataoko izay hahatanterahan’izany. hampanjarianao korontan-javatra miavosa ny tanàna mimanda.

Isaia 46:11

izay miantso ilay voromahery avy any Atsinanana, dia ilay lehilahy araka ny hevitro avy any an-tany lavitra. Efa niteny Aho, ka hanatanteraka! Efa nikasa Aho, ka hanefa izany!

Isaia 54:15

Raha misy miara-mioko, tsy ho avy amiko izany; fa iza no miara-mioko hamely anao? Ho lavo eo anoloanao izy.

Isaia 54:17

Ny fiadiana rehetra notefena hamelezana anao, tsy hisy asany, ary ny lela rehetra hisondrotra hifanohitra aminao, horesenao lahatra. - Izany no lovan’ny zanak’i Iaveh; izany no fahamarinana ho azony avy amiko. - Teny marin’i Iaveh. -

Zakaria 2:1

Nanopy ny masoko aho, ka nahita: dia indreo nisy tandroka efatra.

Zakaria 2:4

Dia namaly Izy nanao hoe: «Iretsy no tandroka nampihahaka an’i Jodà, ka tsy nisy olona nanatràka loha akory; fa ireto kosa, tonga hampahatahotra azy mafy, ary hanjera ny tandrok’ireo firenena nanangan-tandroka hamely ny tanin’i Jodà mba hampihahaka azy.»

Jaona 19:11

Dia hoy i Jesoa hoe: «Tsy hanam-pahefana amiko ianao raha tsy nomena anao avy any ambony izany; koa izay nanolotra Ahy taminao no meloka kokoa noho ianao.»

1Samoela 13:19

Tsy nisy mpanefy teo amin’ny tanin’i Israely rehetra, fa nataon’i Filistinina hoe: «Aoka ny Hebrio tsy hahazo manefy sabatra na lefona intsony.»