Isaia 50:6 - Baiboly Katolika

⁶ Natolotro tamin’ny mpikapoka ahy ny lamosiko; ary tamin’ireo nanongotra ny volombavako, ny takolako; ary ny tavako tsy nafeniko tamin’ny latsa sy ny rora.

Baiboly Protestanta Malagasy 2011

⁶ Natolotro ho amin’ny mpikapoka ny lamosiko ary ny takolako ho amin’izay manongotra ny volombavako. Tsy nafeniko tamin’ny henatra sy ny rora ny tavako.

DIEM PROTESTANTA

⁶ Ny lamosiko atolotro amin’ireo mpikapoka ahy, ary ny takolako amin’ireo mpanongo-bolom-bava. Ny tavako tsy nafeniko ho difin’ny fanevatevana sy ny fandrorana natao tamiko.

Dikateny Iombonana Eto Madagasikara

⁶ Ny lamosiko atolotro amin’ireo mpikapoka ahy, ary ny takolako amin’ireo mpanongo-bolom-bava. Ny tavako tsy nafeniko ho difin’ny fanevatevana sy ny fandrorana natao tamiko.

Baiboly Protestanta Malagasy

⁶ Ny lamosiko natolotro ho amin’ny mpikapoka, Ary ny takolako ho amin’izay manongobaoka; Ny tavako tsy nafeniko tamin’ny henatra sy ny rora.

Malagasy Bible

⁶ Ny lamosiko natolotro ho amin'ny mpikapoka, ary ny takolako ho amin'izay manongobaoka; ny tavako tsy nafeniko tamin'ny henatra sy ny rora.

La Bible en Malgache

⁶ Natolotro ho amin’ny mpikapoka ny lamosiko ary ny takolako ho amin’izay manongotra ny volombavako. Tsy nafeniko tamin’ny henatra sy ny rora ny tavako.

Isaia 50:6 Rohy Ifampitohizana

Nehemia 13:25

Nasiako teny mafy izy ireo sy nozoniko; maro no nokapohiko, nombotako ny volony, ary nangataka nitalaho tamin’izy ireo aho, tamin’ny anaran’Andriamanitra, nanao hoe: «Ny zanakareo vavy, tsy homenareo ho vadin’ny zanany lahy, ary ny zanany vavy tsy halainareo ho vadin’ny zanakareo lahy, na ho vadinareo.»

Joba 16:10

Asanasanany handrapaka ahy ny vavany, fetsàhany amin-datsa ny takolako, miray tetika izy rehetra hamely ahy.

Joba 30:10

ataony zava-betaveta aho, andosirany: tsy aviliny tsy hankamin’ny tavako ny tsipi-drorany.

Salamo 129:3

Nolahasainy ny lamosiko, nosoritany vava asa lava ao.

Salamo 69:7

Aoka tsy ho manetra noho ny amiko, izay manantena Anao, ry Tompo, Iavehn’ny tafika! Aoka tsy hangaihay noho ny amiko, izay mitady Anao, ry Andriamanitr’i Israely!

Salamo 69:8

Fa noho ny aminao no itondrako latsa, sy mahasafo-kenatra ny tavako.

Isaia 53:5

Kanefa Izy nolefonina noho ny fahotantsika, notorotoroina noho ny helotsika; nasiana ny famaizana nahazoantsika fihavanana; ary ny ratra taminy no nahasitrana antsika.

Isaia 53:7

Vonoina Izy, ary mandefitra, tsy niloa-bava akory Izy; tahaka ny zanak’ondry entina hovonoina, tahaka ny ondry vavy eo anatrehan’izay manety azy; tsy miloa-bava akory.

Fitomaniana 3:30

Aoka hanolotra ny takolany amin’izay mamely azy izy; aoka hivoky latsa izy!

Mika 5:1

Ary ianao, ry Betleema Efratà, kely tsy tokony ho isan’ireo arivon’i Jodà akory, avy aminao no hivoaka ho Ahy ilay tsy maintsy ho Mpanapaka amin’i Israely, ary ny niandohany dia efa hatramin’ny andro fahagola, hatramin’ny andro mandrakizay.

Nomery 12:14

Ary hoy i Iaveh tamin’i Môizy: «Raha nororan-drainy ny tavany, moa tsy ho menatra hafitoana va izy? Mitokàna any ivelan’ny toby izy hafitoana, fa rehefa afaka izany vao horaisina ao indray.»

Matio 26:67

Dia nororany ny tavany ka nasiany totohondry Izy;

Matio 27:26

Tamin’izay dia nalefany i Barabasy, ary i Jesoa nony efa nasainy nokapohina dia natolony azy hofantsihana amin’ny Hazofijaliana.

Matio 27:30

Dia nororany Izy, ary nalainy ny volotara ka nikapohany ny lohany.

Matio 5:39

Fa Izaho kosa milaza aminareo tsy hamaly ratsy akory; fa raha misy mamely tehamaina ny takolakao ankavanana, dia atolory azy koa ny ilany;

Marka 14:65

ka ny sasany nandrora Azy, dia nanarona ny Tavany, sy namely totohondry Azy ary nanao hoe: «Vinanio»; ny mpanompo avy no namely tehamaina Azy.

Marka 15:19

Sady nikapoka volotara ny lohany sy nandrora Azy, ary nandohalika nitsaoka Azy.

Jaona 18:22

Nony nilaza izany i Jesoa, dia nasian’ny mpiandry raharaha anankiray tehamaina sy nataony hoe: «Izany ve no famalinao ny lehiben’ny mpisorona?»

Hebreo 12:2

mibanjina an’i Jesoa filohany sy mpanefa an-davany sy an-tsakany ny finoana, izay nahazo nifidy ny hafaliana natao teo anoloany, nefa naleony niaritra ny Hazofijaliana, sy tsy nitandro henatra koa; ary efa mipetraka eo ankavanan’ny seza fiandrianan’Andriamanitra.