Isaia 5:9 - Baiboly Katolika

⁹ Ity no teny ren’ny sofiko avy amin’i Iavehn’ny tafika: Eny ho foana ireo trano maro ireo, tsy hisy mpitoetra intsony ireo trano lehibe sy tsara tarehy ireo.

Baiboly Protestanta Malagasy 2011

⁹ Izao no ren’ny sofiko tamin’Andriamanitra, Tompon’izao rehetra izao: Marina tokoa fa ho foana ny trano maro; eny, na dia izay lehibe sady tsara aza dia tsy hisy mpitoetra.

DIEM PROTESTANTA

⁹ Fa ny TOMPOn’izao rehetra izao dia reko nanao fianianana hoe: «Tsy maintsy horavana ireo trano maro ireo; eny, na ny lehibe sy mamirapiratra aza, dia ho lao tsy hisy mpipetraka.

Dikateny Iombonana Eto Madagasikara

⁹ Fa ny TOMPOn’izao rehetra izao dia reko nanao fianianana hoe: «Tsy maintsy horavana ireo trano maro ireo; eny, na ny lehibe sy mamirapiratra aza, dia ho lao tsy hisy mpipetraka.

Baiboly Protestanta Malagasy

⁹ Izao no ren’ny sofiko avy amin’i Jehovah, Tompon’ny maro: Marina tokoa fa ho foana ny trano maro, Eny, na dia izay lehibe sady tsara aza dia tsy hisy mpitoetra.

Malagasy Bible

⁹ Izao no ren'ny sofiko avy amin'i Jehovah, Tompon'ny maro: Marina tokoa fa ho foana ny trano maro, Eny, na dia izay lehibe sady tsara aza dia tsy hisy mpitoetra.

La Bible en Malgache

⁹ Izao no ren’ny sofiko tamin’Andriamanitra, Tompon’izao rehetra izao: Marina tokoa fa ho foana ny trano maro; eny, na dia izay lehibe sady tsara aza dia tsy hisy mpitoetra.

Isaia 5:9 Rohy Ifampitohizana

2Tantara 36:21

Izany no nahatanterahan’ny tenin’i Iaveh, tamin’ny vavan’i Jeremia: «Mandra-pahazon’ny tany ny onitry ny sabany, fa nitsahatra izy mandritra ny fotoana nahafoana azy, dia mandra-pahafenon’ny fitopolo taona.»

Joba 15:28

Ny tanàna fonenany dia foana tsy misy intsony, ny trano tsy misy olona intsony, zary korontam-bato no halehany.

Joba 20:21

Tsy misy tsy tratry ny fahalianany te handrapaka, koa tsy haharitra ny fiadanany.

Ohabolana 15:27

Izay fatra-pikatsaka loatra ny fitomboan-karena manakorontana ny ankohonany; fa izay mankahala kolikoly no ho velona.

Isaia 22:14

Izao no nambaran’i Iavehn’ny tafika tamiko: «Tsy havela izany helokareo izany, mandra-pahafatinareo», hoy ny Tompo Iavehn’ny tafika.

Isaia 27:10

Fa ny tanàna mimanda efa zary tany foana, fonenana lao sy nilaozana, tahaka ny efitra; zanak’omby no miraotra ao, mandry sy mihinana ny rantsan-kazo ao.

Isaia 5:6

Hataoko tany foana izy; ka tsy hohetezana na hasaina intsony; fa hanirian’ny hery aman-tsilo; ary handidy ny rahona aho, tsy handatsaka orana aminy intsony.

Amosa 3:7

Fa tsy manao na inona na inona ny Tompo Iaveh, raha tsy efa nanambara ny heviny miafina tamin’ny mpaminany mpanompony.

Amosa 5:11

Koa noho ianareo manitsakitsaka ny mahantra, sy mampandoa hetram-bary azy; dia nanao trano vato voapaika ianareo, nefa tsy hitoetra ao aminy; namboly voaloboka faran’izay tsara ianareo, nefa tsy hisotro ny divay avy aminy.

Amosa 6:11

Satria, indro i Iaveh fa efa mandidy, ka nampianjerany trano lehibe ho rava foana, ary ny madinika ho montsana.

Matio 22:7

Tezitra ny mpanjaka nony nandre izany, ka naniraka miaramila nandringana izany mpamono olona izany, sy nandoro ny tanànany.

Matio 23:38

Indro fa avela aminareo ho trano lao ny tranonareo.

Jakoba 5:4

Indro, mitaraina ny karaman’ny mpiasa nijinja ny taninareo izay nofetsenareo; ary efa mby ao an-tsofin’ny Tompon’ny tafika ny fitarainany.