Isaia 42:25 - Baiboly Katolika

²⁵ Dia nalatsany tamin’izy ireo ny afon’ny fahatezerany, sy ny firehitry ny ady: ka nirehitra nanodidina azy izany, nefa tsy azony an-tsaina, ary nandoro azy, nefa tsy noheveriny.

Baiboly Protestanta Malagasy 2011

²⁵ Dia narotsany tamin’Israely ny firehitry ny fahatezerany sy ny halozan’ny ady. Ary nampirehitra azy manodidina izany nefa tsy fantany; ary nandoro azy nefa tsy noheverin’ny fony.

DIEM PROTESTANTA

²⁵ Koa nazeran’ny TOMPO tamin’ny vahoaka Israely ny fahatezerany mirehitra sy ny ady mangotraka. Nandoro ny faritra manodidina an’i Israely izany, saingy tsy fantany velively; nandoro tao anatiny mihitsy aza izany, nefa tsy nahoany akory.

Dikateny Iombonana Eto Madagasikara

²⁵ Koa nazeran’ny TOMPO tamin’ny vahoaka Israely ny fahatezerany mirehitra sy ny ady mangotraka. Nandoro ny faritra manodidina an’i Israely izany, saingy tsy fantany velively; nandoro tao anatiny mihitsy aza izany, nefa tsy nahoany akory.

Baiboly Protestanta Malagasy

²⁵ Ka dia nalatsany taminy ny firehitry ny fahatezerany Sy ny halozan’ny ady; Dia nampirehitra azy manodidina izany, nefa tsy fantany; Ary nandoro azy, nefa tsy noheverin’ny fony.

Malagasy Bible

²⁵ Ka dia nalatsany taminy ny firehitry ny fahatezerany sy ny halozan'ny ady; Dia nampirehitra azy manodidina izany nefa tsy fantany; Ary nandoro azy, nefa tsy noheverin'ny fony

La Bible en Malgache

²⁵ Dia narotsany tamin’Israely ny firehitry ny fahatezerany sy ny halozan’ny ady. Ary nampirehitra azy manodidina izany nefa tsy fantany; ary nandoro azy nefa tsy noheverin’ny fony.

Isaia 42:25 Rohy Ifampitohizana

2Mpanjaka 25:9

Nodorany ny tranon’i Iaveh sy ny tranon’ny mpanjaka mbamin’ny trano rehetra tao Jerosalema; nodorany tamin’ny afo avokoa ny trano lehibe.

Joba 40:11

Ampàro ny fisafoaky ny hatezeranao, na iza na iza mpiavona dia aetreo amin’ny indray mijery!

Isaia 29:13

Ary hoy ny Tompo: «Satria ity firenena ity manatona Ahy amin’ny vavany sy mankalaza Ahy amin’ny molony, nefa ny fony ampanalaviriny Ahy, ary ny fivavahana ataony amiko dia didy nianarany tamin’olombelona,

Isaia 47:7

Ary hoy ianao: «Tompovavy ho amin’ny mandrakizay aho!» ka dia tsy mba nandinika izany akory ianao, na mba nitsapa izay hiafaran’izany rehetra izany.

Isaia 48:8

Tsy mbola nandre izany ianao, tsy nahalala izany ianao; tsy mbola nandre izany velively ny fonao. Satria fantatro ianao fa mpivadika loatra, ary ny anaranao hatrany an-kibon-dreninao dia hoe mpivadika.

Isaia 5:25

Noho izany, nirehitra tamin’ny vahoakany ny fahatezeran’i Iaveh, nahinjiny tany aminy ny tanany, dia nikapoka azy Izy; nihozongozona ny tendrombohitra; miampatra toy ny diky eny an-dalana, ny fatin’izy ireo. Na dia izany rehetra izany aza anefa tsy mbola afaka ny hatezerany, ary mbola mihinjitra ihany ny tanany.

Isaia 57:1

Lasa tsy hita intsony ny marina nefa tsy misy misaina ao am-pony; alaina ny olona tia vavaka, nefa tsy misy mihevitra akory fa noesorina ho afaka amin’ny loza ny marina,

Isaia 57:11

Fa iza àry no atahoranao? iza no ahinao, no dia nivadika amiko ianao, ka tsy mba mahatsiaro Ahy, sy tsy asianao raharaha akory Aho? Moa tsy nangina Aho, ary efa hatry ny ela, dia hatrizay tsy natahoranao Ahy izay?

Isaia 9:13

Ka hofongoran’i Iaveh amin’i Israely ny loha sy ny rambo, ny fototr’antrendry aman-jozoro amin’ny indray andro monja.

Isaia 9:19

mikapa eny ankavanana ny olona, nefa noana ihany, mandrapaka eny ankaviany izy, nefa mbola tsy voky; samy mihinana ny nofon-tsandriny avokoa izy; i Manase mamely an’i Efraima, i Efraima mamely an’i Manase, izy roa tonta ireo mamely an’i Jodà.

Jeremia 12:11

Nataony rava izany, ka indro fa lao dia misaona eo anatrehako; simba avokoa ny tany, satria tsy misy mandatsaka izany am-po.

Jeremia 5:3

Ry Iaveh ô, tsy ny fo mahatoky va no tadiavin’ny masonao? Nikapoka azy Ianao, fa tsy nalahelo izy; nandripaka azy Ianao, fa tsy nety nino anatra izy; nohamafisiny mihoatra noho ny vatolampy ny tavany, tsy nety nibebaka izy.

Jeremia 7:20

Koa izao no lazain’i Iaveh Tompo: «Indro haidina amin’ity tany ity, ny hatezerako amam-pahavinirako, dia amin’ny olona sy ny biby, amin’ny hazo eny an-tsaha sy ny vokatry ny tany; ary hirehitra izany, ka tsy ho faty.»

Fitomaniana 2:3

Noho ny fahatezerany mirehitra notapahiny avokoa ny herin’i Israely; ny tanany ankavanana, nahemony teo anoloan’ny fahavalony; toy ny afo midedadeda no narehiny teo amin’i Jakôba, mandevona ny manodidina rehetra.

Fitomaniana 2:4

Nanenjan-tsipìka toy ny ataon’ny fahavalo Izy aty naninjitra ny tanany ankavanana, toy ny mpanani-bohitra; ka naripany avokoa izay nahafinaritra ny maso; tamin’ny lain’ny zanaka vavin’i Siôna naidiny toy ny afo ny fahatezerany.

Ezekiela 20:34

Hoentiko mivoaka avy ao amin’ireo firenena ianareo; dia hovoriko avy any amin’ny tany nampielezana anareo, amin’ny tanana mahery aman-tsandry ahinjitra, ary hatezerana amparina.

Hosea 7:9

Levon’ny hafa firenena ny heriny, nefa tsy fantany akory izany; efa mipi-bolo ny lohany, nefa tsy fantany akory izany.

Nahoma 1:6

Iza no mahatoetra eo anoloan’ny fahavinirany? Zovy no mahatanty ny firehitry ny fahatezerany? Mitatra toy ny afo ny fahatezerany, ary mitresaka eo anoloany ny vatolampy.

Malakia 2:2

Raha tsy henoinareo sy tsy rototra ianareo ny hanome voninahitra ny Anarako, hoy i Iavehn’ny tafika, dia handefa ozona hamely anareo Aho, ary hozoniko ny tso-drano ataonareo; - fa efa nozoniko sahady aza izany, satria tsy rototra ianareo! -

Deoteronomia 32:22

Fa nirehitra ny afon’ny fahatezerako, ka mandoro ny fonenan’ny maty hatrany amin’ny faran’ny ambany, mandevona ny tany amam-bokatra eo aminy, mandrehitra ny tendrombohitra hatramin’ny fotony.