Isaia 42:11 - Baiboly Katolika

¹¹ Aoka hanandra-peo ny efitra mbamin’ny tanàna eo aminy; ny toby onenan’i Sedera! Aoka hientan-kafaliana, ny mponina any Selà; aoka hihobim-piravoravoana any an-tampon-tendrombohitra!

Baiboly Protestanta Malagasy 2011

¹¹ Aoka ny tany efitra sy ireo tanàna eny aminy hanandratra ny feony, toa izany koa ny vohitra izay onenan’i Kedara! Aoka hihoby ny mponina any Sela! Aoka hanao feo avo any an-tampon’ny tendrombohitra izy.

DIEM PROTESTANTA

¹¹ Aoka hanandra-peo ny tanàna any an-taniefitra sy ny any an-toby fonenan’ny Kedarita! Aoka hihoby ny mponina any amin’ny Harambato; avy any an-tampon-tendrombohitra any no aoka hanaovany hiram-pifaliana!

Dikateny Iombonana Eto Madagasikara

¹¹ Aoka hanandra-peo ny tanàna any an-taniefitra sy ny any an-toby fonenan’ny Kedarita! Aoka hihoby ny mponina any amin’ny Harambato; avy any an-tampon-tendrombohitra any no aoka hanaovany hiram-pifaliana!

Baiboly Protestanta Malagasy

¹¹ Aoka ny efitra sy ireo tanàna eny aminy hanandratra ny feony, Dia ny vohitra izay onenan’i Kedara; Aoka hihoby ny mponina any Sela; Ary aoka hanao feo avo any an-tampon’ny tendrombohitra izy.

Malagasy Bible

¹¹ Aoka ny efitra sy ireo tanàna eny aminy hanandratra ny feony, dia ny vohitra izay onenan'i Kedara; Aoka hihoby ny mponina any Sela; Ary aoka hanao feo avo any an-tampon'ny tendrombohitra izy.

La Bible en Malgache

¹¹ Aoka ny tany efitra sy ireo tanàna eny aminy hanandratra ny feony, toa izany koa ny vohitra izay onenan’i Kedara! Aoka hihoby ny mponina any Sela! Aoka hanao feo avo any an-tampon’ny tendrombohitra izy.

Isaia 42:11 Rohy Ifampitohizana

Genesisy 25:23

Ka hoy i Iaveh taminy: «Firenena roa no ao an-kibonao. Vahoaka roa toko no hisaraka hatreo am-pialana amin’ny kibonao. Ka ny vahoaka iray toko dia hahery noho ny iray toko hafa. Ary ny iray lehibe no hanompo ny iray kely.»

Salamo 120:5

Endrey, ity manjò ahy mitoetra eto amin’i Meseka, sy monina atỳ an-dain’i Sedara!

Isaia 12:5

Mihirà ho an’i Iaveh fa nanao zava-mahagaga Izy; ka aoka ho fantatra any amin’ny tany rehetra izany!

Isaia 16:1

Alefaso ny zanak’ondry mpanapaka ny tany, avy any Petrà, hamaky ny efitra, ho any an-tendrombohitry ny zanakavavin’i Siôna.

Isaia 21:16

Satria izao no nolazain’ny Tompo tamiko: «Herintaona, araka ny fanisana ny taonan’ny mpikarama, sisa dia ho levona avokoa ny voninahitr’i Sedara; ary amin’ireo tsipìka maro an’ny lehilahy mahery, zanak’i Sedara, dia kely foana no sisa tavela, fa i Iaveh Andriamanitr’i Israely no efa niteny.»

Isaia 32:16

Amin’izany, ny hitsiny hitoetra any an’efitra; ny rariny hiorim-ponenana ao amin’ny sahan-kazo mamoa.

Isaia 35:1

Hifaly ny efitra sy ny tany karankaina, hiravoravo ny tany lemaka lava volo,

Isaia 35:6

Hitsambikina hoatra ny serfa ny mandringa, hinantsanantsan-kafaliana ny lelan’ny moana. Fa hisy rano miboiboika any an’efitra; ary sakeli-drano eny amin’ny tany lemaka lava volo.

Isaia 40:3

Injany misy feo miantso hoe: «Misavà lalana any an’efitra, ho an’i Iaveh, manorena arabe any an-tany lava volo ho an’ny Andriamanitsika!

Isaia 43:19

Fa indro aho, hanao zava-mahagaga vaovao; efa hiposaka izy izao, tsy hahalala izany va ianareo? Hanisy lalana any an’efitra Aho, sy ony eny an-tany karankaina.

Isaia 52:7

Endrey izany hatsaran’ny tongotr’ilay iraka eny an-tendrombohitra, izay mitory ny vaovao mahafaly, dia ny fiadanana; ilay manambara ny fahasambarana, ilay mitory ny famonjena; ilay milaza amin’i Siôna hoe: «Manjaka ny Andriamanitrao!»

Isaia 60:7

Hivory ao aminao ny biby fiompy rehetra any Sedara; hozakainao ny ondralahin’i Nabaiôta, hiakatra ho fanatitra ankasitrahina eo ambony ôteliko ireny, ary hataoko be voninahitra ny tranon’ny voninahitrao.

Jeremia 21:13

Ary izao kosa no momba anao, ry mponina ao an-dohasaha, ry vatolampin’ny tany lemaka, - teny marin’i Iaveh, - ianao izay manao hoe: Zovy moa no hidina atỳ aminay, sy hiditra atỳ amin’ny fierenay?

Jeremia 48:28

Ilaozy ny tanàna, mitoera any amin’ny vatolampiny, ry mponina any Moaba, ka aoka ho tahaka ny domohina izay manao ny akaniny eny ambonin’ny hantsana mangotanatana.

Jeremia 49:16

Nahasodòka anao ny tahotra nampihorohoroanao ny olona sy ny hambom-ponao, ianao izay monina eny an-tsefatsefa-bato, sady mitoetra eny an-tampon-kavoana. Nefa na hataonao avo toy ny an’ny voromahery aza ny akaninao, dia havariko avy any ianao, - teny marin’i Iaveh.-

Jeremia 49:31

«Mitsangàna, mandehana mamely firenena tsy manana ahiahy, mandry feizay eo amin’ny fonenany, - teny marin’i Iaveh, - dia izay tsy manam-bavahady, na hidy, izay mitoka-monina.

Ezekiela 27:21

I Arabia sy ny andriana rehetra tany Sedara nifampivarotra taminao; ondry sy ondralahy aman’osilahy no nifampivarotany taminao.

Obadia 1:3

Ny avonavon’ny fonao nahavery saina anao! Izy izay mitoetra eny an-tsefatsefa-bato, ka ny havoana no fonenany, dia manao anankampo hoe: Zovy moa no hampidina ahy eny amin’ny tany?