Isaia 34:6 - Baiboly Katolika

⁶ Ny sabatr’i Iaveh dia feno ra, mihosi-menaka, sy ran-janak’ondry aman’osilahy, ary sabora fonom-boan’ondralahy. Fa manao sorona ao Bôsrà, i Iaveh, sy famonoam-be ao amin’ny tanin’i Edôma

Baiboly Protestanta Malagasy 2011

⁶ Feno ra ny sabatry NY TOMPO; eny, mihoso-menaka avy amin’ny matavy sy amin’ny ran’ny zanak’ondry sy ny osilahy ary amin’ny jabora fonom-boan’ny ondrilahy; fa misy fanatitra ataon’NY TOMPO ao Bozra, ary misy fandringanana be ao amin’ny tany Edoma.

DIEM PROTESTANTA

⁶ Feno ra ilay sabatry ny TOMPO sady mihosina menaka, dia ran’ny zanak’ondry sy osilahy ary koa menaka avy amin’ny fonom-boany; satria misy sorona ataon’ny TOMPO ao Bôtserà ary fandringanana goavana ao amin’ny tany Edôma.

Dikateny Iombonana Eto Madagasikara

⁶ Feno ra ilay sabatry ny TOMPO sady mihosina menaka, dia ran’ny zanak’ondry sy osilahy ary koa menaka avy amin’ny fonom-boany; satria misy sorona ataon’ny TOMPO ao Bôtserà ary fandringanana goavana ao amin’ny tany Edôma.

Baiboly Protestanta Malagasy

⁶ Ny sabatr’i Jehovah feno ra, Eny, mihosi-menaka amin’ny matavy Sy amin’ny ran’ny zanak’ondry sy ny osilahy Ary amin’ny fonom-boan’ny ondrilahy; Fa Jehovah mamono zavatra hatao fanatitra ao Bozra Ary mahafaty be ao amin’ny tany Edoma.

Malagasy Bible

⁶ Ny sabatr'i Jehovah feno rà, eny, mihosi-menaka amin'ny matavy sy amin'ny ran'ny zanak'ondry sy ny osilahy ary amin'ny fonomboan'ny ondrilahy; Fa Jehovah mamono zavatra hatao fanatitra ao Bozra Ary mahafaty be ao amin'ny tany Edoma.

La Bible en Malgache

⁶ Feno ra ny sabatry NY TOMPO; eny, mihoso-menaka avy amin’ny matavy sy amin’ny ran’ny zanak’ondry sy ny osilahy ary amin’ny jabora fonom-boan’ny ondrilahy; fa misy fanatitra ataon’NY TOMPO ao Bozra, ary misy fandringanana be ao amin’ny tany Edoma.

Isaia 34:6 Rohy Ifampitohizana

2Samoela 1:22

Ny ampingan’i Saola tsy mba diloilo no nahosotra azy fa ny ran’ny maratra sy ny tavin’ny mahery; ny tsipìkan’i Jônatasy tsy lasa nihemotra na oviana na oviana ary ny sabatr’i Saola tsy nody maina.

1Tantara 1:44

Maty i Bela, ka i Jôbaba zanak’i Zare avy any Bôsrà no nanjaka nandimby azy.

Salamo 137:7

Tsarovy, ry Iaveh, ireo taranak’i Edôma, fony tamin’ny andron’i Jerosalema, dia hoy ireny: «Ravao! ravao! izy, hatramin’ny fotony!»

Isaia 29:2

dia hoporetiko mafy i Ariela, ka tsy hisy afa-tsy sento amam-pitarainana ao; fa ho tahaka an’i Ariela ho ahy izy;

Isaia 34:5

Fa efa mamon-dra teny amin’ny lanitra ny sabatro, ka indro izy midina ho any Edôma, ho any amin’ny firenena nataoko anatema hitsarana azy.

Isaia 63:1

Iza moa ity avy any Edôma, avy any Bôsrà, mitafy mena midorehitra? Mamirapiratra izy amin’izany fitafiana izany, mijoro amin’ny haben’ny heriny. - Izaho ity, izay miteny amim-pahamarinana, sady manan-kery hamonjy.

Isaia 63:3

Nanosy irery teo amin’ny famiazam-boaloboka aho, fa tsy nisy na dia iray aza niaraka tamiko, ny avy amin’ny firenena. Dia nanosy azy ireo aho, nentin’ny hatezerako, ary nanitsakitsaka azy aho nentin’ny fahavinirako; nipitika tamin’ny akanjoko ny ranony, ka voalotoko avokoa ny fitafiako.

Isaia 65:12

atolotro ho an’ny sabatra ianareo, ka hiondrika hovonoina avokoa. Satria miantso Aho, tsy novalianareo, niteny Aho, fa tsy nohenoinareo; fa izay ratsy eo imasoko no nataonareo, ary izay tsy sitrako no nofidinareo.

Jeremia 12:12

Ny havoana rehetra any an’efitra dia ahatongavan’ny mpandrava avokoa, fa i Iaveh manan-tsabatra mandevona amin’ny tany rehetra hatraiza hatraiza; tsy misy famonjena ho an’ny nofo rehetra na iza na iza.

Jeremia 25:34

Midradradradrà, ianareo mpiandry ondry, ary mitaraìna, mihosinkosena amin’ny vovoka, ianareo lehiben’ny ondry, fa tapitra amin’ny famonoana ny andronareo; hamely anareo Aho, ka hianjera toy ny fanaka sarobidy ianareo.

Jeremia 46:10

Fa andron’ny Tompo Iavehn’ny tafika ity, andro famaliana, hamaliany ny fahavalony! Mihinana ny sabatra ka mivoky, etsaky ny ran’ireny izy; fisoronana ho an’ny Tompo Iavehn’ny tafika izao, any amin’ny tany avaratra amoron’ny ony Eofrata.

Jeremia 49:13

Satria, izao no efa nianianako tamin’ny Tenako, - teny marin’i Iaveh: - I Bôsrà dia ho fitalanjonana sy fandatsa, ho tany efitra sady voaozona; ary ny tanànany rehetra ho rava mandrakizay.

Jeremia 49:7

Teny mamely an’i Edôma. Izao no lazain’i Iavehn’ny tafika: Efa tsy misy fahendrena intsony va ao Temàna? Lany hevitra va ireo mahira-tsaina? Efa levona va ny fahendren’izy ireo?

Jeremia 50:27

Vonoy avokoa ireo ombalahy, aoka hidina ho any am-pamonoana izy. Loza ho azy fa tonga ny androny, dia ny fotoana hamangiana azy.

Jeremia 51:40

Hampidiniko ho any amin’ny famonoana, toy ny zanak’omby, izy, toy ny ondralahy aman’osy lahy.

Ezekiela 21:10

Dia ho fantatry ny nofo rehetra fa Izaho Iaveh no nanatsoaka ny sabatro tamin’ny tranony; ka tsy hiditra ao intsony izy.

Ezekiela 35:15

Toy ny nifalianao, ny amin’ny lovan’ny taranak’i Israely tamin’ny faharavàny, toy izany no hataoko aminao: ho rava ianao, ry tendrombohitra Seira, mbamin’i Idomea manontolo; dia ho fantatry ny olona fa Iaveh Aho.

Ezekiela 35:8

Hofenoiko ny maratra ho faty aminy ny tendrombohiny; eny amin’ny havoananao, sy eny amin’ny lohasaha aman-dohasahan-driakanao, dia ho lavo ny olona voavonon’ny sabatra.

Amosa 1:11

Izao no lazain’i Iaveh: «Noho ny heloka telo nataon’i Edôma, - sy noho ny efatra - tsy hahemotro ny didy. Satria nanenjika ny rahalahiny tamin’ny sabatra izy, fa namono ny fangoraham-po ary satria mamiravira lalandava ny hatezerany sy mitahiry ny lolom-pony hatramin’ny farany,

Zefania 1:7

Mangina eo anatrehan’ny Tompo Iaveh, fa efa akaiky ny andron’i Iaveh, satria efa nanomana sorona i Iaveh, efa nanamasina ny olo-nasainy Izy.

Deoteronomia 32:14

ary ny hero-dronono avy amin’ny ombivavy sy ny rononon’ondry, mbamin’ny tavin’ny zanak’ondry, sy ny ondralahy teraka tany Basàna sy ny osilahy, ary ny vary faran’izay tsara indrindra; ary ny ran’ny salohim-boaloboka no nosotroinao dia ny divay mandroatra.

Deoteronomia 32:41

Rehefa hanasa ny sabatro manelatrelatra sy handray ny fitsarana ny tanako, dia hasiako valim-bonoana ny fahavaloko, ary hampandraisiko tody izay mandrafy Ahy.