Isaia 33:8 - Baiboly Katolika

⁸ Ny arabe maty, ny lalana tsy misy mpandeha. Ny fanekena nivadihany; ny tanàna nafokainy; ny olona tsy hajainy.

Baiboly Protestanta Malagasy 2011

⁸ Foana ny lalambe; tsy misy mpandeha intsony ny sakeli-dalana; nofoanany ny fanekena; nohamavoiny ny tanàna; tsy nanaja olona izy.

DIEM PROTESTANTA

⁸ Foana tanteraka ny arabe, tsy misy mpandeha intsony eny an-dalana. Nivadihan’ilay firenena mpanjakazaka ny fifanekena natao taminy; nolaviny ny vavolombelon’izany, ary tsy nasiany hasina ny olona.

Dikateny Iombonana Eto Madagasikara

⁸ Foana tanteraka ny arabe, tsy misy mpandeha intsony eny an-dalana. Nivadihan’ilay firenena mpanjakazaka ny fifanekena natao taminy; nolaviny ny vavolombelon’izany, ary tsy nasiany hasina ny olona.

Baiboly Protestanta Malagasy

⁸ Maty ny làlambe; Tsy misy ny mpandeha; Nofoanany ny fanekena; Nalany baraka ny tanàna; Tsy nanaja olona izy.

Malagasy Bible

⁸ Maty ny lalambe; Tsy misy ny mpandeha; Nofoanany ny fanekena; Nalany baraka ny tanàna; Tsy nanaja olona izy.

La Bible en Malgache

⁸ Foana ny lalambe; tsy misy mpandeha intsony ny sakeli-dalana; nofoanany ny fanekena; nohamavoiny ny tanàna; tsy nanaja olona izy.

Isaia 33:8 Rohy Ifampitohizana

Salamo 10:5

Fa ambinina hatrany hatrany izy, amin’izay alehany. Ny fitsaranao dia avo loatra ka tsy ahoany; ny mpandrafy azy, tsofiny indray mandeha dia mihahaka.

Isaia 24:5

Voatolon’ny mponina aminy, ny tany, satria izy ireo nandika ny lalàna, nivadika tamin’ny didy, nandrava ny fanekena mandrakizay.

Isaia 35:8

Hisy arabe, hisy lalana, izay atao hoe ny lalana masina; ka ny tsy madio tsy mba hihazo eo; fa ho azy ireo ihany izy io; izay homba azy na ny olon-tsotra aza tsy hivilivily.

Isaia 36:1

Tamin’ny taona faha-14, nanjakan’i Ezekiasa, niakatra i Senakeriba, mpanjakan’i Asiria, hamely ny tanàna mimanda rehetra any Jodà, ka nahafaka ireny.

Fitomaniana 1:4

Misaona ny lalan’i Siôna, fa tsy misy intsony ny miakatra ho amin’ny fetiny. Rava avokoa ny vavahadiny, mitaraina ny mpisorony, miferinaina ny virjininy ary tra-pahoriana mangidy izy.

Levitikosy 26:22

Halefako hamely anareo ny biby dia, hifaoka ny zanakareo, hamiravira ny biby fiompinareo, hahavitsy isa anareo, ka hanjary efitra ny lalanareo.

Mpitsara 19:17

Nanopy ny masony izy, ka nahita ilay mpivahiny teo an-kianjan’ny tanàna; ka hoy ny anti-dahy taminy nanao hoe: «Ho aiza ianao ary avy aiza?»

Mpitsara 5:6

Tamin’ny andron’i Simagara, zanak’i Amata, tamin’ny andron’i Jahela ny lalam-be tsy nodiavina, fa ny sakeli-dalana mihodivitra no nomban’ny mpandeha.

1Samoela 17:10

Mbola nanohy ihany io Filistinina io nanao hoe: «Lasa izay ny fihaikako ny miaramilan’i Israely anio, ka amoahy lehilahy anankiray aho dia hikatroka izahay!»

1Samoela 17:26

Dia hoy i Davida tamin’ireo olona teo anilany: «Ahoana sy ahoana avy ange no hatao amin’izay mahafaty io Filistinina io, ka mahafa-tondromaso an’i Israely? Zinona izay Filistinina; ilay tsy mifora io no dia hanala baraka ny tafiky ny Andriamanitra velona!»