Isaia 33:6 - Baiboly Katolika

⁶ Azo antoka ny andronao; hanananao be ny famonjena, sy ny fahendrena amam-pahalalana; ny fahatahorana an’i Iaveh no rakitrao.

Baiboly Protestanta Malagasy 2011

⁶ Tsy hanam-piovana ny andronao; harena mahavonjy ny fahendrena sy ny fahalalana; ny fahatahorana NY TOMPO no harenany amin’izany.

DIEM PROTESTANTA

⁶ Hiaina am-pahatokiana ianao, ry vahoakan’ny Tompo. Ny fahendrena amam-pahalalana no harem-pamonjena ho anao; ary ny fanajana ny TOMPO no raki-tsarobidy ho anao.

Dikateny Iombonana Eto Madagasikara

⁶ Hiaina am-pahatokiana ianao, ry vahoakan’ny Tompo. Ny fahendrena amam-pahalalana no harem-pamonjena ho anao; ary ny fanajana ny TOMPO no raki-tsarobidy ho anao.

Baiboly Protestanta Malagasy

⁶ Ary hisy andro tsy manam-piovana ho anao, Eny, haren’ny famonjena sy ny fahendrena ary ny fahalalana; Ny fahatahorana an’i Jehovah no rakitrao.

Malagasy Bible

⁶ Ary hisy andro tsy manam-piovana ho anao, eny, haren'ny famonjena sy ny fahendrena ary ny fahalalana; Ny fahatahorana an'i Jehovah no rakitrao.

La Bible en Malgache

⁶ Tsy hanam-piovana ny andronao; harena mahavonjy ny fahendrena sy ny fahalalana; ny fahatahorana NY TOMPO no harenany amin’izany.

Isaia 33:6 Rohy Ifampitohizana

2Mpanjaka 18:7

Dia nomban’i Iaveh izy, ka nahomby tamin’izay rehetra nataony. Niodina tamin’ny mpanjakan’i Asiria izy, dia afaka tsy nanompo an’io intsony.

Joba 4:6

Tsy ny fahatahoranao an’Andriamanitra va no fanantenanao? Tsy ny hadiovan’ny toetrao va no mba tokinao?

Salamo 140:7

Hoy aho amin’i Iaveh: «Andriamanitra Ianao,» henoy ny feon’ny fitarainako, ry Iaveh!

Salamo 28:8

Iaveh no herin’ny vahoakany, mandam-pamonjena ho an’ny nohosorany Izy.

Salamo 45:4

Sikino amin’ny sabatrao ny valahanao, ry ilay mahery, tafio ny famirapiratanao amam-piandriananao.

Ohabolana 14:24

Satroboninahitra ho an’ny hendry ny hareny; fa ny fahadalan’ny adala dia hadalana lava.

Ohabolana 14:26

Izay matahotra an’i Iaveh, miankina amin’ny andry mafy, ary ny zanany manam-pialofana mahatoky.

Ohabolana 14:27

Ny fahatahorana an’i Iaveh no loharanon’aina, mba ho afaka amin’ny fandriky ny fahafatesana.

Ohabolana 15:16

Aleo ny kely ombam-pahatahorana an’i Iaveh, toy izay ny harem-be omban’ahiahy.

Ohabolana 19:23

Ny fahatahorana an’i Iaveh no mitarika ho amin’ny fiainana, ka dia voky tsara, tsy vangiam-pahoriana.

Ohabolana 2:5

dia ho azonao an-tsaina ny fahatahorana an’i Iaveh, ary ho hitanao amin’izany ny fahalalana an’Andriamanitra.

Ohabolana 28:2

Amin’ny tany tsy mandry, mihamaro ny mpanapaka, fa amin’ny olona manan-tsaina sy hendry kosa, maharitra ny filaminana.

Ohabolana 29:4

Ny mpanjaka mampiorina mafy ny taniny amin’ny fahamarinana, fa izay tia kolikoly kosa, mandrava azy.

Mpitoriteny 7:12

Fa sahala ny fiarovana avy amin’ny vola sy ny fiarovana avy amin’ny fahendrena; nefa soa manan-tombo ny fahaizana, dia mampiaina an’izay manana azy ny fahendrena.

Mpitoriteny 7:19

Ny hendry, omen’ny fahendrena hery, mihoatra noho ny an’ny mpanapaka folo ao an-tanàna.

Isaia 11:9

Tsy hisy hampidi-doza na handrava, eran’ny tendrombohitra masina, satria ny tany ho feno fahalalana an’i Iaveh, toy ny fanambanin’ny ranomasina, feno ny rano manarona azy.

Isaia 26:1

Amin’izany andro izany hohiraina ao amin’ny tanin’i Jodà izao hira izao: «Manana tanàna mafy isika! Ny famonjeny no ataony mandany sy manda ivelany.

Isaia 32:17

Ary ny ho vokatry ny fahamarinana dia ny fitsaharana sy ny fandriam-pahalemana mandrakizay.

Isaia 32:18

Ny vahoakako honina eo amin’ny toeram-piadanana, eo amin’ny trano fonenana mahatoky, eo amin’ny trano fipetrahana mandry feizay.

Isaia 33:20

Jereo ity Siôna tanàna fanaovantsika fety; aoka ny masonao anie hahita an’i Jerosalema, fonenana mahasambatra, lay tsy hafindrafindra, izay tsy hongotana mandrakizay ny tsîmany sy tsy hanesorana iray akory ny tadiny.

Isaia 45:17

Fa i Israely kosa novonjen’i Iaveh amin’ny famonjena mandrakizay; tsy ho menatra na hangaihay intsony ianareo, amin’ny taona ho avy.

Isaia 51:14

Vetivety foana, dia ho voavaha izay mitanondrika; tsy ho faty ao an-davaka izy; ary tsy ho diso hanina.

Isaia 51:6

Andrandrao ho amin’ny lanitra ny masonareo, dia ampidino ho amin’ny tany ny fijerinareo; fa ny lanitra ho levona tahaka ny setroka; ary ny tany hanjary vorotra, hoatra ny fitafiana; ny mponina eo aminy ho levona torak’izany koa; fa ny famonjeko kosa haharitra mandrakizay; ary ny fahamarinako tsy mba ho levona.

Jeremia 31:34

Tsy hisy olona hampianatra ny namany intsony, na olona hampianatra ny rahalahiny, hanao hoe: «Mahalalà an’i Iaveh!» Fa hahalala Ahy avokoa izy rehetra, na ny kely na ny lehibe, - teny marin’i Iaveh. Satria havelako ny haratsian’izy ireo ary tsy hotsarovako intsony ny fahotany.

Habakoka 2:14

Fa ny tany ho feno ny fahalalana ny voninahitr’i Iaveh, toy ny fandrakotry ny rano ny fanambanin’ny ranomasina.

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

2Korintiana 6:10

ho ampalahelovina, nefa faly mandrakariva; ho mahantra, nefa nampanan-karena ny maro; ho tsy manana na inona na inona, nefa manana ny zavatra rehetra.

1Timoty 4:8

Satria ny asa ara-batana dia mahasoa kely foana, fa ny fivavahana no mahasoa amin’ny zavatra rehetra, izy no manana ny teny fampanantenana, na amin’ny fiainana ankehitriny, na amin’ny fiainana ho avy.

1Timoty 6:6

Eny, harem-be tokoa ny fahazotoa-mivavaka, omban’ny fianinana;