Isaia 33:2 - Baiboly Katolika

² Iaveh ô, mamindrà fo aminay! Ianao no antenainay. Aoka Ianao ho sandrinay isa-maraina, sy ho famonjena anay amin’ny andro fahoriana.

Baiboly Protestanta Malagasy 2011

² TOMPO ô, mamindrà fo aminay! Ianao no antenainay. Aoka ho herinay isa-maraina Ianao ary ho famonjena anay amin’ny andro fahoriana!

DIEM PROTESTANTA

² TOMPO ô, iantrao izahay fa manantena Anao. Aoka Ianao no ho herinay isa-maraina sady ho mpamonjy anay amin’ny androm-pahoriana!

Dikateny Iombonana Eto Madagasikara

² TOMPO ô, iantrao izahay fa manantena Anao. Aoka Ianao no ho herinay isa-maraina sady ho mpamonjy anay amin’ny androm-pahoriana!

Baiboly Protestanta Malagasy

² Jehovah ô, mamindrà fo aminay; Hianao no antenainay; Aoka ho sandrinay isa-maraina Hianao Sy ho famonjena anay amin’ny andro fahoriana.

Malagasy Bible

² Jehovah ô, mamindrà fo aminay; Hianao no antenainay; Aoka ho sandrinay isa-maraina ianao sy ho famonjena anay amin'ny andro fahoriana.

La Bible en Malgache

² TOMPO ô, mamindrà fo aminay! Ianao no antenainay. Aoka ho herinay isa-maraina Ianao ary ho famonjena anay amin’ny andro fahoriana!

Isaia 33:2 Rohy Ifampitohizana

Salamo 123:2

Toy ny ibanjinan’ny mason’ny ankizy lahy ny tanan’ny tompo lahiny, sy ny mason’ny ankizy vavy ny tanan’ny tompo vaviny, no ibanjinan’ny masontsika an’i Iaveh Andriamanitsika, mandra-pamîndrany fony amintsika.

Salamo 143:8

ampandreneso faingana ny hatsaram-ponao aho, fa Ianao no itokiako; atoroy ny lalana tokony halehako aho, fa any aminao no hanondrotako ny fanahiko.

Salamo 25:3

Tokoa fa tsy hisy ho menatra izay rehetra manantena Anao; izay mivadika foana dia ireo no ho menatra.

Salamo 27:1

Nataon’i Davida. I Iaveh no fahazavako amam-pamonjena ahy; ka iza no hatahorako? I Iaveh no mandan’ny aiko ka zovy no hangovitako?

Salamo 33:22

Iaveh ô, ho aminay anie ny fahasoavanao, araka ny anantenanay Anao!

Salamo 37:39

Avy tamin’i Iaveh no iavian’ny famonjena ny marina; mpiaro azy amin’ny andron’ny fahoriana Izy.

Salamo 46:1

Ho an’ny mpampianatra hira. Nataon’ny taranak’i Kôre. Amin’ny feon’ny virjiny . - Hira.

Salamo 46:5

Misy ony ka ny fandehany mampifaly ny tanànan’Andriamanitra; ny fonenany masina onenan’ny Avo indrindra.

Salamo 50:15

Antsoy amin’ny andron’ny fahoriana Aho, dia hamonjy anao; ka hanome voninahitra Ahy ianao.

Salamo 60:11

Iza no hitondra ahy ho any amin’ny tanàna mimanda? Iza no hitarika ahy ho any Edôma?

Salamo 62:1

Ho an’ny mpampianatra hira... Iditona. Salamon’i Davida.

Salamo 62:5

Eny, mioko hanongana azy amin’ny fiamboniany izy ireo; mifaly amin’ny lainga izy, ny vavany misaotra, ny fony anefa manozona! - Selà

Salamo 62:8

Andriamanitra no iankinan’ny famonjena ahy amam-boninahitro. Amin’Andriamanitra ny vatolampin’ny heriko, ny fialofako.

Salamo 90:15

Ampifalio araka ny andro nampahorianao anay izahay, sy araka ny taona nahitanay loza.

Salamo 91:15

Hiantso Ahy izy, ary hamaly azy Aho; homba azy amin’ny andron’ny fahoriana Aho. Hanafaka sy hanome voninahitra azy Aho.

Eksodosy 14:27

Dia nahinjitr’i Môizy teo ambonin’ny ranomasina ny tanany, ka vao nangirana ny andro dia nody tamin’ny toerany andavanandro ny ranomasina. Nandositra ny Ejiptianina ka tojo azy, ka dia navarin’i Iaveh tao anaty ranomasina ny Ejiptianina.

Isaia 17:10

Satria ianao nanadino ny Andriamanitry ny famonjena anao, tsy nahatsiaro ny Vatolampin’ny herinao. Koa dia mamboly voly mahafinaritra ianao, ary foto-boaloboky ny olon-kafa firenena no ataonao ao.

Isaia 25:4

Ianao no trano mimanda ho an’ny osa, trano mimanda ho an’ny mahantra anatin’ny fahoriany, fialofana amin’ny hainandro midaindaina, fa ny fifofofon’ny mpanao jadon’ny mpanjaka dia toy ny ranonoram-baratra miantonta amin’ny ampiantany.

Isaia 25:9

Izao no holazain’ny olona amin’izany andro izany: Indro ny Andriamanitsika izay niankinantsika mba ho voavonjy; dia i Iaveh izay nantenaintsika. Aoka isika hanao fifaliana sy hiravoravo amin’ny famonjeny.

Isaia 26:16

Nitady Anao izy, nony azom-pahoriana, ry Iaveh ô, noborahiny ny fitarainany, raha nokapohinao izy.

Isaia 26:8

Koa teo amin’ny lalan’ny fitsaranao no niandrasanay Anao, ry Iaveh, ny Anaranao amam-pahatsiarovana Anao, no fanirian’ny fanahinay.

Isaia 37:3

ka nanao taminy hoe: «Izao no lazain’i Ezekiasa: Androm-pahoriana amam-pamaizana sy fahafaham-baraka izao andro izao, fa ny zaza vonon-kivoaka avy ao am-bohoka nefa ny hery hiterahana azy, tsy misy.

Isaia 40:10

Indro fa tonga i Iaveh Tompo, amin’ny heriny; ny sandriny mampiasa ny fanapahana. Indro fa miaraka aminy ny valisoa avy aminy, ary ny tamby homeny, eo anoloany.

Isaia 51:5

Akaiky ny fahamarinako; efa hiseho ny famonjeko: ary hitsara ny firenena ny sandriko; manantena Ahy ny nosy, ary matoky ny sandriko izy.

Isaia 59:16

Hitany fa tsy nisy olona teo, ary gaga izy fa tsy nisy nanalalana akory. Ka dia ny sandriny no nitsangan-kanampy Azy, ary ny fahamarinany no nanohana Azy.

Isaia 8:17

Manantena an’i Iaveh izay manafina ny tavany amin’ny taranak’i Jakôba aho, ary matoky azy.

Jeremia 14:8

Ianao ilay fanantenan’i Israely, sy mpanafaka azy amin’ny andro fahoriana, nahoana no dia tahaka ny vahiny amin’ny tany, sy tahaka ny mpandeha manorin-day handry amin’ny alina?

Fitomaniana 3:23

Mihavao isa-maraina izany; lehibe ny fahamarinanao!

Hosea 14:2

Miverena amin’i Iaveh, ry Israely, fa ny helokao no nahalavo anao.