Isaia 31:6 - Baiboly Katolika

⁶ Koa miverena re amin’Ilay efa nihatahanareo fatratra, ry zanak’i Israely.

Baiboly Protestanta Malagasy 2011

⁶ Koa miverena ho amin’Izay efa nikomianareo fatratra ry Zanak’Israely ô!

DIEM PROTESTANTA

⁶ Ry Israelita ô, miverena amin’Ilay efa niodinanareo lavitra.

Dikateny Iombonana Eto Madagasikara

⁶ Ry Israelita ô, miverena amin’Ilay efa niodinanareo lavitra.

Baiboly Protestanta Malagasy

⁶ Koa miverena ho amin’Izay efa niodinanareo fatratra, Ry Zanak’Isiraely ô.

Malagasy Bible

⁶ Koa miverena ho amin'izay efa niodinanareo fatratra, ry zanak'Isiraely ô.

La Bible en Malgache

⁶ Koa miverena ho amin’Izay efa nikomianareo fatratra ry Zanak’Israely ô!

Isaia 31:6 Rohy Ifampitohizana

2Tantara 36:14

Ny lehiben’ny mpisorona rehetra mbamin’ny vahoaka koa nandroso nanao fahadisoana manaraka ny fahavetavetan’ny firenena, sy nandoto ny tranon’i Iaveh, izay efa nohamasininy, tao Jerosalema.

Joba 22:23

Ho tafarina ianao, raha miverina amin’ny Tsitoha, sy manesotra ny heloka lavitra ny lainao.

Isaia 1:2

Mihainoa, ry lanitra, ary ianao ry tany, mitongilàna sofina, fa miteny i Iaveh: «Efa namelon-jaza Aho, ary efa nanabe ireny, kanjo izy ireo niodina tamiko.

Isaia 29:15

Loza ho an’izay manafina lalina tsy ho hitan’i Iaveh, ny hevi-mifono voakasany, sady manao ny asany ao amin’ny maizina, ka manao hoe: «Iza no mahita antsika sy mahalala antsika?»

Isaia 44:22

Efa nolevoniko toy ny zavona ny fahadisoanao; ary toy ny rahona ny fahotanao; ka miverena amiko, fa efa nanavotra anao Aho.

Isaia 48:8

Tsy mbola nandre izany ianao, tsy nahalala izany ianao; tsy mbola nandre izany velively ny fonao. Satria fantatro ianao fa mpivadika loatra, ary ny anaranao hatrany an-kibon-dreninao dia hoe mpivadika.

Isaia 55:7

aoka ny ratsy fanahy hiala amin’ny lalany, ary ny meloka amin’ny heviny; ka hiverina amin’i Iaveh izy, dia hamindrany fo; dia amin’Andriamanitra fa mamela malalaka Izy.

Jeremia 3:10

Ary na izany rehetra izany koa aza i Jodà mpivadika, rahavaviny, tsy niverina tamiko, tamin’ny fony rehetra, fa tamim-pitaka fotsiny, - teny marin’i Iaveh.-

Jeremia 3:12

Koa mandehana, ary ireto teny ireto ataovy amin’ny feo avo, amin’ny lafiny avaratra ka lazao hoe: Miverena, ry Israely mpiodina, - teny marin’i Iaveh - Tsy sitrako ny hanenjan-tava aminareo, fa mamindra fo Aho - teny marin’i Iaveh - ka tsy mitahiry fahatezerana mandrakizay.

Jeremia 3:14

Miverena, ry zaza mpiodina, - teny marin’i Iaveh, - fa Izaho no Tomponareo; ary halaiko ianareo, ny iray ao amin’ny tanàna iray, ary ny roa amin’ny fianakaviana iray; ka hoentiko any Siôna.

Jeremia 3:22

Miverena, ry zaza mpiodina, fa hositraniko ny fiodinanareo. - Indreto izahay manatona Anao, fa Ianao no Iaveh Andriamanitray.

Jeremia 5:23

Fa ity vahoaka ity manana fo maditra sy miodina; mihataka izy dia lasa.

Ezekiela 18:31

Ario lavitra anareo ny fahotana, sy ny fahadisoana rehetra nataonareo; manaova fo vaovao sy saina vaovao. Fa nahoana no dia ho faty ianareo, ry taranak’i Israely.

Ezekiela 18:32

Fa tsy sitrako ny fahafatesan’izay maty, - teny marin’ny Tompo Iaveh; - koa mibebaha ianareo ka aoka ho velona.

Hosea 9:9

Simba hatrany am-potony izy ireo, toy ny tamin’ny andron’i Gabaà; hotsarovan’i Iaveh ny helony, ary hovaliany ny fahotany.

Zakaria 1:3

Koa lazao amin’izy ireo hoe: «Izao no lazain’i Iavehn’ny tafika: Miverena amiko ianareo, - teny marin’i Iavehn’ny tafika, - dia hiverina aminareo Aho, - hoy i Iavehn’ny tafika.

Asan’ny Apostoly 26:20

fa nitory ny fibebahana sy ny fiverenana amin’Andriamanitra tany Damasy aloha, vao tany Jerosalema, sy eran’i Jodea manontolo, ary tamin’ny Jentily koa, mba hanaovany asa mendrika ny fibebahana.

Asan’ny Apostoly 3:19

Koa mivaloza, ary mibebaha, mba hovonoina ny helokareo.