Isaia 30:31 - Baiboly Katolika

³¹ Dia hangovitra i Asora amin’ny feon’i Iaveh; hikapoka amin’ny tsora-kazony Izy,

Baiboly Protestanta Malagasy 2011

³¹ Fa noho ny feon’NY TOMPO dia ho raiki-tahotra ny Asiriana. Hokapohiny amin’ny tsorakazo ireo.

DIEM PROTESTANTA

³¹ Dia ho raiki-tahotra ny Asirianina, rehefa handre ny feon’ny TOMPO sady hokapohiny amin’ny tsorakazo.

Dikateny Iombonana Eto Madagasikara

³¹ Dia ho raiki-tahotra ny Asirianina, rehefa handre ny feon’ny TOMPO sady hokapohiny amin’ny tsorakazo.

Baiboly Protestanta Malagasy

³¹ Fa ny feon’i Jehovah dia haharaiki-tahotra ny Asyriana; Hasiany amin’ny tsorakazo ireo.

Malagasy Bible

³¹ Fa ny feon'i Jehovah dia haharaiki-tahotra ny Asyriana; Hasiany amin'ny tsorakazo ireo.

La Bible en Malgache

³¹ Fa noho ny feon’NY TOMPO dia ho raiki-tahotra ny Asiriana. Hokapohiny amin’ny tsorakazo ireo.

Isaia 30:31 Rohy Ifampitohizana

Salamo 125:5

Fa raha ireo mivily amin’ny lala-miolikolika kosa, aoka izy hafoin’i Iaveh miaraka amin’izay manao ratsy. Fiadanana anie ho amin’i Israely!

Isaia 10:12

Nefa izao no hitranga raha avy izay hahatanterahan’ny Tompo ny asany manontolo, amin’ny tendrombohitra Siôna sy amin’i Jerosalema, dia hosavako ny vokatry ny fo be anjonanjon’ny mpanjakan’i Asiria, sy ny reharehan’ny masony miandranandrana.

Isaia 10:15

Mirehareha amin’ny tanana mampandihy azy va ny famaky, miavonavona amin’izay mampandeha azy va ny tsofa? Sa hoe: ny tsora-kazo indray va no manetsika izay manainga azy; sa hoe: ny tehina indray no manangana izay tsy hazo!

Isaia 10:24

Izany no hilazan’ny Tompo, Iavehn’ny tafika hoe: Aza matahotra na inona na inona avy amin’i Asora, ry vahoakako monina any Siôna, raha mamely anao amin’ny tsora-kazo izy, ka manainga ny tehina aminao, toa an’i Ejipta taloha.

Isaia 10:26

Hanainga kotopia hamelezana azy i Iavehn’ny tafika, toy ny namelezany an’i Madiàna, teo amin’ny vatolampin’i Oreba, ary toy ny tehiny teny ambony ranomasina; ary hoaingany izany toy ny taloha tany Ejipta.

Isaia 10:5

Loza ho an’i Asora, tsora-kazon’ny fahatezerako! fiasàn’ny havinirako ny tehina eny an-tanany!

Isaia 11:4

Ny madinika hotsarainy ara-drariny, ary ny mpietry eto an-tany dia hamoahany teny fitsarana araka ny marina. Hikapoka ny tany amin’ny tsora-kazon’ny vavany izy, ary hamono ny ratsy fanahy amin’ny fofon’ain’ny molony.

Isaia 14:25

Hanorotoro an’i Asora amin’ny taniko aho, ary hanosihosy azy eo an-tendrombohitro. Dia hoesorina amin’izy ireo ny jiogany, ary halana eo an-tsorok’izy ireo ny entany.

Isaia 27:7

Moa nasiana toy ny namelezana an’ireo namely azy va izy? Moa novonoina toy ny namonoana an’ireo namono azy va izy?

Isaia 30:30

I Iaveh hampiriadriatra ny feony miezinezina, ary hampiseho ny fiantèfan’ny sandriny, amin’ny firehitry ny hatezerany aman-delafo mandevona; amin’ny tafio-drivotra aman-dranonoram-baratra sy vato havandra.

Isaia 31:8

Ary i Asora ho lavon-tsabatra, nefa tsy sabatr’olombelona; sabatra izay tsy sabatr’olombelona no handevona azy; handositra eo anoloan’ny sabatra izy, ary ny zatovony hampandoavina hetra.

Isaia 9:4

Ny kapan’ny mpiady rehetra tamin’ny fikatrohana mbamin’ny kapaoty nihosin-dra rehetra, dia atao anatin’ny afo: ka levon’ny afo.