Isaia 29:8 - Baiboly Katolika

⁸ Tahaka ny olona noana, manonofy hoe mihinana, kanjo nony mahatsiaro dia foana ny fanahiny; ary tahaka ny olona mangetaheta manonofy hoe misotro, kanjo nony mahatsiaro, anan’ny hasasarana sy mangetaheta ihany izy. Dia tahaka izany no hahazo an’ireo firenena maro ireo, izay mandeha hamely ny tendrombohitra Siôna.

Baiboly Protestanta Malagasy 2011

⁸ Dia ho tahaka ny olona noana izay manonofy mihinana, kanjo nony mahatsiaro izy dia foana ihany ny kibony; na koa tahaka ny olona mangetaheta izay manonofy misotro, kanjo nony mahatsiaro izy dia indro, ana sady mbola mangetaheta ihany; ho tahaka izany ny firenena rehetra izay mivory hamely ny tendrombohitra Ziona.

DIEM PROTESTANTA

⁸ Ho tahaka ny olona mosarena manonofy mihinana, kanjo nony taitra dia noana ihany ny kibony; ho tahaka ny olona mangetaheta manonofy misotro, kanjo nony taitra dia trotraka fa mbola maina ihany ny tendany; ho tahaka izany ireo firenena marobe izay miady amin’ny tendrombohitra Tsiôna.

Dikateny Iombonana Eto Madagasikara

⁸ Ho tahaka ny olona mosarena manonofy mihinana, kanjo nony taitra dia noana ihany ny kibony; ho tahaka ny olona mangetaheta manonofy misotro, kanjo nony taitra dia trotraka fa mbola maina ihany ny tendany; ho tahaka izany ireo firenena marobe izay miady amin’ny tendrombohitra Tsiôna.

Baiboly Protestanta Malagasy

⁸ Ary ho tahaka ny olona noana manonofy, fa, indro, mihinana izy; Kanjo nony mahatsiaro, dia noana ihany izy; Na ho tahaka ny olona mangetaheta manonofy, fa, indro, misotro izy; Kanjo nony mahatsiaro, indro, ana ihany izy, ary ny fanahiny mbola maniry ihany: Dia ho tahaka izany ireo firenena betsaka rehetra ireo Izay mivory hamely ny tendrombohitra Ziona.

Malagasy Bible

⁸ Ary ho tahaka ny olona noana manonofy, fa, indro, mihinana izy; kanjo nony mahatsiaro, dia noana ihany izy; Na ho tahaka ny olona mangetaheta manonofy, fa, indro, misotro izy; kanjo nony mahatsiaro, indro, ana ihany izy, ary ny fanahiny mbola maniry ihany: Dia ho tahaka izany ireo firenena betsaka rehetra ireo Izay mivory hamely ny tendrombohitra Ziona.

La Bible en Malgache

⁸ Dia ho tahaka ny olona noana izay manonofy mihinana, kanjo nony mahatsiaro izy dia foana ihany ny kibony; na koa tahaka ny olona mangetaheta izay manonofy misotro, kanjo nony mahatsiaro izy dia indro, ana sady mbola mangetaheta ihany; ho tahaka izany ny firenena rehetra izay mivory hamely ny tendrombohitra Ziona*.

Isaia 29:8 Rohy Ifampitohizana

2Tantara 32:21

Dia naniraka Anjely anankiray i Iaveh ary naringan’io avokoa ny lehilahy mahery sy ny filohany mbamin’ny lehibe teo an-tobin’ny mpanjakan’i Asiria, ka lasa nody any amin’ny taniny, safo-kenatra, ity mpanjaka. Nony tafiditra tao an-tranon’ny andriamaniny izy, dia ny sasany tamin’izay naloaky ny kibony no namono azy tamin’ny sabatra.

Salamo 129:5

Aoka ho menatra sy hiamboho eny, izay rehetra mankahala an’i Siôna!

Salamo 73:20

Tahaka ny nanaovan’ny olona ny nofy nony mahatsiaro, no androahanao ny fahatsiarovana azy, ry Tompo, rehefa mifoha Ianao.

Isaia 41:11

Ho menatra sy hangaihay foana, izay rehetra misafoaka hamely anao; hanahaka ny zava-poana sy ho levona, izay mifanditra aminao.

Isaia 41:12

Hozahanao fa tsy ho hitanao intsony, ry zareo mila sotasota aminao; hanahaka ny zava-poana, hanjary tsinontsinona, ry zareo miady aminao.

Isaia 44:12

Ny mpanefy vy miasa amin’ny fandraka, ataony amin’ny arina mivaivay ny taozavatra, amboariny amin’ny tantanana, foromporoniny amin’ny sandry matanjaka izy. Kanefa noana izy, ka indro tsy manan-kery; tsy misotro rano, ka indro reraka.

Isaia 54:17

Ny fiadiana rehetra notefena hamelezana anao, tsy hisy asany, ary ny lela rehetra hisondrotra hifanohitra aminao, horesenao lahatra. - Izany no lovan’ny zanak’i Iaveh; izany no fahamarinana ho azony avy amiko. - Teny marin’i Iaveh. -

Nahoma 2:1

Indro, eny an-tendrombohitra, ny tongotry ny iraka mitondra filazana mahafaly, izay manambara fiadanana. Ankalazao ny fetinao, ry Jodà, efao ny voadinao! Fa tsy handalo eo aminao intsony izy; efa levona mihitsy ny ratsy fanahy.