Isaia 28:4 - Baiboly Katolika

⁴ Ny voninkazo mora malazo famirapiratan’ny fihaingoany, eny an-tampon’ny lohasaha lonaka, hanahaka ny voan’aviavy masaka alohan’ny fahavaratra: izay mahita azy, raha vantany vao mahazo azy an-tanana mandrapaka azy.

Baiboly Protestanta Malagasy 2011

⁴ ary ny voninkazo mihamalazo amin’ny firavany tsara tarehy izay eo an-dohan’ny lohasaha lonaka, dia ho tahaka ny voan’aviavy masaka alohan’ny fotoana, alohan’ny fahavaratra, koa izay mahita azy dia mandray, ary raha vao raisiny dia arapany.

DIEM PROTESTANTA

⁴ Ho voahitsakitsaka am-paladia ny voninkazo mihamalazo izay haingony marevaka terỳ an-tendron’ny lohasaha lonaka. I Samaria dia ho tahaka ny voan’aviavy masaka alohan’ny fahavaratra, ka izay mahita azy dia hioty ary hitelina azy indraim-bava.

Dikateny Iombonana Eto Madagasikara

⁴ Ho voahitsakitsaka am-paladia ny voninkazo mihamalazo izay haingony marevaka terỳ an-tendron’ny lohasaha lonaka. I Samaria dia ho tahaka ny voan’aviavy masaka alohan’ny fahavaratra, ka izay mahita azy dia hioty ary hitelina azy indraim-bava.

Baiboly Protestanta Malagasy

⁴ Ary ny voninkazo mihamalazo amin’ny firàvany tsara tarehy, Izay eo an-dohan’ny lohasaha lonaka, Dia ho tahaka ny voan’aviavy mialintaona, raha tsy mbola tonga ny fahavaratra, Koa izay mahita azy dia mijery, Ary raha vao raisiny, dia arapany.

Malagasy Bible

⁴ Ary ny voninkazo mihamalazo amin'ny firàvany tsara tarehy, izay eo an-dohan'ny lohasaha lonaka, dia ho tahaka ny voan'aviavy mialin-taona, raha tsy mbola tonga ny fahavaratra, koa izay mahita azy dia mijery, ary raha vao raisiny, dia arapany.

La Bible en Malgache

⁴ ary ny voninkazo mihamalazo amin’ny firavany tsara tarehy izay eo an-dohan’ny lohasaha lonaka, dia ho tahaka ny voan’aviavy masaka alohan’ny fotoana, alohan’ny fahavaratra, koa izay mahita azy dia mandray, ary raha vao raisiny dia arapany.

Isaia 28:4 Rohy Ifampitohizana

Isaia 28:1

Loza ho an’ny diadema be avonavon’ny mpimamo ao Efraima, sy ny voninkazo mora malazo famirapiratan’ny fihaingoany, eny an-tampon’ny lohasaha lonaka misy an’ireo lehilahy mamon’ny divay.

Isaia 8:4

Fa alohan’ny hahaizan’io zaza io miantso hoe: Dada sy Neny dia hoaterina eo anatrehan’ny mpanjakan’i Asiria ny haren’i Damasy sy ny babo azo tamin’i Samaria.»

Hosea 13:1

Raha vao niteny i Efraima, dia nihorohoro ny olona; nisandratra izy teo amin’i Israely. Fa tonga meloka izy noho ny amin’i Baala, ka maty.

Hosea 13:15

Fa hahavokatra eo amin’ny rahalahiny i Efraima; nefa ho tonga ny rivotra avy atsinanana; hiakatra avy any an’efitra ny fofon’ain’i Iaveh; ka ho maina ny loharanony; ho tankina ny fantsakàny; hobaboiny ny firaketan’ny zava-tsarobidy rehetra.

Hosea 6:4

Inona no hataoko aminao, ry Efraima? Inona no hataoko aminao, ry Jodà? Fa ny fitiavam-bavakareo dia tahaka ny rahona maraina, tahaka ny ando amin’ny maraina ka levona vetivety.

Hosea 9:16

Voa i Efraima, maina ny fakany, tsy hanoa intsony izy ireo; ary na dia miteraka aza izy, hovonoiko ny malalany naloaky ny kibony.

Mika 7:1

Indrisy! Ity izaho toy ny rehefa vita ny fitoazam-boankazo fahavaratra, toy ny rehefa vita ny fitsimponam-boaloboka efa voaoty: tsy misy salohy iray akory hohanina! Ny voaloham-boan’aviavy, izay tsiriritin’ny fanahiko, tsy misy na iray aza.

Nahoma 3:12

Ny tanànanao mimanda mafy rehetra dia aviavy misy voany masaka hozongozonina dia miraraka eo am-bavan’izay te-hihinana azy ireny.

Apokalipsy 6:13

ary ny kintan’ny lanitra niraraka tamin’ny tany, toy ny voan’aviavy manta mihintsana fa voahozongozon’ny rivotra mafy.