Isaia 25:4 - Baiboly Katolika

⁴ Ianao no trano mimanda ho an’ny osa, trano mimanda ho an’ny mahantra anatin’ny fahoriany, fialofana amin’ny hainandro midaindaina, fa ny fifofofon’ny mpanao jadon’ny mpanjaka dia toy ny ranonoram-baratra miantonta amin’ny ampiantany.

Baiboly Protestanta Malagasy 2011

⁴ Fa fiarovana mafy ho an’ny reraka Ianao; eny, fiarovana mafy ho an’ny mahantra ao amin’ny fahoriany, fialofana amin’ny oram-batravatra, alokaloka amin’ny hainandro; fa ny fahatezeran’ny mpampihorohoro dia tahaka ny orana mivatravatra mamely ny rindrina.

DIEM PROTESTANTA

⁴ Fa Ianao tokoa no fiarovana mafy ho an’ny osa; eny, fiarovana mafy ho an’ny malahelo Ianao amin’ny andro mampahory azy ireny. Fialofana amin’ny orana Ianao sady alokaloka amin’ny hainandro, satria ny fisafoaky ny mpanjakazaka dia toy ny oram-batravatra hamely tamboho

Dikateny Iombonana Eto Madagasikara

⁴ Fa Ianao tokoa no fiarovana mafy ho an’ny osa; eny, fiarovana mafy ho an’ny malahelo Ianao amin’ny andro mampahory azy ireny. Fialofana amin’ny orana Ianao sady alokaloka amin’ny hainandro, satria ny fisafoaky ny mpanjakazaka dia toy ny oram-batravatra hamely tamboho

Baiboly Protestanta Malagasy

⁴ Fa fiarovana mafy ho an’ny reraka Hianao, Eny, fiarovana mafy ho an’ny malahelo amin’ny fahoriany, Fierena amin’ny ranonoram-baratra, fialokalofana amin’ny hainandro, Fa ny rivotry ny mahery dia tahaka ny ranonorana mifafy mamely ny ampiantany.

Malagasy Bible

⁴ Fa fiarovana mafy ho an'ny reraka Hianao, eny, fiarovana mafy ho an'ny malahelo amin'ny fahoriany, fierena amin'ny ranonoram-baratra, fialokalofana amin'ny hainandro, fa ny rivotry ny mahery dia tahaka ny ranonorana mifafy mamely ny ampiantany.

La Bible en Malgache

⁴ Fa fiarovana mafy ho an’ny reraka Ianao; eny, fiarovana mafy ho an’ny mahantra ao amin’ny fahoriany, fialofana amin’ny oram-batravatra, alokaloka amin’ny hainandro; fa ny fahatezeran’ny mpampihorohoro dia tahaka ny orana mivatravatra mamely ny rindrina.

Isaia 25:4 Rohy Ifampitohizana

Salamo 107:41

fa ny mahantra kosa nasandrany ho afa-pahoriana, ary ny fianakaviana nataony tonga sahala amin’ny andiam-biby fiompy.

Salamo 119:31

Nifikitra tamin’ny fampianaranao aho; ry Iaveh, aza avela ho azon-kenatra aho.

Salamo 12:5

izay milaza hoe: «Mankahery anay ny lelanay; miandany aminay ny molotray, ka iza indray no ho tomponay?»

Salamo 121:5

I Iaveh no mpiambina anao, I Iaveh no fialofanao, eo ankavananao.

Salamo 35:10

Ny taolako rehetra hanao hoe: Iaveh ô, iza no tahaka Anao, izay manafaka ny malahelo amin’ny mahery noho izy, mbamin’ny malahelo sy ny mahantra amin’izay mamabo azy?

Salamo 55:8

dia handositra lavitra dia lavitra aho, ka honina any an’efitra any. - Selà

Salamo 72:13

Hiantra ny fadiranovana sy ny tsy manana Izy, ary hamonjy ny ain’ny mahantra.

Salamo 72:4

Hanomezany rariny ny olona ory eo amin’ny vahoakany, sy hamonjeny ny zanaky ny mahantra, ary hanorotoroany ny mpampahory!

Salamo 9:10

I Iaveh dia fiarovana ho an’ny ampahorîna, fiarovana ho amin’ny andron’ny fahoriana.

Salamo 91:1

Izay mialoka eo ambany fiarovan’ny Avo Indrindra, miala sasatra eo amin’ny aloky ny Tsitoha.

Isaia 11:4

Ny madinika hotsarainy ara-drariny, ary ny mpietry eto an-tany dia hamoahany teny fitsarana araka ny marina. Hikapoka ny tany amin’ny tsora-kazon’ny vavany izy, ary hamono ny ratsy fanahy amin’ny fofon’ain’ny molony.

Isaia 14:32

Inona no havaly ireo iraky ny firenena? Izao: «I Iaveh no nanorina an’i Siôna, ka mahita fialofana ao izay ory amin’ny vahoakany».

Isaia 16:3

Aoka ianao hanoro hevitra anay, hanelanelana anay; hanome aloka anay, toy ny amin’ny alina, amin’ny mitatao vovonana; hanafina ny enjehina, tsy hanondro ny mandositra!

Isaia 17:10

Satria ianao nanadino ny Andriamanitry ny famonjena anao, tsy nahatsiaro ny Vatolampin’ny herinao. Koa dia mamboly voly mahafinaritra ianao, ary foto-boaloboky ny olon-kafa firenena no ataonao ao.

Isaia 27:5

Afa-tsy raha mifikitra amin’ny fiarovako ny olona, ka manao fihavanana amiko, ka Izaho no anaovany fihavanana!

Isaia 28:6

ho fanahy fahamarinana ho an’izay mipetraka eo amin’ny seza fitsarana, ary ho hery ho an’izay manohana ny fahavalo mananika am-bavahady.

Isaia 29:19

Ny manetry tena hitombo hafaliana hatrany, amin’i Iaveh, ary ny mahantra indrindra hientan-kafaliana ao amin’Ilay Masin’i Israely.

Isaia 29:20

Satria lasa tsy hita intsony ny mpampahory ary maty ny mpaniratsira ary ho ringana izay rehetra mamoron-tsain-dratsy,

Isaia 29:5

Ny habetsahan’ny fahavalonao, ho tahaka ny vovoka madinika; ary ny habetsahan’ny mpiady, ho toy ny akofa manidina.

Isaia 32:2

Ka izy ireo dia samy ho fiarovana amin’ny rivotra; ho fialofana amin’ny ranonoram-baratra; tahaka ny ranovelona amin’ny tany karankaina; tahaka ny alo-batolampy eo amin’ny tany foana.

Isaia 33:16

izany no honina any amin’ny fitoerana avo; ny trano mimanda miorina amin’ny vatolampy no fialofany, ny haniny dia homena azy; ary ny ranony tsy hanam-paharitana.

Isaia 33:2

Iaveh ô, mamindrà fo aminay! Ianao no antenainay. Aoka Ianao ho sandrinay isa-maraina, sy ho famonjena anay amin’ny andro fahoriana.

Isaia 37:36

Dia nivoaka ny Anjelin’i Iaveh, ka namely olona 185.000 teo an-tobin’ny Asirianina, ary nony vao nifoha ny olona tamin’ny maraina dia indreo maty avokoa ireo.

Isaia 49:25

Izao no lazain’i Iaveh: Halaina aminy na ny sambotry ny mahery aza, ary ho afaka aminy ny babon’ny mpanao an-keriny. Fa ny mpandrafy anao, dia Izaho no hiady aminy, ny zanakao, dia Izaho no hamonjy azy ireo.

Isaia 57:13

Rehefa hitaraina ianao, aoka hamonjy anao ireo antontan’andriamanitrao! Hopaohin’ny rivotra avokoa ireo, hindaosin’ny tsotso-drivotra! Fa izay matoky Ahy no handova ny tany, sy ho tompon’ny tendrombohitra masina.

Isaia 66:2

Izao rehetra izao nataon’ny tanako avokoa; ka izany no nahatonga azy ho misy; - teny marin’i Iaveh.- Izao no olona tsinjoviko, dia izay manetry tena sy torotoro fo, ary mangovitra amin’ny teniko.

Isaia 8:14

Dia ho fitoerana masina Izy, nefa koa ho vato fanafintohinana sy ho vatolampy mahasolafaka ho an’ny firenena roa amin’i Israely, ho fandrika aman-tonta ho an’ny mponina eny Jerosalema.

Jeremia 16:19

Ry Iaveh, heriko ama-mandako, sy fialofako amin’ny andron’ny fahoriana, ho tonga aminao ny firenena maro, avy amin’ny faran’ny tany, ka hanao hoe: Ny razanay tsy nahazo lova afa-tsy ny lainga, sy zava-poana tsy azo atao na inona na inona!

Ezekiela 38:9

Hiakatra ianao, ka ho avy toy ny rivo-doza, hanahaka ny rahona hanarona ny tany, ianao mbamin’ny antoko-miaramilanao rehetra, ary ny firenena maro miaraka aminao.

Zefania 3:12

Havelako eo aminao ny vahoaka ambany sy manetry tena anankiray izay hatoky ny Anaran’i Iaveh.

Jakoba 2:5

Henoy ange, ry havako malala: Moa tsy ny mahantra eo imason’izao tontolo izao va no nofidin’Andriamanitra ho mpanan-karena amin’ny finoana, sy ho mpandova ny fanjakana nampanantenainy an’izay tia Azy?