Isaia 13:7 - Baiboly Katolika

⁷ Noho izany ny tanana rehetra hiraviravy; ny fon’ny olombelona rehetra ho reraka,

Baiboly Protestanta Malagasy 2011

⁷ Noho izany dia hiraviravy ny tanana rehetra, ary ho kivy ny fon’ny olona rehetra;

DIEM PROTESTANTA

⁷ Noho izany dia hiraviravy tanana ny besinimaro ary ho ketraka ny fon’ny olona rehetra.

Dikateny Iombonana Eto Madagasikara

⁷ Noho izany dia hiraviravy tanana ny besinimaro ary ho ketraka ny fon’ny olona rehetra.

Baiboly Protestanta Malagasy

⁷ Ary noho izany dia hiraviravy ny tànana rehetra, Ary ho kivy ny fon’ny zanak’olombelona rehetra;

Malagasy Bible

⁷ Ary noho izany dia hiraviravy ny tanana rehetra, ary ho kivy ny fon'ny zanak'olombelona rehetra;

La Bible en Malgache

⁷ Noho izany dia hiraviravy ny tanana rehetra, ary ho kivy ny fon’ny olona rehetra;

Isaia 13:7 Rohy Ifampitohizana

Salamo 58:7

Andriamanitra ô, torotoroy ny nifiny ao am-bavany; ry Iaveh ô, omboty ny valanoranon’ireo liona tanora!

Eksodosy 15:15

Nivadi-po ambony ihany ireo andrian’i Edôma; Tera-kovitra ny maherin’i Moaba; Niraviravy tanana avokoa ny mponina any Kanaana;

Isaia 19:1

Faminaniana ny amin’i Ejipta. Indro i Iaveh, mitaingin-drahona maivana miditra any Ejipta. Ka ny sampin’i Ejipta, mangovitra eo anatrehany, ary ny fon’i Ejipta mihonaka ao anatiny.

Isaia 37:27

Tsy manan-kery ny mponina fa raiki-tahotra sy mivadi-po; izy ireo manahaka ny ahitra eny an-tsaha aman-java-maitso milenodenoka, tahaka ny ahitra ambony tafon-trano, tahaka ny vary mandavenona, maina alohan’ny fahamasahany.

Isaia 51:20

Ny zanakao lahy efa reraka ka miapokapoka eny an-joron-dalana rehetra eny, mova tsy ny antilôpa voan’ny fandrika harato, jenjin’ny hatezeran’i Iaveh sy ny fandrahonan’ny Andriamanitrao.

Jeremia 50:43

Nandre izany ny mpanjakan’i Babela dia niraviravy tanana, nandry andriran’antsy, tra-panaintainana toy ny vehivavy eo am-piterahana.

Jeremia 51:30

Ireo lehilahy maherin’i Babela nitsahatra tsy niady; mihiboka ao anaty trano mimanda; lany ny heriny, tonga toy ny vehivavy izy; nodorana ny fonenany; notapahina ny hidim-bavahadiny.

Ezekiela 21:12

Ary rehefa hilaza aminao izy ireo hanao hoe: «Nahoana no midridridridry ianao?» Valio hoe: «Noho ny zava-baovao ho avy; fa hivarahontsana ny fo rehetra; hiraviravy ny tanana rehetra; ho velona ahiahy ny saina rehetra; hilefaka toy ny rano, ny lohalika rehetra. Indro, avy izany, ka efa tanteraka, - teny marin’ny Tompo Iaveh.» -

Ezekiela 21:7

Ry zanak’olona, atodiho mankany Jerosalema ny tananao; ary ataovy mijojo mankamin’ny fitoerana masina ny teninao; ary manaova faminaniana manohitra ny tanin’i Israely;

Ezekiela 7:17

Samy miraviravy tanana daholo, ary samy mitsonika ny lohalika rehetra ho rano.

Nahoma 1:6

Iza no mahatoetra eo anoloan’ny fahavinirany? Zovy no mahatanty ny firehitry ny fahatezerany? Mitatra toy ny afo ny fahatezerany, ary mitresaka eo anoloany ny vatolampy.

Nahoma 2:10

Baboy ny volafotsy, baboy ny volamena! fa tsy hita lany ny hareny, mbamin’ny fanaka sarobidiny rehetra voaangony.

Nahoma 2:11

Foana, voaroba, tankina! Kivy ny fo, mangovitra ny lohalika, mitapitapin’ny fiahiana mafy ny valahana rehetra, mivaloarika avokoa ny tarehy.

Josoa 2:11

Ka nony nandre izany izahay dia samy rera-po sy nanary toky avokoa tamin’ny fiavianareo, satria i Iaveh Andriamanitrareo ihany no Andriamanitra, any ambony amin’ny lanitra ary etỳ ambany amin’ny tany.