Hebreo 10:30 - Baiboly Katolika

³⁰ Fa fantatsika Ilay nilaza hoe: Ahy ny famaliana, Izaho no hamaly. Ary koa: Ny Tompo hitsara ny vahoakany.

Baiboly Protestanta Malagasy 2011

³⁰ Fa fantatsika izay niteny hoe: «Ahy ny famaliana; Izaho no hamaly»; ary koa: «NY TOMPO hitsara ny olony» (Deo 32.35-36).

DIEM PROTESTANTA

³⁰ Eny, fantatsika Ilay niteny hoe: «Ahy ny famaliana, Izaho no hamaly», ary niteny koa hoe: «Ny Tompo no hitsara ny vahoakany.»

Dikateny Iombonana Eto Madagasikara

³⁰ Eny, fantatsika Ilay niteny hoe: «Ahy ny famaliana, Izaho no hamaly», ary niteny koa hoe: «Ny Tompo no hitsara ny vahoakany.»

Baiboly Protestanta Malagasy

³⁰ Fa fantatsika Izay nanao hoe: ,,Ahy ny famaliana; Izaho no hamaly;’’ ary koa: ,,Jehovah hitsara ny olony’’ (Deo. 32.35, 36).

Malagasy Bible

³⁰ Fa fantatsika Izay nanao hoe: "Ahy ny famaliana; Izaho no hamaly;" ary koa: "Jehovah hitsara ny olony" (Deo. 32.35, 36).

La Bible en Malgache

³⁰ Fa fantatsika izay niteny hoe: «Ahy ny famaliana; Izaho no hamaly»; ary koa: «NY TOMPO hitsara ny olony» (Deo 32.35-36).

Hebreo 10:30 Rohy Ifampitohizana

Salamo 135:14

Fa manome rariny ny vahoakany i Iaveh, ary miantra ny mpanompony Izy.

Salamo 50:4

Miantso ny lanitra ambony izy, mbamin’ny tany koa, mba hitsara ny vahoakany.

Salamo 94:1

Ry Iaveh, Andriamanitry ny famaliana, ry Andriamanitry ny famaliana, misehoa!

Salamo 96:13

eo anatrehan’i Iaveh fa avy Izy. Avy hitsara ny tany Izy; hitsara izao tontolo izao araka ny rariny Izy, ary ny firenena, araka ny fahamarinany.

Salamo 98:9

Eo anatrehan’i Iaveh, fa avy hitsara ny tany Izy; hitsara ny tany araka ny rariny Izy, sy ny vahoaka araka ny hitsiny.

Isaia 59:17

Niakanjo ny fahamarinana ho fiarovan-tratra Izy, ary nametraka ny satro-pamonjena teo an-dohany; ny famaliana no nataony akanjo fiadiana, ary nihodidina tamin’ny fahasaro-piaro, toy ny amin’ny kapaoty izy.

Isaia 61:2

hitory taom-pahasoavana anankiray ho an’i Iaveh, sy ny andro famaliana anankiray ho an’ny Andriamanitsika; hampionona ny tra-pahoriana rehetra.

Isaia 63:4

Satria andro famaliana no tato am-poko; ary efa tonga ny taom-panavotana.

Ezekiela 18:30

Koa hotsaraiko araka ny lalanareo avy ianareo, ry taranak’i Israely, - teny marin’ny Tompo Iaveh. - Miverena ka mibebaha amin’ny fahotanareo rehetra ka tsy handoza anareo ny tsy fahamarinana.

Ezekiela 34:17

Ary ny aminareo, ry ondriko, izao no lazain’ny Tompo Iaveh: Indro Aho, hitsara, manavaka ny reniondry sy ny reniondry; manavaka ny ondralahy sy ny osilahy.

Levitikosy 19:18

Aza mamaly ratsy, na manao an-dolompo amin’ny zanaky ny firenenao. Fa tiavo ny namanao tahaka ny tenanao. Izaho no Iaveh.

Nahoma 1:2

Andriamanitra saro-piaro sy mpamaly heloka i Iaveh; mpamaly heloka i Iaveh; sady mahalala fahatezerana; mamaly izay manohitra Azy i Iaveh, sady mitahiry fahatezerana amin’ny fahavalony.

Romana 12:19

aza mamaly ratsy, ry malala, fa ny fahatezeran’Andriamanitra no avelao hanao izany, araka ny voasoratra hoe: Ahy ny famaliana, Izaho no hamaly, hoy ny Tompo.

Romana 13:4

satria lefitr’Andriamanitra amin’ny fanasoavana anao izy. Fa raha ny ratsy kosa no ataonao dia matahora, satria tsy entiny foana ny sabatra, fa entiny hitezitra sy hamaly izay manao ratsy amin’ny maha-lefitr’Andriamanitra azy.

2Korintiana 5:10

Fa isika rehetra dia samy tsy maintsy hiseho amin’ny fitsaran’i Kristy mba handraisantsika tsirairay avy izay tandrifin’ny asantsika fony mbola tao amin’ny vatana, na soa na ratsy izany.

1Samoela 25:26

Koa ankehitriny, tompoko, toy ny maha-velona an’i Iaveh, toy ny maha-velona ny fanahinao, dia narovan’i Iaveh tsy handatsa-dra ianao, na hamaly faty amin’ny tananao. Ary ankehitriny aoka ny fahavalonao sy izay mitady hanisy ratsy ny tompoko no hanahaka an’i Nabala.

1Samoela 26:10

Ary hoy i Davida: «Marina fa velona i Iaveh, koa dia i Iaveh ihany no hamely azy, na ho tapitra andro izy ka maty, na hirotsaka amin’ny ady izy ka maty;