Habakoka 2:5 - Baiboly Katolika

⁵ Ary fanampin’izany koa, mamitaka ny divay. Tsy haharitra ny olona miavonavona, izay mampitombo ny fahalianany ho lehibe toy ny seoly sy tsy mety voky, hoatra ny fahafatesana; mamory ny firenena rehetra ho ao aminy, ary manangona ny vahoaka rehetra ho azy.

Baiboly Protestanta Malagasy 2011

⁵ Eny tokoa, mamitaka ny divay. Tsy mba mahatoetra ny lehilahy miavonavona, dia ilay mitanatana vava tahaka ny fitoeran’ny maty; eny, toy ny fahafatesana ka tsy mety voky. Fa manangona ny firenena rehetra ho ao aminy izy sady mamory ny olona rehetra ho ao aminy.

DIEM PROTESTANTA

⁵ Eny, mamitaka ny harena: Tsy mahatombina mihitsy ny mpiavonavona, fa homan-dava tahaka ny toeran’ny maty izy ary tsy mety voky toy ny fahafatesana ka dia manangona ny firenen-drehetra ho an’ny tenany sy mamory ny olon-drehetra ho eo ambany fifehezany.

Dikateny Iombonana Eto Madagasikara

⁵ Eny, mamitaka ny harena: Tsy mahatombina mihitsy ny mpiavonavona, fa homan-dava tahaka ny toeran’ny maty izy ary tsy mety voky toy ny fahafatesana ka dia manangona ny firenen-drehetra ho an’ny tenany sy mamory ny olon-drehetra ho eo ambany fifehezany.

Baiboly Protestanta Malagasy

⁵ Ary koa, mamitaka ny divay; Ny olona miavonavona tsy mba mahatoetra, Dia ilay mitanatana vava tahaka ny fiainan-tsi-hita, Eny, toy ny fahafatesana, ka tsy mety voky, Fa manangona ny firenena rehetra ho ao aminy Sy mamory ny olona rehetra ho ao aminy.

Malagasy Bible

⁵ Ary koa, mamitaka ny divay; Ny olona miavonavona tsy mba mahatoetra, Dia ilay mitanatana vava tahaka ny fiainan-tsi-hita, Eny, toy ny fahafatesana, ka tsy mety voky, Fa manangona ny firenena rehetra ho ao aminy Sy mamory ny olona rehetra ho ao aminy..

La Bible en Malgache

⁵ Eny tokoa, mamitaka ny divay. Tsy mba mahatoetra ny lehilahy miavonavona, dia ilay mitanatana vava tahaka ny fitoeran’ny maty*; eny, toy ny fahafatesana ka tsy mety voky. Fa manangona ny firenena rehetra ho ao aminy izy sady mamory ny olona rehetra ho ao aminy.

Habakoka 2:5 Rohy Ifampitohizana

2Mpanjaka 14:10

Nandresy ny Edômita marina ianao, ka dia nisandratra ny fonao. Mireharehà ary mijanòna any aminao. Nahoana ianao no dia mihitsoka amin’ny loza; ka ho lavo ianao, dia ny tenanao sy i Jodà miaraka aminao?»

Salamo 138:6

Fa avo i Iaveh ka mijery ny iva toetra, ary fantany eny lavitra eny, ny mpiavonavona.

Ohabolana 20:1

Mpamazivazy ny divay, mpitabataba ny toaka, ka izay miarana amin’izany tsy mba hendry.

Ohabolana 21:24

Ny atao hoe mpamazivazy dia izay olona mianjonanjona, feno avona, izay fatra-pirehaka amin’ny ataony.

Ohabolana 27:20

Tsy mety voky ny fasana aman-tSeoly, tsy mety afa-po toy izany koa ny mason’ny olombelona.

Mpitoriteny 5:10

Raha mitombo ny harena, mitombo koa ny mpihinana azy, ary inona moa no soa azon’ny tompony amin’izany, afa-tsy ny mahita maso izany fotsiny?

Isaia 14:6

Nikapoka ny vahoaka tamin-katezerana mafy Izy, tamin’ny kapoka tsy an-kijanona; nentin’ny fisafoahany dia nataony ambany jioga ny firenena, tamin’ny fanenjehana tsy misy hiainana.

Isaia 16:6

Fantatray ny avonavon’i Moaba, ilay fatra-piavonavona, ny rehareha aman’avonavony, ny anjonanjony aman-teny mamitaka.

Isaia 2:17

Ny reharehan’ny olona, haongana, ary ny avonavon’ny olombelona, haetry, fa i Iaveh no hasandratra, dia Izy irery ihany, amin’izany andro izany.

Isaia 21:5

Ny latabatra atsangana, ny tily miambina, ny olona mihinana sy misotro. - Mitsangàna, ianareo kapiteny! Hosory ny ampinga!

Isaia 5:14

Koa dia mitatra ny Seoly, ka manadanadana tsy anerany ny vavany; mivarina ao ny reharehan’i Siôna, mbamin’ny be sy ny maro aminy izay mihahohaho sy mifaly.

Isaia 5:8

Loza ho an’izay manampy trano amin’ny trano, sy manitatra saha amin’ny saha, mandra-paha-tsy misy manelanelana intsony, fa dia izy irery no honina eo afovoan’ny tany.

Jeremia 25:9

dia indro ampanalaiko ny foko rehetra any avaratra, - teny marin’i Iaveh, - hoentiko amin’i Nabokodonozora mpanjakan’i Babilôna, mpanompoko; ary hataoko tonga izy ireo hamely an’ity tany ity mbamin’ny mponina eo aminy sy ny firenena rehetra amin’ny manodidina, ka hataoko anatema izy, hataoko tany lao, zavatra fandatsa, ary rava mandrakizay.

Jeremia 50:29

Antsoy hamely an’i Babela ny mpandefa tsipìka, mbamin’izay rehetra mpanenjana tsipìka, mitobia manodidina azy ianareo; aza misy afa-mandositra! Valio araka ny asany izy. Toraky ny nataony rehetra no mba ataony aminy kosa, fa nitsangana hanohitra an’i Iaveh, hanohitra an’ilay Masin’i Israely.

Jeremia 51:39

Dieny mirehidrehitra iny izy, dia hampidinako fisotro, ka hataoko mamo, mba hanaranany fo amin’ny fifaliana: dia ho raiki-tory amin’ny torimaso mandrakizay, sy tsy hahatsiaro intsony; - teny marin’i Iaveh. -

Habakoka 1:15

Fa alainy amin’ny fintana izany rehetra izany, sy sarihany amin’ny haratony, ary angoniny amin’ny harato tarihina, ka dia mifaly sy mientan-karavoana izy.

Habakoka 1:17

Hitohy mandrakariva va ny fandoarany ny ao amin’ny haratony, sy ny famonoany, tsy ananany antra, ny firenena?

Habakoka 2:4

Izay mibohibohy ny fanahy ao anatiny, dia tsy mba amin’ny lala-mahitsy, fa ny marina no ho velona amin’ny finoany.

1Tesaloniana 4:11

Mahaiza miaina amim-piadanana, sy manatanteraka tsara ny raharahanareo, ary miasa tanana araka ny nandidianay anareo,

Jakoba 4:6

Lehibe toy izany koa anefa ny fahasoavana omeny, araka ny lazain’ny Soratra Masina hoe: Manohitra ny mpiavonavona Andriamanitra, fa manome fahasoavana ny manetry tena.