Genesisy 37:35 - Baiboly Katolika

³⁵ Tonga nampionona azy avokoa ny zanany lahy aman-janany vavy rehetra; nefa tsy nety nionona izy, fa hoy izy: «Hidina misaona ho any amin’ny zanako any amin’ny fonenan’ny maty aho.» Ary nitomany azy, ity rainy.

Baiboly Protestanta Malagasy 2011

³⁵ Dia avy ny zanany lahy rehetra sy ny zanany vavy rehetra mba hampionona azy nefa tsy nety nampiononina izy, fa hoy izy: Tsia, fa hidina hisaona any amin’ny zanako any amin’ny fitoeran’ny maty aho. Dia mbola nitomany azy foana ny rainy.

DIEM PROTESTANTA

³⁵ Tonga nampionona azy avokoa na ireo zanany lahy na ireo zanany vavy; kanefa tsy nety nionona izy, fa nanao hoe: «Mbola hisaona aho no hidina hihaona amin-janako any amin’ny toeran’ny maty.» Koa mbola nitomany an-janany ihany izy.

Dikateny Iombonana Eto Madagasikara

³⁵ Tonga nampionona azy avokoa na ireo zanany lahy na ireo zanany vavy; kanefa tsy nety nionona izy, fa nanao hoe: «Mbola hisaona aho no hidina hihaona amin-janako any amin’ny toeran’ny maty.» Koa mbola nitomany an-janany ihany izy.

Baiboly Protestanta Malagasy

³⁵ Dia avy ny zanani-lahy rehetra sy ny zanani-vavy rehetra mba hampionona azy, fa tsy nety nampiononina izy, fa hoy izy: Tsia, fa hidina misaona ho any amin’ny zanako any amin’ny fiainan-tsi-hita aho. Ary dia mbola nitomany azy ny rainy.

Malagasy Bible

³⁵ Dia avy ny zananilahy rehetra sy ny zananivavy rehetra mba hampionona azy, fa tsy nety nampiononina izy, fa hoy izy; Tsia, fa hidina misaona ho any amin'ny zanako any amin'ny fiainan-tsi-hita aho. Ary dia mbola nitomany azy ny rainy.

La Bible en Malgache

³⁵ Dia avy ny zanany lahy rehetra sy ny zanany vavy rehetra mba hampionona azy nefa tsy nety nampiononina izy, fa hoy izy: Tsia, fa hidina hisaona any amin’ny zanako any amin’ny fitoeran’ny maty* aho. Dia mbola nitomany azy foana ny rainy.

Genesisy 37:35 Rohy Ifampitohizana

Genesisy 25:8

ka efa tratra antitra tsara, ary efa ela sy lava andro niainana i Abrahama vao niala aina, ka maty, dia nakambana tamin’ny razany.

Genesisy 31:43

Dia namaly i Labàna ka nanao tamin’i Jakôba hoe: «Ireo zazavavy ireo dia zanako vavy, ireo zaza ireo dia zanako; ireo biby fiompy ireo, dia biby fiompiko, ary izao hitanao rehetra izao, dia ahy avokoa. Ka inona no hataoko anio amin’ireto zanako vavy ireto, amin’izy ireo sy amin’ny zanany naterany?

Genesisy 35:29

Dia niala aina i Isaaka, ka maty, ary nakambana tamin’ny razany; tratra antitra sy lava andro niainana izy. Niara-nandevina azy i Esao sy i Jakôba, zanany.

Genesisy 42:31

Fa hoy izahay taminy hoe: «Olo-marina izahay, fa tsy mba mpisafo akory.

Genesisy 42:38

Fa hoy izy: «Tsy hiara-midina aminareo ny zanako. Ny rahalahiny efa maty, izy irery no sisa. Ka raha hidiran-doza any amin’izay lalan-kalehanareo any izy, dia hampidininareo any amin’ny fonenan’ny maty amin’alahelo, ny voloko fotsy.»

Genesisy 45:28

Ka hoy i Israely: «Aoka, fa mbola velona i Josefa zanako, ka handeha aho hahita azy dieny mbola tsy maty.»

Genesisy 48:11

Ary hoy i Israely tamin’i Josefa hoe: «Tsy nanampò hahita tava anao intsony aho, kanjo indro ataon’Andriamanitra mahita ny taranakao aza.»

2Samoela 12:17

Ka niangavy mafy taminy ny loholona tao an-tranony, mba hampiarina azy amin’ny tany; nefa tsy nety izy, ary tsy niara-nihinana tamin’ireo.

2Samoela 12:23

Fa rehefa maty kosa izy ankehitriny dia ahoana indray no hifadiako hanina? Mahay mamerina azy indray va aho? Izaho no hankany aminy, fa izy tsy hiverina hankatỳ amiko intsony!»

2Samoela 19:1

Tera-kovitra tamin’ny fientanam-pony ny mpanjaka, ka lasa niakatra tany an’efitrano, ambonin’ny vavahady, dia nitomany; sady nandeha izy no nitanisa hoe: «Ry Absalôma zanako! Ry zanako ô, ry zanako Absalôma ô! Inay anie aho maty nisolo anao! Ry Absalôma zanako, zanako ô!»

1Tantara 7:22

Nisaonan’i Efraima rainy ela izy ireo, ka tonga ny rahalahiny hampionona azy.

Joba 2:11

Nony nandre ny loza rehetra nanjò an’i Jôba ireo sakaizany telo lahy: i Elifaza avy any Temàna, i Baldada avy any Sohe, ary i Sôfara avy any Naamà, dia samy niainga avy any amin’ny fonenany avy, ka niara-nidinika izay handehanana hitsapa alahelo sy hampionona azy.

Salamo 77:2

Miakatra ho any amin’Andriamanitra ny feoko, ka mitaraina aho; miakatra ho any amin’Andriamanitra ny feoko: aoka hihaino ahy anie Izy.

Salamo 77:3

Mitady ny Tompo, amin’ny andron’ny fahoriako aho; manandra-tanana tsy mety vizana aho, nony alina; lavin’ny fanahiko avokoa ny fampiononana.

Mpitoriteny 9:10

Izay rehetra azon’ny tananao atao, dia ataovy amin-kerim-po; fa tsy misy asa na fahalalana na fahaizana, na fahendrena any amin’ny Seoly izay halehanao.

Jeremia 31:15

Izao no lazain’i Iaveh: Nisy feo re tany Ramà, dia fidradradradràna sy fitomaniana mangidy; fa nitomany ny zanany i Rasela ka mandà tsy hampiononina izy, ny amin’ny zanany, satria tsy velona intsony ireo.